شهر العسل في مصر بأقل التكاليف

من أهم الافكار والترتيبات الخاصة بالفرح والعروسين؛ افكار اشهر العسل، وإن كان من الممكن قضاء شهر العسل في مصر بأقل التكاليف أو لا؟؟ بهدف الحفاظ على ميزانية الفرح والخطط المتفق عليها بين العروسين. علشان كده تعالى أقولك رحلة شهر عسل على الطريق.

ارخص اماكن شهر العسل في مصر

علشان تقضي شهر العسل في مصر مش محتاج قرض من البنك ولا حاجة. جهز شنطتك انت والعروسة و أسبوع إجازة من الشغل وتعالى اقولك ازاي تقضي شهر العسل في مصر بأقل التكاليف.

مرسى مطروح ارخص اماكن شهر العسل في مصر

لو ميزانيتك قليلة، فتأكد إن مرسى مطروح من أجمل الاماكن المنسية لشهر عسل ممتع أو فسحة عائلية متتنسيش.

من شواطئ جميلة، وراحة وهدوء وماية نضيفة ورملة ناعمة، لمحلات ومطاعم وأكل مميز والأهم من ده كله هو الاسعار ال تعتبر معقولة لعروسين بيبدأوا حياتهم.

اماكن الاقامة في مرسى مطروح

و بالنسبة أشعر اماكن الاقامة في مرسى مطروح فهي كويسة بالنسبة بميزانية قليلة، يعني تقدر تأجر شاليه كامل ليك لوحدك لمدة اسبوع بحوالي 6000 جنيه في موسم الصيف وبيقل السعر مع تغير التاريخ.

وتقدر تاخد شقة في برج الهدى مثلًا لمدة اسبوع ينص المبالغ ده حوالي 3400 جنيه. وانا ارجح اختيار شقة أو شاليه للخصوصية ولأن اسعار الفنادق هناك مبالغ فيها شوية.

الأنشطة في مرسى مطروح

انشطة كتير زي السباحة والحديقة المائية والحدائق العائلية، يعني كل يوم برنامج لوحده تعالى نرتبها:

شواطئ مرسى مطروح

أول واهم الأنشطة في مرسى مطروح هي السباحة في البحر وهناك شواطئ كتير تختار منها وكلها أحلى من بعض زي:

• شاطئ الغرام من أحلى الشواطئ هناك، وممكن تجرب الغوص في الاماكن المخصصة، أو تكتفي بالسباحة.
• شاطئ عجيبة، وطبعًا من اشهر الشواطئ في مرسى مطروح والسباحة فيه ممتازة، وكمان الصور التذكارية على الشط تنقع خلفية موبايل.
• شاطئ كليوباترا، وهو رحلة سياحية لوحده لأنك مش هتسبح بس في الماية! لأ تقدر تجرب جولة سياحية في المكان ونشوف قصر كليوباترا وحمامها وغيرها من الاماكن الجميلة.
• شاطئ الفيروز كمان من شواطئ مرسى مطروح ال ممكن تعمل فيها انشطة سياحية زي ركوب الامواج وطبعًا السباحة.

الحدائق في مرسى مطروح

لو بتخاف من البحر تعالى نقضي يوم في حدائق مرسى مطروح:

• الحديقة المائية في مرسى مطروح وتجربة المنزلقات المائية والزحلوقات والالعاب الممتعة.
• حديقة مرسيليا وهي حديقة مائية برضه، وفيها منزلقات مائية عالية والعاب مائية تناسب الكل، لكن جدد وقت من 10 الصبح ل5 المغرب لأنها بتقفل في الوقت ده.

كل ده وطبعًا الأنشطة في مرسى مطروح لسة بتبدأ، لأنك تقدر تاخد جولة سياحية كل يوم في واحد من شوارع مرسى مطروح بالليل، وتشتري هدايا وحاجات كتير. كمان تجربة المطاعم في مرسى مطروح خيالية.

مرسى علم

من اجمل و ارخص اماكن شهر العسل في مصر ال ممكن تقضي فيها أسبوع بخدمة جيدة، وزيادة اماكن ووجهات مميزة. وده لأن مرسى علم بتوفرلك كل شيء من أماكن إقامة متفاوتة الاسعار ووجهات مختلفة ومميزة، وأنشطة سياحية ممتعة.

