التوتر قبل الزواج .. كيفية التخلص من رهاب الزواج

التوتر قبل الزواج شائع جدًا في المجتمعات العربية والمجتمع لمصري، خصوصًا لو كان الزوجين غير متوافقين، أو شخصياتهم غير متناسبة مع بعض. غير إن فيه أسباب تانية كتير. وده بيتسبب في خوف ورهبة من الدخول في علاقة كبيرة ومهمة زي الزواج بيتبني عليها حياة كاملة.

علشان كده هنتكلم عن كل ال يخص الخوف قبل الزواج، وأسبابه، وحقيقة وجوده، والأعراض وكيفية التخلص من رهاب الزواج، وازاي أوصل لمرحلة الزواج الناجح.

ماهو التوتر قبل الزواج

لو بتسأل ماهو التوتر قبل الزواج؟ وإن كان موجود فعلًا ولا لأ؟ فقرار الزواج في حد ذاته خطوة كبيرة ومصيرية، ولازم يتم التفكير فيها والترتيب لها كويس جدًا. وفكرة الانتقال من حياة العزوبية لحياة جديدة نجاحها وفشلها متوقف عليك انت فكرة تخوف.

وقبل الزواج بفترة شهور او اسابيع مع قرب ميعاد الفرح، بيحصل مشاعر خوف وتوتر للعرسان من إذا كان ده القرار الصح أو لأ؟ وإذا كانت كل الترتيبات هتتم زي ما متوقعين أو لا؟ وبتتراكم المشاعر دي وتزيد مع عد مناقشة العرسان في الامور الخاصة بيهم وبحياتهم الزوجية.

هل الخوف قبل الزواج أمر طبيعي؟

المقبلين على الزواج دايمًا بيسألوا هل الخوف قبل الزواج أمر طبيعي؟ وممكن يكون كتير من الأهل أو الشباب وفي بعض الأحيان البنات تستعجب من حاجة زي دي.

لكن الحقيقة إن ده أمر طبيعي ومنتشر بدرجات، يعني ممكن يكون الخوف من الزواج، أو توتر العروس قبل الزواج امر طبيعي. وممكن يوصل الإحساس ده لمرض الرهاب، أو مرض نفسي من الزواج ككل. وده بيكون مرض نفسي وقتي، يعني مش مضر ومدته بتكون قليلة.

توتر العروس قبل الزواج

نسبة كبيرة بيكون توتر العروس قبل الزواج، لأن البنات بطبعهم حساسين، ومع اقتراب موعد الفرح بتزيد المشاعر السلبية والخوف.

أسباب توتر العروس قبل الزواج

نسبة كبيرة بيكون توتر العروس قبل الزواج، لأن البنات بطبعهم حساسين، ومع اقتراب موعد الفرح بتزيد المشاعر السلبية والخوف وال بتحصل مع تراكمات الأسباب دي:

• فكرة ترك بيت الأهل خصوصًا لو مرتبطة عاطفيصا بالأب والأم.
• الخوف من فكرة الزواج وتكوين حياة جديدة وتحمل مسؤولية كبيرة.
• ترتيبات الزفاف ويوم الفرح والخوف انها تكون غير مرضية.
• الخوف من تخييب امال أهلها أو أهل العريس.
• الخوف من المشكلات الزوجية وبناء أسرة سوية.
• التعاطف مع الحياة الزوجية لحد من افراد العيلة، او الصحاب خصوصًا لو تجربة الزواج سيئة.

