العقم عند النساء .. علامات العقم عند النساء

لما بیكون عندك انتي وزوجك حلم إنكم تخلفوا، بیبقى الموضوع ده مش سھل زي ما الواحد ممكن یتخیل، وفي الحقیقة،الموضوع ده بیشغل بال ملایین من الناس حوالین العالم. غير ان بيكون فيه مخاوف من العقم عند النساء عند كتیر مننا.

وممكن یكون العقم بسبب مشكلة صحیة عند الزوجین يعني زي مافيه عقم للنساء، فيه العقم عند الرجال وبنفس النسبة. ومع كده، في كتیر من العلاجات اللي ممكن تساعد في زیادة فرص الحمل بشكل آمن.

أعراض العقم المبكر عند النساء

أھم حاجة بتظھر عند الشخص اللي بیعاني من العقم ھي إنه مش قادر یحصل على حمل بعد محاولات طویلة، وممكن ساعات ميكونش فيه أعراض ملموسة غير كده.

لكن البعض من ال بيعانوا من العقم عند النساء ممكن یواجھوا مشاكل في:

• الدورة الشھریة زي غیابھا، أو إنھا تبقى غیر منتظمة.
• الاحساس بألم شديد في البطن أو منطقة الرحم.

اسباب العقم عند النساء

أسباب العقم عند النساء متعددة ومختلفة، ومنها أسباب بيكون الزوج مشارك فيها، أو أسباب مرضية خاصة بالمرأة زي:

• وجود تاريخ عائلي في مشاكل الإنجاب.
• الإصابة بأمراض زي “انتباذ بطانة الرحم” أو “مرض التھاب الحوض”. ودي بيحصل فيها تضخم الأنسجة خارج الرحم وتؤثر على وظائف المبیض والرحم.قصور المبیض الأولي، لما المبیضین بیوقفوا عن العمل بشكل طبیعي قبل سن الـ40.
• الاصابة بالتصاقات في الحوض نتیجة لعملیات جراحیة أو التھابات.
• التأثیرات السلبیة لعلاج السرطان زي الكیماوي أو الإشعاع.عوامل الخطربتلاقي كذا عامل بیؤثر على الخصوبة عند السيدات.

ولان الحياة الزوجية مشاركة بين اتنين، فممكن يتسبب الزوج في العقم عند زوجته بنسبة كبيرة عن طريق:

• التدخین ؛ ومخاطر التدخين السلبي بتتساوى مع التدخين نفسه، وبيقلل من فرص حدوث الحمل، وكمان بیؤثر على علاج العقم في حالة كنتي بتتعالجي فعلاً.
• التقدم في العمر؛ طبعًا خصوبة السيدات بتقل مع التقدم في العمر، خصوصًا بعد سن الـ35، والموضوع ده بیزید أكتر بعد سنالـ37. ولكن كمان خصوبة الرجل بتقل بعد سن الأربعین.
• السمنة أو النحافة؛ زيادة الوزن المفرطة، أو النحافة الاتنين بيأثروا على الخصوبة عند الرجال والسيدات.

ازاي تحمي نفسك من العقم؟

على الرغم من إن مفيش طریقة للوقایة من كل أنواع العقم، إلا إن ممكن نقدم بعض النصائح وبدورها ممكن تساعد في زیادة فرص الحمل:

• ممارسة العلاقة الزوجية بشكل منتظم في فترة التبويض.
• تجنب تناول المخدرات، والكحول، والتدخين.
• تجنب التعرض للإشعاعات السامة، أو المواد الكيميائية السامة.
• التقليل من الكافيين.
• ممارسة الرياضة المعتدلة بانتظام.

علاج العقم عند النساء

بیعتمد علاج العقم عند النساء على تحدید السبب المؤثر على الحمل، ومن ھنا بیحدد الطبیب العلاج المناسب حسب التشخيص. وبيكون فيه اكتر من طريقة العلاج زي:

الجراحة لعلاج العقم عند النساء

في حالة كان العقم بسبب مشاكل في الأعضاء التناسلیة بيتم التأكيد على الجراحة تحت ايد اخصائي نساء وتوليد. والمشاكل التناسلية عند النساء ممكن تكون زي انسداد قناة فالوب، أو وجود ندبات، أو أورام لیفیة في الرحم.

أدویة الخصوبة لعلاج العقم

ممكن يلجأ اخصائي النساء والتوليد لاستخدام أدوية الخصوبة لعلاج العقم للسيدات زي أدوية تنظيم الدورة الشهرية، وتحفیز عملیة التبویض.

وفي حالة كان العقم ناتج عن مشاكل ھرمونیة أو اضطرابات في التبویض، فبيتم الاستعانة بالأدویة زي الكلومیفینسیترات أو الھرمونات البدیلة بتساعد على تحفیز المبایض علشان تفرز بویضة ناضجة.

وبتشتهر الحقنة التفجيرية في علاج العقم عند النساء، وهي هرمونات بتساعد المبایض على إنتاج أكتر من بویضة في دورة واحدة، وده بیزید فرص حدوث الحمل.

وبيتم استخدام المضادات الحيوية في حالة كان العقم للنساء بسبب عدوى بكتیریة في الأعضاء التناسلیة زي التھابات الحوض، أو التھابات في عنق الرحم. ودائمًا العلاج المبكر للعدوى بیساعد في تحسين فرص الحمل، لأن العدوى بتأثر على الخصوبة.

مخاطر علاجات العقم

غريب ان يحصل مخاطر علاجات العقم، لكن زي أي علاج أو عمليات جراحية احتمال حدوث مضاعفات غير مرغوب بها، أو مخاطر واردة جدًا زي:

• زيادة نسبة الحمل المتعدد (الحمل في توائم).
• زيادة خطر انخفاض وزن الجنين عند الولادة.
• الولادة المبكرة، والولادة القيصرية.

في النهاية العقم عند النساء موجود بدرجات مختلفة، ومتوفر علاجات فعالة لحالات عقم كتيرة، وفيه حالات إنجاب وتعافي من غير علاجات، وكمان فيه حالات مينفعش معاها علاج. لكن كل شيء بأمر الله فإن قال له كن فيكون، وما علينا إلا السعي والايمان بالله تعالى.

المصادر:

https://www.mayoclinic.org/diseases-conditions/female-infertility/symptoms-causes/syc-20354308

https://www.betterhealth.vic.gov.au/health/conditionsandtreatments/infertility-in-women