طريقة الحمام المغربي في البيت للعروسة

بنقدم لك طريقة الحمام المغربي في البيت للعروسة، خطوة بخطوة. لأننا عارفين إنك مشغولة بجمال ونضافة جسمك، وعايزة تظهري بشكل جميل قدام زوجك. طبعًا الحمام المغربي من الخطوات المهمة قبل الفرح بـ 6 شهور على الأقل. بتكرريه مرة في الأسبوع، وتستمري عليه لحد قبل يوم الفرح بكم يوم.

يعتبر الحمام المغربي من التقاليد المغربية الجميلة، اللي نشأت في العهد الروماني. دا غير إنه بيشبه المنتجعات الصحية المنتشرة الأيام دي بشكل كبير. ومن قرون طويلة كانت الستات في المغرب بتتجمع كل أسبوع في حمام شعبي. وبيكون الحمام مليان بالبخار الساخن، وتقريبًا بتوصل درجة حرارته لـ 50 درجة مئوية. دا غير إن نسبة الرطوبة بتوصل ل، 100%.

وعلى فكرة لسه العادة دي موجودة عند المغاربة للنهاردة، يعني الحمام مش بس مخصص للعروسة، لكن لكل الستات والبنات. وفي نفس الوقت هو من أهم طقوس الاحتفال بالعروسة، وفي اليوم دا بيتجمع معاها أهلها وصحابها وجيرانها وبيحتفلوا داخل الحمام في أجواء كلها غنى ورقص وبهجة.

 الحمام المغربي والحمام التركي تقريبًا نفس الشيء، مع اختلافات بسيطة. فمثلًا الحمام المغربي بيعتمد على البخار الساخن اللي بيملا الحمام، لكن التركي بيعتمد على المياه الساخنة.

 مكونات وأدوات الحمام المغربي

مكونات الحمام المغربي موجودة عند العطار، وأي محل عطارة كبير بتلاقي كل الأدوات متوفرة عنده، زي:

الصابون المغربي

ودا أهم حاجة علشان طريقة الحمام المغربي في البيت للعروسة تكون صحيحة. الصابون بيكون لونه أسود، دا غير إنه طبيعي.  وهو عبارة عن خليط من الزيوت الطبيعية، والزيتون الأسود المهروس، والغليسيرين، والنباتات المحلية. بيتم خلط كل المكونات، علشان تشكل عجينة زبدية القوام.

بيرجع مصدر الصابون المغربي لمنطقة مغربية موجودة على ساحل المحيط الأطلنطي. وتقريبًا بيتصنع من أكثر من 3 آلاف سنة. وأهم نقطة بتميزه إنه خالي من العطور والمواد الكيميائية.

الصابون المغربي الأسود ليه فوايد كتيرة جدًا للعروسة. مثلًا يعتبر مرطب عالي للبشرة، لأنه بيحتوي على فيتامينات بتخلصها من السموم والجلد الميت. دا غير إنه بيجهز الجسم للتقشير، وبالتالي ينعم البشرة، ويحارب الشيخوخة. 

طين الغسول المغربي

عبارة عن طين بني محمر، أهل المغرب بيستخرجوه من من الرواسب القديمة العميقة اللي موجودة داخل جبال الأطلس. الرواسب دي بتتكون بسبب العمليات الحرارية الأرضية والنشاط البركاني.

الطين المغربي موجود من قرون طويلة، واشتهر في المنطقة العربية من 1000 سنة. وكانوا وما زلوا بيستخدموه ضمن منتجات العناية بالبشرة. ودا لأنه غني بالعناصر المفيدة للجسم زي، المغنيسيوم، البوتاسيوم، الحديد، .

القفاز المغربي

معروف في بلاد المغرب باسم اللوفا. وهو عبارة عن قفاز خشن الملمس، مصنوع من خامات معينة. بيتم لبسه في الإيد وتمريره على الجسم بعد وضع الصابون. وطبعًا بيقوم بدور كبير في عملية التقشير، وبيساعد على التخلص من الجلد الميت.

ماء الورد المغربي

ييتم تقطير الورد البلدي المغربي عن طريق غليه، واستخراج المياه منه. وبيتم استخدامه بعد غسل الجسم، لأنه بيساعد على تقليل تهيج واحمرار البشرة. دا غير إنه بيطهر المسام وبيزيل الزيوت الزايدة على البشرة.

زيت الأركان

بيتم استخراجه من شجر الأركان النادر، لكنه متوفر بالمغرب، ومنتشر في منطقة سوس. وهو زيت غني بالأحماض الدهنية زي أوميغا 3، ومضادات الأكسدة زي فيتامين هـ. بالإضافة إلى حمض اللينوليك، ومتعددات الفينول، ومركبات الستيرول. وبتتمثل أهميته في إنه بيعزز الكولاجين، وبيحارب الشيخوجة، وبيساعد على تجديد خلايا البشرة.

