شهر عسل في الفلبين بأقل الأسعار

شهر عسل في الفلبين بأقل الأسعار

قررت تطلع شهر عسل جميل بعد الفرح؟ طيب قررت المكان ال هتقضي فيه شهر العسل؟ ياترى شهر عسل خارج مصر ولا داخل مصر؟ طيب إيه رأيك في شهر عسل في الفلبين بأقل الأسعار؟ تعالى معايا للآخر وشوف ازاي انها فكرة ممتازة!!

تكلفة شهر العسل في الفلبين

الفلبين من أفضل الأمكان والدول ال ممكن تكون وجهة سياحية لتقضية شهر العسل وبدء حياة جديدة مع شريكة حياتك.

وده لأسباب كتير منها إن تكلفة السياحة في الفلبين لفردين بتكون قليلة جدًا ونقدر نقول معقولة بالنسبة للوجهات التانية: زي الساحل الشرير مثلًا! أو تايلاند وغيرها من الوجهات السياحية.

ونقدر نقول إن تكلفة شهر عسل في الفلبين في المتوسط بتكون من 1500 ل 3000 دولار يعني حوالي من 75000 ل 150 ألف جنيه. وده طبعًا شانل الطيران والمواصلات والإقامة يعني حاجة لقطة.

السياحة في الفلبين

شهر العسل أو honeymoon يعتبر من الأساسيات ال بتفرح البنات جدًا. وبتكون رحلة العمر لو هتعرف تروح مكان برة البلد تستمتع وتشوف أماكن جديدة.

ودولة الفلبين وجهة مثالية لقضاء الهوني مون لأسباب كتيرة متعلقة بجمالها، زي إنها بتحتوي على آلاف الجزر!! آه والله زي مبقولك كده!! علشان كده السياحة في الفلبين مشهورة حدًا وريفيوهاتها ممتازة.

دولة الفلبين فيها أكتر من 7100 جزيرة! متخيل الرقم؟! ومش كل الجزر دي تم اكتشافها كمان!! يعني فيه أماكن خام كتيرة ومناظر طبيعية ممتازة. غير الأنشطة السياحية ال ممكن تعملها هناك، والأكل المميز والآثار ال ممكن تشوفها.

افضل وقت لزيارة الفلبين في شهر العسل

لو قررت أن تسافر الفلبين فلازم تعرف إن شهور الصيف عندنا بتكون بمثابة وقت امطار استشارية وأعاصير في الفلبين. يعني في الفترة ما بين شهر يونيو وشهر سبتمبر.

علشان كده ابعد عن تحديد الفرح أو السفر في شهر العسل في الوقت ده. واختار الفترة ما بين شهر ديسمبر لشهر فبراير لأنه أفضل وقت لزيارة الفلبين واكتشاف الجزر والأماكن هناك.

افضل الوجهات السياحية في الفلبين

الفلبين من اجمل الأماكن ال ممكن تختار تروحها في شهر العسل. هناك هتقدر تتواصل مع الناس المحليين باللغة الانجليزية وهما ناس طيبين زي المصريين كده. كمان فيه خصوصية كبيرة وال هتحتاجها في شهر العسل.

ومن أفضل الوجهات السياحية في الفلبين ال ممكن تساعدك على تقضية وقت لطيف: زي جزيرة مانيلا “العاصمة”، وجزيرة بوركاي، وجزيرة بسهولة ال فيها جبال الشيكولاتة.

وطبعا جزيرة بالاوان Palawan ال مليانة بشواطئ ممتازة وبكر ومياه نضيفة وهناك أنشطة مائية كتيرة ممتعة. زي الغطس والسباحة والصور في المناظر الطبيعية ال مفيش زيها، والتجديف وغيره.

تحضير شنطة شهر العسل للسفر للفلبين

علشان تسافر الفلبين، لازم تهتم بنوعية الملابس والحاجات ال هتحتاجها هناك حسب الطقس ال هتختار. لكن في العموم هتحتاج ال هقولك عليه ده:

  • اختاري هدوم صيفي قطنية ومريحة لليوم النهاري على البحر أو الشط. ومتنسيش الهدوم الفضفاضة والواسعة.
  • متنسيش هدوم البحر والسباحة علشان الأنشطة السياحية زي الغوص والسباحة وغيرها.
  • متنسيش واقي الشمس والنظارات الشمسية وقبعة كبيرة علشان أشعة الشمس.
  • اختاري أحذية مريحة وعملية للمشي على البخر، وكوتشي رياضي ومريح لو هتتجولي في المكان وتمارس رياضة المشي الطويل لاكتشاف المنطقة.
  • كريم حروق الشمس، وشنطة الاسعافات الاولية ضرورية في أي سفرية، مجهزة بأدوية مسكنة وقطن ومطهر. طبعًا غير المطهر الخاص بيكي والفوط الصحية.

وفي النهاية فالفلبين مكان مميز وفيه جزر وشواطئ وأنشطة وحاجات كتيرة هتثير فضولكم كعريس وعروسة. وكمان التعرف على ثقافات مختلفة بيخلي قضاء شهر عسل في الفلبين فكرة مميزة واقتصادية.

هل محتوى المقال دة كان مفيد بالنسبة لك؟
نعم، مفيد!لا!
عجبك المقال؟ شارك مع اللي يهمك!
Avatar photo
ضحى حمادة

أنا ضحى، كاتبة محتوى ومصممة ومترجمة، مهتمة بجميع الجوانب الثقافية والعلمية، وأسعى دائمًا للتطور من ذاتي من خلال البحث والتعلم المستمر، وتجربة كل ما هو جديد.
بكتب في كافة المجالات بعد بحث طويل عن كل مصادر الموضوع المتاحة واختيار أدقها، بحب البحث في التفاصيل لوضوح الصورة.

المقالات: 26

أكتب رأيك في المقال!

لن يتم نشر عنوان بريدك الإلكتروني. بيانات ضرورية عليها علامة *