تنظيف البشرة.. نصائح لضمان نتائج مذهلة!

تنظيف البشرة من الحاجات اللي بتهتم بيها كل عروسة قبل الفرح لأنها خطوة مهمة في مظهر العروسة وزيادة الثقة في نفسها. النهاردة حنقولك الخطوات الصحيحة اللي بتحصل في مراكز التجميل المتخصصة، وازاي تقدري تعمليها في البيت.

تنظيف البشرة

تنظيف البشرة هي خطوة مهمة لإزالة الجلد الميت، وإزالة الرؤوس السوداء والحبوب وأثار الحبوب، وأثار التصبغات الناتجة عن أشعة الشمس وخصوصا اللي بتحصل في فصل الصيف.

مراحل تنظيف البشرة

1- مرحلة قبل تنظيف البشرة pre clean

المتخصصة بتستعمل الغسول cleanser أو مزيل الميك أب micellar water لإزالة الميك أب والزيوت والإفرازات الدهنية من سطح البشرة، وبعدين تحط التونر toner لتهدئة البشرة.

2-تحليل نوع البشرة

جهاز يستخدم لتحليل نوع البشرة لمعرفة المنتجات المناسبة التي يجب استخدامها في الجلسة.

في الخطوة دي المتخصصة بتستخدم جهاز لمعرفة نوع البشرة إذا كانت بشرة دهنية أو جافة أو عادية علشان تحدد المنتجات المناسبة لنوع البشرة، وكمان بتحاول تعرف مشكلات بشرة العروسة علشان تشتغل عليها أثناء الجلسة.

3- تقشير البشرة

يتم تقشير البشرة بطرق كثيرة منها استخدام المواد الفيزيائية ومنها استخدام أحماض الفواكه الكيميائية.

تعتبر من أهم الخطوات لأنها بتعمل على إزالة الجلد الميت عن طريق المقشرات الكيميائية زي أحماض الفواكه مثلا أو المقشرات الفيزيائية، وقبلها يتم استخدام جهاز البخار لتفتيح مسام البشرة بشكل أعمق.

تعليمات استخدام جهاز البخار

لازم يكون الجهاز بعيد عن الوجه بمسافة محددة علشان ميحصلش أي التهابات أو حساسية، ويفضل عدم استخدامه للبشرة الحساسة.

4-إزالة البثور السوداء والبيضاء

إبرة البثور من أشهر الأدوات المستخدمة في تنظيف البشرة والتي لا يفضلها الكثير من المتخصصين.

هي خطوة مهمة جدا لأنك حتحسي بفرق كبير بعدها وبيتم استخدام التونر أيضا لتهدئة البشرة، والخطوة بتتم بطريقتين:

الأولى: استخدام إبرة البثور.

الثانية: الضغط على المناطق اللي بتحتوي على البثور بأدوات معقمة زي المناديل القطنية.

5- استخدام الماسك

عمل الماسك خطوة مهمة جدا لتهدئة الوجه والرقبة من أي التهابات يمكن أن تحدث لهما.

والماسك دة بيقلل من التهاب البشرة بعد الخطوات اللي فاتت، ويترك البشرة في حالة منعشة وبيقلل أي احمرار وحتحسي بالفرق بعدها، وبتختاره المتخصصة بناءا على نوع البشرة أيضا.

6- المرطبات وكريم العين

استخدام المرطب أو مرطب تحت العين ضروري لتهدئة البشرة بعد استخدام أدوات التقشير الكيميائية.

الدكتورة أو المتخصصة بتستخدم مرطبات فيها مواد طبيعية على سبيل المثال جيل الصبار أو الهيالورونيك أسيد أو زيوت خفيفة، وبتستخدم كريم لترطيب منطقة تحت العين، بالإضافة لوضع كريم واقي الشمس ولازم يكون معامل الحماية فيه 30 أو أعلى.

تنظيف البشرة في البيت

من السهل عمل تنظيف البشرة منزليا كل فترة وستلاحظين نضارة البشرة المستمرة.

خطوة تنظيف البشرة سهل جدا أنك تعمليها في البيت وخصوصا أن تكلفتها حتكون أقل بكتير من مراكز التجميل بس ضروري تستخدمي منتجات مناسبة لنوع بشرتك، والأفضل تعمليها كل أسبوعين.

أمثلة لمقشرات للبشرة لعمل تنظيف البشرة في البيت

ستيفز stives: من المنتجات المشهورة لعمل اسكراب أو تقشير للبشرة وفيه منها أنواع كتيرة زي: زيت شجرة الشاي، وزيت جوز الهند، وحبيبات القهوة، والعسل والأفوكادو.

بوبانا bobana: من المنتجات المصرية المعروفة واللي بتتطور بشكل مستمر وفيه منها أنواع زي: جزيئات الفحم النشط، والكولاجين، والهيالورونيك أسيد، وحبيبات القهوة.

مواد فعالة في جلسات تنضيف البشرة

الزيوت الطبيعية حل فعال للترطيب والتهدئة من أي التهاب مثل زيت اللوز الحلو وزيت جوز الهند.

أحماض الفواكه زي أحماض ألفا هيدروكسي وأحماض بيتا هيدروكسي.
الهيالورونيك أسيد.
جيل الصبار.
زيت الزيتون.
زيت جوز الهند.
زيت اللوز الحلو
.زيت بذور العنب.
جزيئات الفحم النشط.
العسل.
الكولاجين البحري.

نصائح قبل عمل جلسة تنظيف البشرة

من الممكن عمل ماسك التقشير في المنزل باسكراب جزيئات الفحم النشط التي تعمل على تنقية الوجه من الشوائب.

لازم تتأكدي أن بشرتك مش ملتهبة بسبب وجود حبوب، والأفضل تستني بشرتك تهدى من أي التهابات وتبدأي تعملي تنظيف البشرة.
بلاش تستخدمي إبرة البثور لو عملتي تنظيف البشرة في البيت لأنك ممكن تستعمليها بشكل خاطئ يعمل التهاب ومشاكل في البشرة.
من المهم اختيار مركز فيه أطباء ومتخصصين لعمل أي جلسات للبشرة.

اقرأ أيضا: كيف تتخلصي من هيشان الشعر؟

هل محتوى المقال دة كان مفيد بالنسبة لك؟

نعم، مفيد!لا!