تحديد مدة الفرح … جدول مواعيد لتنظيم وقتكم طول الاحتفال

تحديد مدة الفرح جزء أساسي من التخطيط للحفلة، ففي كتير من الأنشطة والتقاليد الرسمية اللي هتحبوا تعملوها في وقت محدود.

وعشان كدة إنكم تحطوا جدول زمني للفرح ده حاجة مهمة جداً.

هيساعدكم في إنكم تعرفوا كل دقيقة في وقتكم هتصرفوها فين؟

ولكن عشان تقدروا تبدأوا في ده فعلاً هتكونوا محتاجين تعرفوا الوقت المتاح ليكم بالظبط في حفلتكم.

وطبعاً ده موضوع بيعتمد في الآخر على نظام المكان اللي اختارتوا تعملوا فيه فرحكم.

وده لإن كل قاعة أفراح نظامها بيختلف عن التانية، وعشان كدة من الأفضل إنكم تتكلموا مع منظم فرحكم وإدارة المكان اللي هتعملوه فيه، عشان تحددوا مع بعض المدة الفعلية للفرح من أوله لآخره.

وفي المقال ده احنا هنحاول نساعدكم بإننا نحط المدة التقريبية للفرح بناء على متوسط مدد الأفراح عادة.

وبناء عليها هنعمل جدول زمني في تحديد مدة الفرح يساعدكم إنكم تاخدوا منه اللي يناسبكم وتطبقوه على فرحكم.

وده عشان تقدروا تخططوا ليومكم المميز من البداية للنهاية؛ فتابعوا معانا المقال.

المدة الفعلية عادة للأفراح:

في المجمل الأفراح عادة بتاخد وقت حوالي ست ساعات من أولها لآخرها.

فلو فرح هيبدأ 6 المغرب مثلاً هيخلص على 12 نص الليل تقريباً، وعادة الأحداث الرئيسية في الحفلة بتكون زفة الدخول ودي عادة بتاخد نص ساعة.

وبعدها بيكون فيه ساعة للعروسين والضيوف انهم ياخدوا أماكنهم ويدردشوا مع بعض.

وبعد كدة بتكون الفقرة الرئيسية في تحديد مدة الفرح اللي بيكون فيها الرقص والعشاء، واللي بتاخد حوالي أربع ساعات.

وفي الآخر بيكون فيه نص ساعة تانية لزفة الوداع، والمعازيم بيودعوا العروسين لحد العربية اللي هتاخدهم على عش الزوجية.

قواعد تحديد مدة الفرح الأساسية:

وطبعاً القايمة دي مبتشلمش الاستعدادات اللي قبل الحفلة نفسها، زي فترة استعداد العروسة والعريس ولبسهم اللي ممكن ياخد ساعات قبل فرحهم.

كذلك الجدول ده مش بيتضمن جلسات التصوير والفوتوسيشن اللي قبل الحفلة حتى لو كنتم هتعملوها في نفس مكان فرحكم، لكن هي فعلياً مش جزء منه ولا من فقراته.

ولو انتم ناويين تحطوها ضمن جدولكم في اليوم، أو هتضيفوا أي حفلات بعد فرحكم خصوصاً لو هتقضوا أول ليالي جوازكم في فندق في نفس مكان فرحكم.

يبقى من الأفضل إنكم تتكلموا مع إدارة المكان في النقط دي، ولو حسيتوا إنهم مش مدينكم وقت كافي لكل الأنشطة اللي عايزين تعملوها؛ فممكن تدفعوا زيادة مقابل ساعات إضافية.

الفعاليات والأنشطة اللي لازم تاخدوا بالكم منها في وقت فرحكم:

قد يبدو إن فرح مدته خمس أو ست ساعات كافي ومدته طويلة، وده حقيقي، لكن لازم تفتكروا ان عندكم كتير من تقاليد الأفراح والفعاليات والأنشطة اللي لازم تعملوها في الوقت ده.

عشان كدة لازم تتأكدوا إنكم جدولتوا كل حاجة هتعملوها في تحديد مدة الفرح وانكم خصصتوا وقت كافي لكل حاجة.

ودي زي إنكم تختلطوا بضيوفكم كويس وترحبوا بيهم، والرقص مع بعض ومع ضيوفكم، وفتح البوفيه بوقت كافي لإن كل الضيوف يستمتعوا بالعشاء.

وكل ده عشان يكون يومكم مميز ليكم ولكل ضيف حضره وتستمتعوا كلكم بالفرحة فيه، عشان كدة لازم تحطوا جدول زمني تشاركوا مع منظمي فرحكم وإدارة المكان.

وعشان تقدروا تحطوا جدول زمني منضبط لازم تعملوا قايمة بكل الأنشطة اللي هتحتاجوا تعملوها في فرحكم.

وبعد كدة تقدروا تتعاونوا مع منظم فرحكم وتاخدوا رأيه في إزاي تقدروا تدمجوها بسلاسة في الفترة الزمنية المخصصة لفرحكم.

نموذج مقترح للجدول الزمني في تحديد مدة الفرح:

ودلوقتي هنقدم لكم نموذج مقترح لجدول زمني بيتضمن فقرات مختلفة شائعة في أغلب الأفراح والوقت المخصص ليها.

وده عشان تقدروا تستعينوا بيها وانتم بتحددوا الجدول الزمني لفرحكم:

• 6م زفة الدخول للعريس والعروسة.
• 6.30م العروسين يقعدوا في الكوشة، والمعازيم يقعدوا في أماكنهم، وممكن ياخدوا الصور مع بعض ومع العروسين في بداية الحفلة سواء صور السيلفي أو صور مصوري الفرح.
• 7.30م بداية الحفلة رسمياً والدي جيه أو الفرقة تشتغل، وتفتتح الحفلة بالرقصة السلو الأولى للعروسين.
• 7.35م دعوة المعازيم والكابلز منهم انهم يشاركوا العروسين على الستيج في رقصات سلو.
• 7.45م بداية حفلة الرقص الجماعية.
• 9م دعوة الضيوف للبوفيه أو توزيع الأطباق على الترابيزات لو الحفلة مش أوبن بوفيه.
• 10م بعد الأكل يرجع العروسين والضيوف يكملوا رقص.
• 10.40م تقطيع التورتة، والعروسين ممكن يقولوا كلمة يشكروا فيها ضيوفهم، وتتوزع قطع التورتة على المعازيم.
• 11م رمي بوكيه الورد من العروسة للبنات اللي مش متجوزين، والتقاط الصور.
• 11.30م زفة خروج العروسين من القاعة، سواء كانت زفة تقليدية أو زفة صاخبة بالألعاب النارية.

وبكدة تكون الحفلة خلصت وقدرنا نعمل جدول زمني دقيق في تحديد مدة الفرح يشمل كل تفصيلة فيه.

نتمنى إننا نكون ساعدناكم بالمقال ده إنكم تقدروا تستمتعوا بفرحكم من غير ما تشيلوا هم أي حاجة وقتها بعد ما تكونوا جهزتوا كل حاجة وعملتوا حسابها من بدري.