ديكورات خشبية للحوائط بالصور

لو بتجهزو شقتكم الجديدة لازم تهتموا بتركيب ديكوارت خشبية للحوائط لأنها من أحدث ديكورات شقق للعرسان خاصة اللي بيحبو الديكورات المودرن.

كمان الديكورات الخشبية بتضفي دفئ وفخامة للمكان، فنقدر نستخدم ديكور مميز وفخم ومودرن في الوقت نفسه.

أحدث ديكورات خشبية للحوائط

تقريبًا عالم التصميم الداخلي والديكور بيتطور كل يوم، ودا بيخلق أزمة لمحبي التجديد. بيلاقو إن الديكورات بقت قديمة فجأة ومش ملائمة لتحديثات التصاميم الداخلية.

لكن لو قدرنا نختار ديكورات خشبية للحوائط مناسبة للاستخدام وشكلها متناسق مع التصميم هتفضل الشقة مميزة مهما مر عليها وقت. ونقدر نختار على سبيل المثال:

1. الألواح الخشبية الكبيرة الطولية وبتاخد أشكال كتيرة حسب الاحتياج.
2. تصاميم الأخشاب المستوحاة من الطبيعة.
3. التصاميم ثلاثية الأبعاد على الحوائط.
4. الأرفف المتدرجة، والمستطيلة، والمربعة.
5. الألواح الخشبية الرفيعة.

كل شكل من الأشكال يمكن تركيبها بشكل يتناسب مع التصميم الداخلي، ودا يحدده مهندس الديكور. من حيث أماكن تركيبها وإزاي الديكور يخدم المساحة ويحقق غرض مميز.

ملاحظات عند تركيب ديكورات خشبية للحوائط

لو مش هتقدر تستعين بمهندس ديكور أو مختص لتنسيق الشقة لازم تراعي بعض الملاحظات عند اختيار كل قطعة ديكور، بحيث تقدر تنسق كل قطعة بالشكل المناسب ليها:

أولًا: اختيار نوع خشب مناسب

لازم تختار نوع خشب مناسب لطراز التصميم الداخلي أو الأثاث اللي هستخدمه في الشقة. على سبيل المثال لو الطراز كلاسيكي هتحتاج خامة خشب طبيعية. ولو الطراز عصري هتحتاج خشب صناعي مطلي وسهل التنظيف.

ثانيًا: اختيار الإضاءة المناسبة

الإضاءة جزء لا يتجزأ من عناصر التصميم الداخلي. وتنظيم أي ديكورات خشبية للحوائط مش هيظهر بشكله المثالي بدون إضافة إضاءة مناسبة أو تسليط ضوء شمس. عشان كدا لازم نراعي اتجاهات الإضاءة وأماكنها عشان تبرز جمال التفاصيل.

ثالثًا: مواد حماية الخشب

عشان شكل الخشب يفضل مميز لازم نستخدم مواد مناسبة لتلميعه وحمايته. على حسب النوع نستخدم ورنيش أخشاب أو زيت طبيعي. المواد بتحافظ على شكله وبتحميه من الرطوبة والحرارة الزايدة.

نختار إزاي أثاث يناسب الديكورات الخشبية؟

عند استخدام ديكورات خشبية للحوائط بنختار معاها الأساس المناسب.

• لو الديكورات الخشبية من الخشب الطبيعي هيكون مناسب ليها الأثاث الكلاسيكي. أو الأثاث الجلدي، مع استخدام ستائر مخملية أو ستائر ثقيلة.
• عند استخدام أخشاب صناعية يكون مناسب ليها الأثاث البسيط، والألوان المحايدة.
• عند استخدام أخشاب متداخلة مع زجاج أو معدن هيكون مثالي ليها الأثاث صغير الحجم وألوانه فاتحة.

ونركز إننا نشوف أمثلة كثيرة لتطبيق استخدام الأخشاب في الديكور. بحيث تكون عندنا رؤية واضحة للشكل النهائي قبل التنفيذ.

متاجر ديكورات خشبية للحوائط أون لاين

دلوقتي تقدر تشتري كل اللي تحتاجه أون لاين مش ضروري تروح لنجار أو معارض ديكورات. سواء هتشتري من مواقع تسوق أو متاجر مختصة بالأثاث.

والمميز في إنك تشتري اللي إنت محتاجه أون لاين إن شكلها النهائي هيكون واضح قدامك. كمان بتكون متصورة على الطبيعة أو على برنامج تصميم فتقدر تتخيل شكل شقتك بعد أعمال التركيب.

وكمان هتكون عندك مساحة إنك تشتري بالسعر المناسب ليك. وهتقدر تعمل مقارنة بين الأسعار والخامات. وكثير من الأخشاب بتكون جاهزة للتركيب وتقدر تركبها بنفسك وكدا توفر أسعار التركيب.

من أكثر الأماكن اللي هتلاقي فيها تشكيلة ديكورات خشبية للحوائط أيكيا وأمازون. وأماكن تانية زي هومز مارت أو أي مواقع بيع أثاث وديكورات.

اقرأ أيضًا: تجهيزات شهر العسل للعريس.

اقرأ أيضًا: تحضير شنطة يوم الفرح للعروسة بالتفصيل.