شهر العسل في المالديف تجربة لا تنسى في قلب الطبيعة

حلم كل عروسين بيحبوا الأماكن الطبيعية أنهم يقضوا شهر العسل في المالديف والاستمتاع بكل مظاهر الطبيعة من حولهم. لإنه مكان بيجمع فعلًا كل مظاهر الطبيعة الساحرة، وطبعًا فيه أجوار رومانسية وأنشطة ممتعة. ولو حلمكم تقضية شهر العسل فيه هنساعدكم بتوضيح كل الأنشطة وكل العوامل اللي تخليه وقت لا ينسى.

أفضل أماكن الإقامة لـ شهر العسل في المالديف

نبدأ بأماكن الإقامة واللي بتكون السبب الرئيسي في راحتكم ومتعتكم طول السفر. لإن لو الإقامة مش مريحة يبقى أكيد هتأثر على باقي الوقت، لذلك نقدر نقسم أماكن الإقامة هناك حسب تصنيفاتها وتختاروا منها اللي يناسبكم.

فلل فوق المياه

ودي طبعًا أشهر وأجمل أماكن إقامة في المالديف، الأماكن بتحيط بيكم من كل جانب. ولكن تكلفتها مرتفعة فهي تناسب الميزانيات المرتفعة، وبجانب الإقامة الفاخرة بيكون فيه وجبات وسناكس ومرافق للاستجمام.

منتجعات داخلية

في منتجات بجانب الفلل على المحيط، لكن هتكون بنفس مزايا وتكلفة الفلل. لو عايزين إقامة فارهة وتكلفة أقل شوية يبقى المنتجعات الداخلية أو القريبة من المحيط. بتقدم مستوى فاخر جدًا من الخدمات مع حمامات سباحة خاصة وعامة.

فنادق داخلية

ودي أرخص أماكن إقامة في المالديف، مش كلها رخيص طبعًا لإن فيها فنادق 5 نجوم. لكن بالطبع أقل في السعر عند مقارنتها بالأماكن القريبة من المياه. تقدروا تختاروا منها اللي يناسب الميزانية.

أنشطة بحرية في شهر العسل في المالديف

أيًا كان مكان الإقامة اللي هتختاروه مش هيمنعكم من الاستمتاع بكل الأنشطة البحرية المتاحة في الجزر. فلو بتحبوا المغامرة والأجواء البحرية تقدروا تقضوا يومكم في أنشطة كتير، منها على سبيل المثال:

• الغطس: دي طبعًا مش محتاجة مخاطرة، لو بتعرفوا تغطسوا اعملوا رحلة مع بعض، ولو مش بتعرفوا استعينوا بمدرب غطس. وتأكدوا إنكم هتتبسطوا جدًا بالغطس في مياه نقية وشفافة.
• سنوركلينج: ودا متعة لا تقدر، هيكون غوص لكن في أماكن محددة تتفرجوا فيها على الشعاب المرجانية الملونة. هيكون معاكم مرافقين للرحلة عشان هما اللي يعرفوا الأماكن المناسبة للنزول.
• ركوب القوارب: لو بتخافوا من النزول في الماية يبقى أكيد هتتبسطوا برحلة على قارب في وسط المياه. خاصة مع وقت الغروب هتكون الأجواء رومانسية جدًا.

أماكن الاسترخاء للعروسين في شهر العسل في المالديف

يعتبر وقت الاسترخاء دا الوقت المفضل للعروسين، وقت من الهدوء والراحة تساعدكم على استكمال الرحلة. هتلاقوا خدمات جلسات السبا متوفرة في كل مكان في المالديف، سواء داخل مكان الإقامة أو خارجه. المهم انكم تفصلوا وتجددوا النشاط، ومع جلسات التدليك بمكونات طبيعية وجلسات عناية بالجسم والبشرة هترجعوا لحالة من الصفاء الذهني والنشاط الجسدي هتحتاجوها عشان تكملوا رحلتكم بكل نشاط.

أفكار رومانسية لـ شهر العسل في المالديف

بما إنكم خلاص في المالديف يبقى مش هينفع متقضوش عشاء رومانسي فيها، ودي أفكار لطيفة تقدروا تستمتعوا بيها:

• تختاروا مطعم مميز على المياه بيقدم عشاء خفيف رومانسي مع أضواء شموع أو إضاءة خافتة، هتلاقوا أماكن كتير جدًا بتقدم الخدمة دي سواء في فنادق أو مطاعم منفصلة.
• أماكن على الشاطئ منفصلة بتقدم برضو خدمات عشاء رومانسي للأزواج في شهر العسل.
• تقدروا بنفسكم تعملوا أجواء رومانسية على الشاطئ باستخدام مفرش للأرض، وشموع ووجبات خفيفة.

المهم إن قضاء شهر عسل في المالديف هيبقى مميز سواء بميزانية كبيرة أو حتى ميزانية محدودة. مع تخطيط صح وتوزيع للوقت والميزانية هتتبسطوا بكل دقيقة هناك.

اقرأ أيضًا: أفضل فنادق شهر عسل في إسطنبول.

اقرأ أيضًا: أرخص أماكن شهر العسل خارج مصر.