بوفيه الخطوبة في البيت | تقدمي إيه وإزاي
على الرغم من إن الخطوبة في البيت فكرة اقتصادية وبتدعم خصوصية العائلات، إلا إن كتير من الأسر بتحتار تقدم إيه يلائم المناسبة وبدون مبالغة أو نقصان. في المقال ده جمعنا نصائح وأفكار متنوعة لبوفيه الخطوبة في البيت، مع مجموعة من الأخطاء اللي المفروض نتجنبها بما لا يؤثر بالسلب على الحفل…
اختيار بوفيه الخطوبة
لو هتعملي خطوبة في البيت، اختيار تقدمي إيه بيرتبط بأكتر من عامل:
1. الميزانية
أولاً الميزانية عامل كبير جداً بيحدد هتعزمي عدد قد إيه وهتقدمي أصناف إيه، لو الميزانية كبيرة والعدد كذلك هيكون فيه اتساع في الانواع والأصناف المقدمة وممكن تقدمي أطباق رئيسية، لكن لو الميزانية محدودة من الأفضل الإكتفاء بالمقبلات والحلويات والعصائر.
2. مساحة البيت
لو مساحة البيت صغيرة فالإكتفاء بطاولة واحدة عليا مجموعة من الحلويات والعصائر هيكون حل مثالي جداً. لو المساحة متوسطة أو كبيرة هيكون عندك مرونة اكتر في التقديم والأصناف، مع طبعاً الأخذ في الاعتبار العدد والميزانية.
3. توقيت الحفلة
الحفل المسائي خلاف الحفل النهاري (وقت الغداء). الحفل المسائي تقدري تكتفي فيه بالوحبات الخفيفة أو الحلويات والعصائر. لكن بردو الأمر راجع ليكي، تقدري تقدمي وجبات رئيسية سواء في النهاري أو المسائي.
أنواع الأطعمة في بوفيه الخطوبة في البيت
لتسهيل التخطيط واتخاذ القرار، تقدري تقسمي أنواع الأطعمة اللي ممكن تتقدم في بوفية الخطوبة في البيت ل:
1. مقبلات و وجبات خفيفة
وهي أول ما يلفت انتباه الضيوف وممكن تقدميها كوجبة قائمة بحد ذاتها إذا كان الحفل بسيط أو كانت الميزانية محدودة.
على سبيل المثال:
- ميني ساندويتش (جبنة، تونة، دجاج مشوي)
- ميني بيتزا.
- كبة مقلية أو سمبوسك
- الجلاش بالجبن أو اللحمة
تقدري تقدمي الأصناف دي في أطباق أنيقة أو على ألواح تقديم خشبية، ويُفضل تستخدمي أعواد صغيرة لتسهل الأكل دون فوضى.
2. الأطباق الرئيسية
في حالة كانت الميزانية والعدد ومساحة المكان متناسق مع تقديم وجبات رئيسية مشبعة، تقدري تقدمي صنفين أو أكتر من:
على سبيل المثال:
- مكرونة بشاميل.
- أرز بالخضار أو كبسة دجاج
- فراخ مشوية او كفتة مشوية.
- بانيه مقلي.
- صينية بطاطس باللحم.
- ديك رومي مُقدم بطريق سهلة التقطيع (لو الميزانية تسمح)
تقدري تقدمي الوجبات الرئيسية في صواني ستانلس أو بورسلين أنيقة، بجانب المقبلات. واحرصي على إن الطعام يفضل دافئً بقدر الإمكان.
3. ركن للحلويات والعصائر
من أكثر الأفكار الرائجة حالياً والمبهجة هي الإبداع في ركن الحلويات وطريقة تقديمها، لدرجة إنك مكن تكتفي في حفلة خطوبتك في البيت بركن أنيق من الحلويات المتنوعة والعصائر.
تقدري تختاري بين أصناف كتيرة من الحلو، على سبيل المثال:
- كب كيك مزين بألوان الخطوبة
- تشيز كيك بأكواب صغيرة
- شوكولاتة مغلفة خصيصًا بأسماء العروسين
- فواكه مقطعة في أكواب شفافة
- معمول أو كوكيز مزينة
احرصي على تقديم ركن الحلو بشكل منظم وسهل التعامل، واستخدمي ستاندات متعددة الأدوار أو صواني زجاجية مرتفعة لعرض الحلويات بشكل فني، ونظمي جانب للعصائر أو المشروبات مع الحلويات. لو مش عندك ستاندات للحلويات تقدري تستخدمي أي أطباق تقديم كبيرة وتنظميها بشكل مبهج ومرتب.
نصائح لبوفيه الخطوبة في البيت المميز
- بقدر الإمكان حاولي يكون البوفيه متنوع بحيث يلائم الجميع، على سبيل المثال خلي فيه أصناف خالية من السكر لمرضى السكر.
- المبالغة في الأصناف مش دايماً خيار صح وممكن تؤثر على التنظيم.
- تقدري تجمعي بين أكتر من نوع من أنواع الأطعمة، لكن رتبي الأصناف بطريقة تسلسلية من المقبلات إلى الحلوى، لسهولة تنقل الضيوف.
- من الأفضل تحضري ما يمكن تحضيره من الأصناف بشكل مسبق لتوفير الوقت.
- تقدري تستعيني بمختصين في تحضير وتنظيم بوفيه المناسبات كامل.
زوري دلوقتي منصة إيجي ويدينج للتعرف على أماكن تقديم الأطعمة المختلفة في القاهرة وتقييماتها.
ولمعلومات عن منظمين الأفراح وتقييماتهم تقدري تشوفي قائمة إيجي ويدينج لمنظمي الأفراح
أخطاء عند تحضير بوفية الخطوبة
- تقديم عدد كبير من الأصناف بشكل عشوائي والإسراف في الكميات.
- عدم مراعاة تنوع الأزواق. على سبيل المثال، الاقتصار على اللحوم الحمراء فقط.
- عدم مراعاة أن تكون الأصناف غير دسمة.
- استخدام أواني غير عملية في الاستخدام أو غير مناسبة لنوعية الطعام.
- اهمال الحفاظ على درجة حرارة الطعام.
- اهمال ترتيب البوفية ونظافة الأواني.
في النهاية، بوفية الخطوبة في البيت خيار رائع لإضفاء البهجة على حفلة الخطوبة، وتقديم واجب ضيافة مميز للمعازيم. افتكري إن تقديمك لأصناف منسقة ومرتبة وطازجة وكافية للعدد حتى لو كانت متواضعة أفضل بكتير من تقديم كميات وأصناف كتير وغالية بإسراف وبدون ترتيب أو غير صحية.
اعرفي أكتر:
خطوبة في البيت | أفكار لحفلة اقتصادية أنيقة.
هل محتوى المقال دة كان مفيد بالنسبة لك؟
نعم، مفيد!لا!
