تصاميم مطابخ واسعة مقفولة بأشكال تناسب كل احتياجاتك

رغم موضة المطابخ المفتوحة إلا إن البعض لازال بيفضل تصاميم مطابخ واسعة مقفولة سواء عشان المساحة المتاحة لازم تبقى مقفولة، أو لإنهم بيحبوا المطبخ يبقى فيه خصوصية، أو إن المساحة تحتمل إضافة سُفرة في المطبخ.

المهم أيًا كان السبب في بحثك عن تصاميم مطابخ واسعة مقفولة هنساعدك تختاري تصميم يناسب المساحة ويناسب ذوقك واحتياجاتك في الوقت نفسه. عشان في النهاية يكون مكان مريح وعملي بالنسبالك ودا أهم عنصر ضروري تنفيذه في المطبخ.

إزاي تختاري تصاميم مطابخ واسعة مقفولة تناسبك؟

ركزي إن اختيار التصميم بما بشكل مناسب هو الضمان الأول والأخير لحصولك على نتيجة نهائية ترضيكي وتستمتعي بوقتك في مطبخك، والنتيجة دي تقدري توصلي ليها من خلال مجموعة من التفاصيل:

أولًا: حددي المساحة والاحتياجات

هنا مش بنركز على اختيار شكل التصميم، بل بنركز على معرفة المساحة بدقة. ومعرفة احتياجاتك في المطبخ زي ترابيزة في المطبخ، أو سُفرة للأكل، أو توزيعات معينة للأجهزة الكهربائية. كل التفاصيل دي بتحدديها على ورقة بالرسم بإيدك بعد كدا هتناقشيها مع مصمم المطبخ.

ثانيًا: اربطي بين الوظيفة والشكل

يعني لو محتاجة ترابيزة في نص المطبخ شكلها مميز ممكن تربطيها بوظيفة زي إنها تكون سُفرة. أو تكون مدمجة بأدراج للتخزين، وتستخدم من فوق لتقطيع الخضروات وتحضير الأكل. وهكذا الأرفف على الجدران، هتربطي بين شكلها كديكور مطبخ ووظيفتها كأرفف لتنظيم التوابل أو الأطباق.

ثالثًا: اختاري ألوان وخامات متناسقة

أكيد في تصميم مطبخ في خيالك شوفتيه في مكان أو في صورة أو غيره. لكن عشان تنفذي المطبخ اللي في خيالك لازم تختاري لون وخامة متناسقين مع بعض ومتناسقين مع المساحة في نفس الوقت. يعني باعتبار إن المساحة واسعة تقدري تختاري ألوان دافية براحتك ودي فرصة مش متاحة للمساحات الضيقة. ونوع الخامة قدامك خيارات كتير ولكن الخامات اللي بتحتاج مساحة واسعة هتكون فرصة تنفذيها في مساحتك الواسعة.

نقاط تَمَيُز تصاميم المطابخ الواسعة المقفولة حاولي تستغليها

بما إن المساحة عندك واسعة ومقفولة الخيارات المتاحة ليكي كتير، لكن عشان متلاقيش في النهاية التصميم مش مثالي رغم توفر المساحة هنقولك على نقاط التميز اللي تركزي على الاستفادة منها:

• إمكانية التخطيط الذكي: مساحتك الكبيرة بتتيح ليكي حرية التخطيط، يعني كل حاجة هتوظفيها في المكان اللي تحبيه. سواء الحوض، الفرن، البوتجاز، التلاجة، كل عنصر هتقدري توظفيه في المكان المناسب من حيث الحجم أو البُعد والقُرب من الحرارة.
• وحدات تخزين كبيرة: هتحسي براحة كبيرة وانتي بترسمي في خيالك توزيعات أدوات المطبخ داخل الدواليب. هتقسمي المساحة حسب احتياجك، وكل أغراض المطبخ هتبقى جواه ودا هيسهل عليكي التعامل مع الأدوات وهيخلي المساحة متاحة بالنسبالك تتحركي براحتك.

أحدث تصاميم مطابخ واسعة مقفولة

طبعًا قولنا إن المساحة الواسعة هتديكي حرية في كل التصاميم. ولكن خدي بالك إن بعض التصاميم بتحتاج مساحة واسعة بزيادة فركزي وإنتي بتختاري التصميم إنه ميضغطش على المساحة عندك.

• مطبخ الجزيرة “طاولة في المنتصف”

ودا تصميم تريندي جدًا وبيحتاج مساحة كبيرة، يمكن هو أكثر التصاميم اللي بتاخد حيز كبير. طبعًا إلى جانب شكله المميز فهو بيتيح طاولة في المنتصف تقدري تحضري الأكل عليها أو تستخدميها سُفرة للأكل خاصة لو وجبات سريعة وفطار.

• تصميم مفتوح جزئي

دا بيكون مطبخ على شكل حرف L الطرف الأخير منه بيقفل برخامة طويلة، بحيث تبقى زي بار أو مكان للمشروبات. التصميم بيكون مغلق عشان يناسب تصاميم مطابخ واسعة مقفولة لكن في نفس الوقت بيدي مساحة في الحركة لأن الرخامة موجودة بشكل جانبي.

• التصميم المدمج

بيكون عبارة عن تصميم مطبخ بالشكل اللي تختاريه لكن كل الأجهزة بتكون جزء منه. يعني بتدمجي فيه التلاجة، البوتجاز، الفرن، الميكروويف.

دلوقتي شوفي ايه اللي يناسبك من تصاميم مطابخ واسعة مقفولة من ضمن الصور الموجودة. أو اعملي بحث أوسع وشوفي تصاميم تانية تلاقي فيها كل احتياجاتك.

وطبعًا لو الموضوع أفادك تقدري تشاركيه مع أصحابك، ولو محتاجة معلومات عن أي موضوع تاني تسعدنا مساعدك.

اقرأ أيضًا: ديكورات مطبخ جديدة لتنظيمه وترتيبه.

اقرأ أيضًا: تصميم مطبخ صغير للمساحات الضيقة هياخد كل أدوات المطبخ.