ديكورات شقق عرسان مودرن

كل المقبلين على الزواج بلا استثناء بيهتموا بالبحث عن ديكورات شقق عرسان مودرن لإن ليها دور كبير على تحسين شكل المساحة سواء كانت واسعة أو ضيقة، ولكن مش الديكورات فقط اللي ليها دور، كمان الإضاءة ولون الأرضيات وتفاصيل كثيرة هنستعرضها بشكل بسيط عشان تقدروا تختارو قطع مميزة تناسب بقية عناصر التصميم.

تأثير الإضاءة على ديكورات شقق عرسان مودرن

الإضاءة مش فقط مصدر ضوء بل هي عنصر أساسي في التصميم الداخلي. وعشان كدا عند اختيار ديكورات شقق عرسان مودرن لازم نركز على توزيع الإضاءة بشكل مناسب بالتركيز على النقاط دي:

1. استخدام الإضاءة المخفية “السبوت لايت” هيساعد على الشعور باتساع المكان. وطبعًا بتخلي الأجواء رومانسية ودافية وبتضيف لمسة عصرية.
2. التركيز على توظيف الإضاءة الطبيعية، باختيار نوافذ كبيرة خاصة للمساحات الضيقة. دا يساعد إنك تعزز الشعور باتساع المساحة.
3. استخدام مرايا عاكسة أمام مصادر الإضاءة بيزيد من دفئ المكان وبيضيف لمحة عصرية.
4. استخدام إضاءات جانبية خافتة، تسليطها على الديكورات بيضيف فخامة للأجواء.

تأثير ألوان الجدران والأرضيات على الديكور

ألوان الجدران والأرضيات من عناصر التصميم الرئيسية والحاسمة في اختيار ديكورات شقق عرسان مودرن  أو كلاسيك. يعني اختيار اللون هيتحكم بشكل كبير في اختيار الديكورات على سبيل المثال:

• عند اختيار ألوان محايدة زي الأبيض أو البيج أو الرمادي هتعزز الشعور باحساس النقاء والبساطة. ودا هيمنحك شعور باتساع المساحة وهيساعد على إبراز قطع الديكور والأثاث.
• عند اختيار الأرضيات ممكن نختار أرضيات خشبية هتضيف دفء وعمق للمساحة. لكن مش هتكون مناسبة للمساحات الصغيرة.
• عند اختيار سيراميك للأرضيات بألوان فاتحة هيساعد على الشعور باتساع المساحة. كمان الألوان الفاتحة هي الأنسب مع اختيار شقق عرسان مودرن لطيفة.
• لكن عند اختيار سيراميك بألوان غامقة هتحتاج اختيار ديكورات وأثاث كلاسيك لأنها ألوان بتضيف لمسة من الفخامة.
• ممكن استخدام ألوان زاهية على بعض الجدران. أو استخدام ورق حائط مزخرف هيساعد على إبراز الديكور المودرن.

كيفية توظيف ديكورات شقق عرسان مودرن بطريقة صحيحة

لتوظيف كل عنصر وقطعة بشكل صحيح، لازم نحاول تحقيق التوازن بين شكل الديكور ووظيفته. مش بس تكون قطع مميزة وجميلة كمان لازم يكون ليها غرض عملي مناسب:

• عند استخدام الأرفف المفتوحة مش هنستخدمها فقط كشكل، ممكن نضيف ليها وظيفة زي عرض الكتب، أو بعض القطع الفنية الصغيرة.
• استخدام الترابيزات مش هيكون عشوائي، بالعكس نقدر نختار شكل مناسب لباقي الأثاث وفي نفس الوقت ليها وظيفة تانية زي تخزين مجلات، أو أدراج داخلية للتخزين.
• حتى السجاد ممكن نستخدمه بوظيفة مختلفة وهي الفصل بين المساحات زي غرفة المعيشة والسُفرة في المساحات المفتوحة.

أحدث أساليب ديكورات شقق عرسان مودرن

أحدث اتجاهات التصميم الداخلي بتتضمن مجموعة كبيرة من الأساليب اللي تناسب كل الأذواق، تقدر تتبع الأسلوب المناسب، ولكن ضروري عدم الخلط بين أكثر من أسلوب لإن الخلط هيتسبب في عدم تناسق المكان، عشان كدا الأفضل نطبق أسلوب واحد ومن أشهر وأحدث أساليب ديكورات شقق عرسان مودرن هي:

• الأسلوب البوهيمي:  ودا رغم غرابة أسمه إلا أنه أسلوب تصميم وديكور متميز جدًا. وسهل تعرفه بمجرد ما تشوفه، هتلاقي كل ألوانه زاهية، وقطع الأثاث مش متطابقة ومختلفة في تصميمها وألوانها. لكن رغم الاختلاف إلا أنها بتتكامل مع بعضها إما بنوع الخامة أو ألوانها.
• الأسلوب الريفي الحديث: التركيز فيه على استخدام مواد طبيعية وديكورات خشبية وحجر مع تفاصيل عصرية باستخدام ديكورات حديثة خشبية. ودا من أكثر أساليب الديكور اللي بتعطي دفئ وطابع عصري في نفس الوقت.  
• الأسلوب الصناعي:  ودا من أكثر أساليب ديكورات شقق عرسان مودرن زاد التركيز عليها من بداية 2020. بإبراز معالم الجدران أكثر من إخفاءها، بل باستخدام ديكورات من الخرسانة والحديد. يعتبر من أكثر أساليب التصميم الجريئة والعملية في نفس الوقت.
• الأسلوب الإسكندنافي:  يناسب بشكل كبير المساحات الواسعة. لإن التركيز فيه بيكون على خلق مساحة حرة للحركة مع أقل عدد من الأثاث والديكورات. والاعتماد على الألوان الفاتحة والخامات الطبيعية.

وفي النهاية مهما كان أسلوب الديكور اللي هتختاره لشقتك فالاهتمام بالتفاصيل هو السبب في تحويل ديكورات شقق عرسان مودرن من قطع بسيطة إلى قطع جذابة وفريدة، وطبعًا قُدرتك على توظيف القطع بشكل ذكي، أو الاستعانة بخبراء التصميم الداخلي هيخلي المساحة شكلها مميز وكل قطعة فيها ليها غرض ووظيفة.

اقرأ أيضًا: تجهيزات العريس للفرح من الألف للياء.

اقرأ أيضًا: تجهيزات شهر العسل للعريس.