طريقة الحمام المغربي في البيت للعروسة

الخطوة الأولى: اخلطي معلقة أو معلقتين صغيرين من الطين مع المياه الساخنة لحد الذوبان. وضيفي قطرات قليلة من زيت الأركان، مع قطرات من عصير الليمون. بعد كدا ضيفي كمية من مياه الورد، علشان يكون المعجون كريمي. لكن لو الليمون بيسبب  حساسية لبشرتك بلاشه.

 الخطوة الثانية: حطي المعجون الكريمي على وجهك، وسبيه من 15-20 دقيقة، علشان ينشف قبل الحمام.

 الخطوة الثالثة: حطي كمية مناسبة من الطين على شعرك مع المياه الساخنة. وضيفي معلقة صغيرة من زيت الأركان؛ علشان يكون المعجون خفيف شوية. افرديه على كل أجزاء الشعر لحد الجذور، وغطيه بطاقية الشعر.

الخطوة الرابعة: افتحي المياه السخنة داخل حمام مساحته صغيرة، واستني مدة نص ساعة علشان يتملا المكان بالبخار. وتأكدي إنك قافلة كل منافذ الهواء. بعد كدا اخلعي هدومك كاملة وافضلي في البخار 5 دقايق على الأقل.

الخطوة الخامسة: غرقي جسمك بالمياه الدافية علشان يترطب كويس. وهنا بقى يا عروسة تبدأي تحطي الصابون المغربي الأسود على كل جسمك بحركات دائرية. وسيبي الصابون على بشرتك حوالي 10 دقايق، قبل ما تشطفيه بالمياه.

الخطوة السادسة: رطبي الليفا المغربية أو القفاز بالمياه الساخنة، وحطي عليها كمية من الصابون المغربي. ابدأي بقى بفرك جسمك بحركات دائرية، أو لأعلى ولأسفل، علشان البشرة تبدأ تقشر. وما تنسيش تشطفي شعرك من غسول الطين كويس..

الخطوة السابعة: امزجي طين الغسول المغربي مع مياه الورد، أو المياه الساخنة، وملعقة صغيرة من زيت الأركان؛ علشان تعملي معجونٍ سميك القوام. افردي المعجون على كل جسمك وسبيه 10 دقايق، وبعدين اشطفيه.

الخطوة الثامنة: ودي الخطوة الأخيرة، ادهني جسمك كله وجذور الشعر بزيت الأركان، علشان ترطبيه كويس..

فوائد الحمام المغربي للعروسة

بعد ما خلصنا طريقة الحمام المغربي في البيت، تعالي بقى يا عروسة نقولك فوايده:

بيشيل كل خلايا الجلد الميتة اللي متراكمة على جسمك من فترة طويلة.

 بيزيل المياه الزايدة في الجسم، وبالتالي بيخلصه من السموم.

درجة الحرارة والمياه السخنة بتساعد على التخسيس وذوبان الدهون الموجودة في الجسم وعلى المفاصل.

 المياه السخنة كمان بتساعد على تنشيط الدورة الدموية، وبتهدي الأعصاب، وبتقلل من التوتر والإجهاد.

من أهم فوايد الحمام المغربي إنه بينضف البشرة وبيزيل كل الأوساخ اللي بتكون قافلة على المسام. وطبعًا دا بيحفز انتاج الكولاجين، ومع الوقت والتكرار بيساعد على تجديد شباب وحيوية ونعومة الجسم، والحصول على بشرة مثالية ورطبة.

أضرار الحمام المغربي للعروسة

بشكل عام طريقة الحمام المغربي في البيت للعروسة خالية من الأضرار، لو نفذته بشكل صحيح. ومع ذلك بعض الستات ممكن يحصل معاهم أعراض جانبية زي:

الاختناق: ممكن كثافة البخار وغلق كل منافذ الحمام، تتسب في اختناق ودوخة. ونصيحة لأي عروسة تاخد بالها كويس من الموضوع دا، وحاولي ما تفضليش كتير في البخار.

الإصابة بالبرد: الخروج من الحمام الساخن مباشرة والمسام مفتوحة والجسم سخن، بنسبة كبيرة هيعرضك لدور برد جامد. وأحيانًا الموضوع بيكون أخطر، وبيحصل هبوط حاد وعدم قدرة على التنفس وثقل على الصدر. ودا حصل بالفعل عن تجربة شخصية، فخلي بالك.

 الأفضل طبعًا بعد ما تخلصي الحمام المغربي، تستحمي بمياه فاترة، وتغسلي وجهك بمياه ساقعة. وكمان تلبسي كويس أو تغطي جسمك قبل ما تخرجي، ويكون البيت مقفول ومفيش مجال لدخول هواء بارد من الشبابيك.

الحساسية: في حالة استخدام منتجات فيها مواد غير مناسبة لنوع البشرة، ممكن يسبب حكة أو طفح جلدي. دا غير إنه لو لمس العين في كل الحالات هيسبب احمرار ووجع.

الجفاف: طبعًا الإفراط في وقت الحمام المغربي، ممكن يتسبب في نتائج عكسية، خاصة لأصحاب البشرة الجافة.

إقرأ أيضًا: تجهيزات العروسة قبل الفرح بشهرين