انواع الشعر: ازاي اعرف نوع شعري .. والمنتجات المناسبة

الشعر بيختلف من شخص للتاني، وعلشان كده الاهتمام بالشعر كمان بيختلف على حسب نوع الشعر واحتياجاته. وعلشان تعرفي انواع الشعر، وازاي اعرف نوع شعري، تعالي اكتشفي معانا نوع وروتين شعرك المناسب.

ازاي تعرفي نوع شعرك

العناية بالشعر بتحتاج 3 خطوات مهمين وهما؛ معرفة نوع الشعر إن كان اناس (ناعمة) أو مموج أو كيرلي، أو إفريقي. وده سهل يتعرف من ملمس الشعر وشكلة بعد غسيل الشعر وتركه يجف من غير أي منتجات عليه.

وتاني حاجة هي معرفة نوع الشعر دهني، أو جاف أو عادي، وبيتم معرفته بعد الغسيل وبدون اضافة زيوت. في حالة الشعر كان دهنية ألمانيا فشعرك دهني، وفي حالة جفاف الشعر بسرعة مع تقصف ومظهر ناشف فشعرك جاف، وفي حالة جفاف الشعر بشكل طبيعي ومن غير نشفان أو زيوت زائدة فشعرك معتدل.

تالت حاجة هي مسامية الشعر، وهي قدرة شعرك على امتصاص المنتجات والزيوت والاحتفاظ بيها، وامتصاص المواد المغذية. وحده بيتم عمل اختبار بسيط لمعرفته.

اختبار لمعرفة انواع الشعر

علشان تعرفي نوع شعرك ومساميته ال بتحدد نوع المنتجات والزيوت المناسبة، تغسلي شعرك بالشامبو المعتاد وجففيه وخدي شعراية منه وحطيها في كوباية ماية وراقبيها بعد 3 دقايق:

في حالة الشعراية غاصت في الكوباية من تحت فشعرك مساميته عالية، يعني بيمتص المواد المرطبة بسهولة، ويفقدها بسهولة. وده بيكون شعر جاف ومحتاج ترطيب على طول.
ولو طفى الشعر على وش الماية فشعرك مساميته منخفضة، وده معناه انه مش بيمتص المواد المرطبة بسهولة، وطبعًا مش بيفقدها بسهولة.
وفي حالة تتعلق الشعر في نص الكوباية، بيدل على إن مسامية الشعر معتدلة وحده من أفضل الانواع لأنه بيمتص الترطيب ال محتاجه بسهولة وبينفع معاه كل المنتجات.

منتجات مناسبة لانواع الشعر

كل شعر بيحتاج ترطيب، وتنظيف غير التاني، لأن انواع الشعر مختلفة، وقدرتها على امتصاص الزبون والعناصر ال محتاجاها مختلفة. علشان كده تعالي اقولك ازاي تختاري منتجات تناسب انواع الشعر:

الشعر عالي المسامية

وهو الشعر النوع ال ذكرناه فوق، وممكن يكون الشعر التالف، وبيكون مقصف وهايش، واكتر عرضة للتكسير مع ابسط استخدام للتسريح العنيف. وعلشان تهتمي بيه ممكن تعملي بالنصائح دي:

تجنب التصفيف والتعرض للحرارة.
تجنب المنتجات الكيميائية لقدرتها على زيادة جفاف الشعر وضرره.
اهتمي بحمام الزيت بزيوت ثقيلة مناسبة مع مسامية شعرك، تزوده بالترطيب العنيف وتقفل مسام الشعر لاحتفاظ بالترطيب أطول فترة ممكنة.

وعلشان تتمتعي بشعر صحي، واقل تضرر حتى لو كان عرضة للتقصف، وتعرفي كيف تتخلصي من هيشان الشعر تقدري تستخدمي الروتين ده والمنتجات دي:

استخدمي شامبو مناسب الشعر الجاف والمقصف، وخالي من السلفات والبرابين والسيليكون وكل المكونات ال بتنشف الشعر.
استخدمي بلسم غني بالزيوت الطبيعية وزبدة الشيا، والاحماض الامينية للحفاظ على الشعر من التقصف والجفاف.
استمري على حمام زيت من مرتين لتلات مرات في الأسبوع قبل الحمام من زيوت طبيعة زي: زيت الزيتون، وزبدة الشيا، وزيت الافوكادو، وزيت جوز الهند الخام.
دهان الشعر بزيت مناسب زي زيت اللون الحلو، وزيت الارجان.

انواع الشعر منخفض المسامية

الشعر منخفض المسامية، فتاة تمسك بأطراف شعرها لقصها

الشعر منخفض المسامية هو نوع الشعر الدهني، صعب الجفاف بعد الغسيل، ونهاياته معرضة للتقصف، وصعبة يمتص المنتجات. وعلشان تهتمي بيه اتبعي النصائح دي:

استخدمي زيوت خفيفة يقدر الشعر يمتصها بسهولة. عن طريق حمام زيت مرة واحدة اسبوعيًا.استعمال شامبو مناسب للشعر الدهني بتخلص من الزيوت الزائدة ويحافظ على رطوبة الشعر.
استخدمي بروكاب وانتي بتعملي حمام الزيت لتسخين الشعر وتفتيح المسام، وسهولة امتصاص الزيت.
تجنبي المنتجات ال بتحتوي على البروتين والكبريتات والسيليكون.
ومن افضل الزيوت ال ممكن تستخدميها للشعر منخفض المسامية هي زيت الجوجوبا، وزيت الارجان، وزيت اللوز الحلو، وزيت جوز الهند.
غسل الشعر بشامبو منظف لفروة الرأس مرة في الأسبوع لتفتيح مسام فروة الشعر، وتنظيفها من المنتجات المتراكم على الشعر.

بالنسبة للشعر معتدل المسامية بيتناسب معاه كل المنتجات، والزيوت لأن امتصاصه للترطيب كويس، وبيحتفظ بالترطيب لفترة كويسة. ويفضل:

استخدام زيوت مثل: زيت الجوجوبا، وزيت الارجان، وزيت اللوز الحلو.
تجنب استخدام الحرارة والماء الساخن بعدم خسارة الترطيب.

في النهاية انواع الشعر مختلفة، وبالتالي فإن طرق العناية بالشعر مختلفة، ولكنها تتشابه في الاهتمام العام، مثل تنظيف فروة الرأس بالشامبو المناسب. وعمل حمام زيت بزيوت مناسبة، وشرب الماء، واعتماد نظام غذائي بمكونات صحية.

المصادر:

https://www.healthline.com/health/low-porosity-hair#low-porosity-hair-care

https://www.healthline.com/health/high-porosity-hair

هل محتوى المقال دة كان مفيد بالنسبة لك؟

نعم، مفيد!لا!