فنادق مرسى علم

واماكن الاقامة في مرسى علم كتير ومتفاوتة الاسعار على حسب الخدمة المقدمة، كمان الخدمات بيكون تقييمها كويس جدا. بمعنى إن الفندق الخمس نجوم مبيختلفش كتير عن الفندق الأقل منه.

وبتتراوح سعر الغرفة الدبل في الفنادق في مرسى علم لمدة اسبوع من 6500 وأزيد على حسب الوقت ال هتحجز فيه، والموسم، وبعد المسافة عن البحر، أو المنتجع ال هتحجز فيه.

الانشطة في مرسى علم

نيجي بقى للفسحة والأنشطة ال هتقضي بينهم أحلى ايام شهر العسل في مصر بأقل التكاليف. ولأن مرسى علم مشهورة بالبحر و المياه النقية، لزيارة شواطئ مرسى علم من أحلى الحاجات ال ممكن تعملها إن كنت في منتجع أو حتى في شقة سكنية.

ولكن يستحسن تنضم لأحد من منظمي الرحلات علشان استمتع بالغطس في امان ونشوف اكتر الاماكن الجميلة في رحلة بسعر مناسب. تقدر استمتع بـ:

• الغطس في شاطئ اللولي، والاستمتاع بالشعاب المرجانية والأسماك الخيالية.
• زيارة وادي الجِمال، وهي محمية طبيعية تقدر تشوف فيها الإبل والجِمال، والمعبد الروماني، وشجر الأكاسيا غير منتظم طبيعية لصور وذكريات جميلة.
• زيارة بيت الدلافين وهو شاطئ تحفة وتجربة ممتازة لرؤية الدلافين والسباحة جنبهم.

دهب لشهر عسل رخيص

دهب في البحر الاحمر من أفضل أماكن شهر العسل في مصر ال ممكن تقضي فيها شهر العسل، وده لأنها واحدة من المدن السياحية المشهورة بمياهها واماكن الترفيه فيها. كمان تقدر تحجز مكان إقامة بسعر مناسب، إن كانت غرفة في فندق أو حتى شاليه صغير.

الانشطة في دهب

من اجمل الاماكن و الأنشطة في دهب للعروسين هي جولة في المحميات الطبيعية ال بتجذب النظر والروح. وتقدر من خلال المحميات تشوف الحيوانات البرية والطيور ال مشوفتهاش قبل كده.

كمان تقدر تشوف تحت البحر من مجال طبيعي بيجيله السياح من كل الدنيا زي الحيوانات المائية والشعاب المرجانية. وكمان ممكن تجرب تركب الجِمال، وتغطس وتسبح، وتجرب التخييم، وتاخد صور خيالية لذكرى جميلة.

وفيه اختيارات متعددة للمحميات الطبيعية والجزر في دهب زي:

• محمية ابو جالوم.
• محمية النبق.
• جزيرة لاجونا.
• جزيرة كورال.

وطبعًا غير المناطق التجارية والسياحية المليانة بالمطاعم الفاخرة ال بتقدم اطعمة عالمية، ولذيذ على حسب ميزانيتك.

فنادق دهب

في دهب اختيارات كتير قدامك للإقامة، من فنادق خمس نجوم واربع نجوم وحتى نجمتين، أو بيوت إقامة وشاليهات.

وبتبدأ الاسعار في بيوت الاقامة من 3800 وحتى 6800 لدى أسبوع في شهر يونيو يعني في موسم الصيف، بيت خاص بيك غرفة وحمام ومطبخ وخصوصية تامة. وبتختلف الاسعار حسب اسبقية الحجز وقرب المكان من المنتجات وغيرها.

كمان تقدر تسكن في واحد من عشرات الفنادق في دهب وبتكون بنفس سعر البيت شامل الافطار كمان. و علشان كده دهب من ارخص اماكن شهر العسل في مصر.

المصادر:

https://www.tripadvisor.com.eg/SmartDeals-g294200-zft9624-Egypt-Hotel-Deals.html