تجهيزات شهر العسل للعروسة

تجهيزات شهر العسل للعروسة أو تحضير شنطة يوم الفرح من أكثر الحاجات الممتعة والمُقلقة في الوقت نفسه. ممتعة لإنها لأول مرة تقضي وقت لطيف مع الزوج في مكان جديد. ومُقلقة لإنها متلحقش تجهز نفسها كويس للوقت دا أو خايفة تنسى تاخد كل حاجة محتاجاها.

ولأن شهر العسل ذكراه بتفضل طول العمر فإحنا حريصين على إنك تستعدي للفترة دي بأفضل شكل ممكن بدون توتر أو قلق أو أي نقص.

امتى تبدأ العروسة في تجهيزات شهر العسل ؟

خلي بالك إن آخر فترة قبل يوم الفرح مش هتبقي فاضية لأي أمور فرعية، عشان كدا ضروري نبدأ تجهيزات شهر العسل بدري قدر الإمكان حتى لو قبل الفرح بشهر.

كدا نبدأ نعمل قائمة باحتياجتنا، ونحدد اللي موجود منها واللي لسه مش موجود، ونرتب الشنطة ونخرجها بعيد عن زحمة التجهيزات.

ولازم تسيبي مكان فاضي فيها لإنك كل يوم هتفتكري حاجة أو هتشتري حاجة ومحتاجة تدخليها في الشنطة.

 أساسيات تجهيزات شهر العسل للعروسة

خلينا نتفق إن في أساسيات في تجهيزات شهر العسل للعروسة وهي محتويات شنطة السفر، واللي بتختلف حسب الصيف والشتاء وحسب البلد اللي هتختاروه للسفر.

عشان كدا هنقولك الأساسيات التي لا غنى عنها، وتقدري تحددي منها المناسب حسب الموسم اللي هتسافري فيه أو الأجواء.

أولًا: الملابس

طبعًا ممكن تكوني مضطرة تقللي اللبس أو تزودي على حسب مساحة الشنطة وعدد الأيام اللي هتقضيها، ولكي حرية الاختيار في عدد القطع اللي تناسبك، لكن هتحتاجي قطع أساسية هتندمي لو مكانتش معاكي في رحلتك

• الفساتين: على الأقل فستان واحد أبيض لو تعرفي تزودي يكون أفضل. لإن الصور اللي هتتصوريها هي أفضل ذكرى لشهر العسل. ركزي في الفساتين الفاتحة القطنية عشان تديكي راحة طول اليوم.
• الشيميزات: أساسي يكون معاكي واحد أبيض وواحد أسود عشان تقدر تعملي أكثر من أوت فيت. وطبعًا ركزي في القطنيات أوعي تنسي.
• البناطيل: لو بتلبسي بناطيل يبقى أساسي معاكي أبيض وأسود وجينز. ويكون منهم وايد ليك بحيث يديكي راحة في الحركة وتقدر تعملي بيهم أكثر من أوت فيت.
• المايواهات: لو شهر العسل بالصيف يبقى مش هنفوت متعة نزول البحر. استعدي بمايوه أو اتنين مناسبين لجسمك وكاش مايوه عشان تبقي براحتك بعد ما تخرجي من الماية.

ثانيًا: الأحذية

طبعًا لا خلاف على إن الكوتشي أهم قطعة في شنطتك ومن أهم تجهيزات شهر العسل للعروسة لأن أهم حاجة راحتك. ولإننا عارفين إن العروسة بتهتم تجهز شوزات كيوت تتماشى مع اللبس عشان تعمل أوت فيت شياكة. إلا إننا عارفين برضو إن العروسة بترجع تندم إنها مأخدتش معاها كوتشي أو اتنين معاها في شهر العسل.

ثالثًا: الحقائب

لو مش عايزة تاخدي تفاصيل كتير ومفيش مكان للشنط ممكن تكتفي بشنطة صغيرة للخروجات الليلية، وشنطة كبيرة للخروجات النهارية والفسح.

