زراعة الشعر… معلومات قد لا تعرفها عنها!

مع تقدم العلم كل يوم بنلاقي حل لأي مشكلة صحية بتقابلنا تقريبا، وبالأخص لو اتكلمنا في التجميل وخصوصا العناية بالشعر، ومن ضمن التطورات اللي حصلت هي عمليات زراعة الشعر.

زرع الشعر والصلع الوراثي

كتير من العرسان اللي بيعانوا من مشكلة الصلع الوراثي أو شعر خفيف أعلى الرأس بيفكروا يعملوا زراعة الشعر خصوصا قبل الفرح، وخصوصا أن باقي العلاج بياخد وقت طويل علشان النتيجة تبان على سبيل المثال: استخدام الزيوت الطبيعة.

زراعة الشعر

هي عملية جراحية في فروة الرأس، وبتقوم على فكرة نقل بوصيلات الشعر من منطقة فيها كثافة للشعر لمنطقة تانية (الشعر فيها بيكون إما خفيف أو فيها صلع)، والعملية دي مقسمة لأنواع حسب طريقة الجراحة اللي بيعملها الطبيب المختص.

خطوات عملية زرع الشعر

يتم نقل بصيلات الشعر من مكان فيه شعر كثيف وبيكون غير واضح على سبيل المثال: مؤخرة الرأس للمكان اللي بيكون فيه الشعر خفيف أو منطقة فارغة في فروة الرأس.

عوامل تؤخذ في الاعتبار قبل إجراء عملية زرع الشعر

• نوع الشعر.
• لون الشعر.
• مدى كثافة الشعر في فروة الرأس.

زرع الشعر مش للرجال بس!

مش شرط الرجال بس يقوموا بعملية زراعة الشعر، ولكن في ستات كتيرة بتقوم بيها مؤخرا، لأنهم بيعانوا من تواجد الشعر الخفيف.

عملية زراعة الشعر بتاخد وقت اد ايه؟

العملية بتاخد من 4-8 ساعات حسب حالة المريض، وكمية المناطق اللي عايز يزرع فيها الشعر، وفيه عمليات ممكن تتجزأ على مرحلتين.

امتا بيظهر الشعر بشكل كامل وطبيعي؟

الأطباء بيقولوا أن بعد إجراء العملية بحوالي 6 شهور لحد 9 شهور بيظهر الشعر بالشكل الكامل.

هل عملية زراعة الشعر مؤلمة؟

هي زي أي عملية بيكون فيها نسبة من الألم في فروة الرأس، وفي بعض الأوقات بيكون فيه التهاب وتورم، وبيكتب الدكتور بعد العملية بعض المسكنات زي دواء كاتافلام.

أدوية يتم تناولها قبل وبعد العملية

• قبل العملية: الدكتور بيحقن المريض بمخدر علشان ميحسش بأي ألم أثناء العملية.
• بعد العملية: ينصح الدكتور الحالة بتناول المضادات الحيوية علشان يمنع حدوث أي عدوى، بالإضافة لتناول مضادات الالتهاب لمنع التورم.

بعض الحالات الخاصة!

الدكتور ممكن يوصف للمريض استخدام أدوية موضعية للشعر على سبيل المثال اسبراي يحتوي على مادة المينوكسديل، ودة من أشهر المواد الفعالة في إنبات الشعر، ولكن بيتم استخدامه لبعض الحالات اللي حصل لها تساقط للشعر بعد العملية.

تحذيرات بعد عملية زراعة الشعر

الدكتور بيوصي المريض ببعض التعليمات اللي بتساعد على نجاح العملية بشكل أكبر مثل:

1. المريض مش بيمشط شعره لحد فترة معينة بيحددها الدكتور.
2. عدم غسل الشعر بعد العملية مباشرة، والدكتور بيحدد الوقت المناسب لغسل الشعر.

عيوب عملية زرع الشعر

من العيوب غير المنتشرة لعملية زرع الشعر هو احتمالية تساقط الشعر بعد فترة من إجراء العملية دي، ولكنها بتكون حالات خاصة، وبيتم استخدام علاج موضعي لحل المشكلة.

عملية زراعة الشعر الصناعي

من أحدث الطرق في زراعة الشعر أنه بيتم الاستعانة بمواد من الألياف، وبيتم استخدامها كبديل لبصيلات الشعر الطبيعية، وكان بيتم استخدامه في بعض الحالات الخاصة.

عيوب زرع الشعر الصناعي

 في عام 1983 تم منع هذا النوع من العمليات في الولايات المتحدة الأمريكية بسبب أثارها الجانبية اللي ممكن تحصل بسبب حقن مواد لا تناسب الجسم واللي ممكن تتفاعل معاه وتسبب أثار جانبية خطيرة.

اقرأ أيضا: ازاى تتخلص من قشرة الشعر نهائيا قبل فرحك؟

اقرا أيضا: 10 خطوات للنظافة الشخصية للعريس… حتخليك واثق في نفسك.