كيف تتخلص العروس من التوتر؟

ممكن تحس العروس بالخوف الشديد والتوتر مع اقتراب ميعاد الفرح، وتراكم الترتيبات وزيادة عدد الزوار كل يوم للفرح بالعروسة. علشان كده لو بتسألي كيف تتخلص العروس من التوتر؟ ممكن تجربي الحاجات دي وهتساعدك:

• الاسترخاء، وعدم التفكير في حاجة قبل ميعادها.
• تجنب السهر لوقت متاخر.:أعطي جسمك الرحة ونامي من 6 – 8 ساعات متواصلة.
• التقرب من الله: فوضي أمرك لله واعطي لنفسك وقت كل يوم لقراءة القرآن الكريم هيصفي تفكيرك.
• اهتمي بجسمك: مارسي الرياضة ونظمي أكلك واهتمي بالفواكه والخضروات والفيتامينات ال هتنسي تاخديها بعد الجواز.
• حددي أولوياتك: اكتبي الحاجات ال ناقصاكي، وابدأي بالأهم فالمهم.
• الثقة في النفس: ثقي في نفسك انك قد المسؤولية ومش لازم تجربتك تكون صورة لتجربة غيرك، احنا شخصيات مختلفة.
• المشاركة: اتواصلي مع عريسك، وشاركيه اهتمامتك واتكلمي معاه في الحاجات ال مخوفاكي.

التوتر قبل الزواج للرجال

عادة بنسمع ان البنت خايفة قبل الجواز، لكن ان الشاب يكون خايف! بتكون بسيطة جدًا. وفي الحقيقة التوتر قبل الزواج للرجال شيء طبيعي جدًا وبيحصل كتير. خصوصًا مع الضغط قبل الزواج من الأهل وأهل العروسة، واحيانًا العروسة نفسها!

وده لأنها بتكون مضغوطة هي كمان ومتوترة لكن مفيش حد جنبها. وهنا بييجي دور المشاركة بين العرسان علشان يعدوا المرحلة دي.

أعراض الخوف من الزواج للرجال

مع بداية تحديد موعد الزفاف، وإدراك العريس أنه على وشك دخول حياة جديدة مستقلة عن بيت الأهل، بيحس بالتوتر وبيظهر عليه أعراض الخوف من الزواج للرجال:

• تقلب المزاج، والحزن غير المبرر.
• النكد المستمر.
• فقدان الشهية.
• الأرقة وقلة النوم.
• فقدان الوزن.
• العزلة .
• الاستماع وقلة الحديث.

أسباب الخوف من الزواج للرجال

بالرغم من ان الحياة الزوجية مشاركة بين الزوجين، إلا إن أسباب الخوف من الزواج للرجال بتختلف عن البنات. لأن أغلب الجال عمليين غير البنت العاطفية، وها ممكن نعتبر أغلب أسباب التوتر قبل الزواج للرجال هي:

• الضغط المادي، وتراكم تجهيزات الزفاف ومصاريفه.
• التفكير الزائد في كل جوانب الحياة قبل وبعد الزفاف.
• ضغط الأهل.
• نصائح الأصدقاء المبنية على تجاربهم سواء سلبية أو إيجابية.
• الخوف من عدم التوافق.

كيفية التخلص من رهاب الزواج

رهاب الزواج والخوف من الإقبال على خطوة الزواج أمر طبيعي، وبيزيد في المجتمعات الشرقية المعتمدة على عادات وتقاليد واعراف ممكن تؤثر على الزواج ككل. علشان كده ممكن نعرف كيفية التخلص من رهاب الزواج إن اتبعنا الخطوات دي:

• مشاركة المشاعر مع الطرف الآخر.
• عدم تحمل النفس أكتر من طاقتها وده ينطبق على العرسان والأهل. مثلًا تخفيض تكاليف الفرح.
• الاستعانة بالله في كل أمورك، وان كل واحد مكتوبله نصيبه.
• فهم مشاعر الطرف الآخر ومساعدته على تخطي المرحلة الصعبة دي.
• تأكد إن مفيش حاجة بتيجي مرة واحدة وكل الخطوات بتتسلسل، والمسؤولية بتشيلها بالتدريج.

المصادر:

https://www.bacp.co.uk/news/news-from-bacp/2024/10-july-how-to-avoid-pre-wedding-stress