رابعًا: الاكسسوارات والنضارات

كتري على أد ما تقدري، دلعي نفسك اكسسوارات خاصة وإنها مش بتاخد مكان كبير. وكمان بتدي شياكة لأي لبس هتلبسيه، والنضارات ممكن نكتفي بواحدة سوداء وواحدة بيضاء.

ملابس يومية أساسية في تجهيزات شهر العسل

كل تفكير العروسة بيروح دايمًا للبس الخروج والفسح، وبتنسى إنها هتقضي وقت طويل في الفندق. وطبيعي هتحتاج تغير لبس يومي كتير عشان كدا هنقولك بالتفصيل تاخدي ايه:

• بيجامات: على حسب صيف أو شتاء تاخدي بيجامة لكل يوم هتقضيه في الفندق.
• فساتين قطن: ممكن فساتين قصيرة للنوم عشان ترتاحي فيها.
• ملابس داخلية: لكل يوم اتنين طاقم داخلي لإنك هتبدلي كتير مع كل خروجة، وطبعًا فساتين للسهرة تقدري تقضي بيها وقت رومانسي.

إضافات ضرورية في تجهيزات شهر العسل للعروسة

شوية إضافات أساسية في تجهيزات شهر العسل وتجهيزات أي سفر عامةً، ممكن تجمعيها في شنطة منفصلة، أو الشنط المخصصة لترتيب للنوع دا من المستحضرات.

مكواة الشعر والسيشوار

في الفندق ممكن يتوفر سيشوار لكن مش مضمون إنه يناسب تعملي شعرك بيه. وأكيد هتحتاجي مكواة الشعر عشان تغيري في شعرك وتعملي تسريحات مختلفة.

مستحضرات التجميل

بما إنه شهر عسل فأكيد هتهتمي تكوني في كامل أناقتك طول الوقت، وطبعًا لا غنى عن مستحضرات التجميل بتاعتك كلها تقريبًا. ودا يدخل ضمنه البرفيوم المفضل ليكي وياريت تاخدي معاكي أكثر من نوع.

مستحضرات العناية بالشعر والبشرة

أكيد أي فندق هتنزلوا فيه هيوفر بعض المستحضرات، لكن خدي معاكي الروتين بتاعك للبشرة والشعر. عشان تضمني إن بشرتك وشعرك ميتأثروش بمواد كميائية.

لوازم صحية

والمجموعة دي تتمثل في الفوط الصحية، غسول نسائي، غسول فم، فرشاة أسنان، معجون، ومسكنات، وأي أدوية منتظمة عليها.  

وزي ما اتفقنا في تحضير شنطة يوم الفرح للعروسة لازم يكون في شنطة صغيرة نجمع فيها لوازم ضرورية وهي “فوطة صحية، خيط أسنان، ودانة، فرشاة، معجون، صابونة، خيط وإبرة”.

أفكار رومانسية لشهر العسل

وطبعًا تجهيزات شهر العسل للعروسة مش بس تجهيز شنطة ولبس. لازم تكوني مجهزة أفكار رومانسية لشهر العسل تخلي الأجواء حلوة خاصة وإن العرسان بتقابلهم مشكلة الملل ومش عارفين يفتحو مواضيع.

وأقل حاجة تقدري تعمليها وإنتي في الفندق إنك تاخدي معاكي أنواع مختلفة من الشموع. تقدري تعملي بيها أجواء مختلفة، ممكن تنزلي بيها على البحر بالليل هتبقى الأجواء مذهلة.

وفي الآخر كل تجهيزات شهر العسل للعروسة لو بدأتي فيها بدري هترتاحي جدًا. وهتبقى أيامك قبل الفرح مفيهاش أي توتر ولا قلق.

اقرأ أيضًا: نصائح للعروسة بعد كتب الكتاب.

اقرأ أيضًا: افضل اماكن شهر العسل.