أهم الأماكن في اليابان اللي لازم تزوروها لو هتقضوا شهر عسلكم هناك

كوكب اليايان الشقيق، البلد المبهر في كل حاجة، بلد الأنيميشن والبوكيمون، أكيد طبعاً لو انتم من محبي كل الحاجات دي المتعلقة باليابان فممكن تختاروها تكون وجهتكم عشان تقضوا فيها شهر العسل، ولو كان ده خياركم فاحنا هنا في المقال ده جبنا لكم أهم الأماكن في اليابان اللي لازم تزوروها لو رحتم هناك، ومينفعش تبقوا في اليابان ومتشوفوهاش؛ فتابعوا معانا.

جبل فوجي:

أكيد مينفعش حد يروح اليابان وميروحش جبل فوجي، اللي بيعتبر من أهم الأماكن في اليابان وأعلى قمة فيها.

وده لإن إرتفاعه بيوصل 3776 متر، وهو مكانه في العاصمة طوكيو، وفي فترة ما من الفترات القديمة كان بيعتبر إله وبيتعبد ويتقدم له القرابين، أما دلوقتي فبقى مزار للسياح وخصوصاً محبي المغامرة وتسلق الجبال، وعلى الرغم من إمكانية زيارة الجبل في أي وقت طول السنة إلا إن تسلقه بيكون متاح في الصيف بس من أول يوليو لحد 26 أغسطس.

وده لإن قمته والطريق إليها عادة ما بتكون متجمدة بقية شهور السنة، وده بيمنع من تسلقها.

وسواء في سفح الجبل أو على طريق تسلقه ككل موجود دايماً محلات تجارية ومطاعم وأكواخ للراحة.

وعلى قمة جبل فوجي فيه برضه مطاعم بتقدم الوجبات اليابانية التقليدية من الرامن وشربة الميزو الدافية.

وده عشان تدفي المتسلقين اللي قدروا يوصلوا لحد القمة.

ده غير إن المتسلقين اللي بيقدروا يوصلوا للقمة بيكون متاح ليهم إنهم يبعتوا بطاقات بريدية على عناوينهم مختومة بختم قمة جبل فوجي من مكتب البريد اللي على القمة ومبيشتغلش غير في فترة تسلق الجبل بس،وده عشان يقدروا يحتفظوا بيها للذكرى.

فلو وصلتم لقمة جبل فوجي في شهر عسلكم تقدروا تبعتوا على عنوان بيتكم بطاقة تعبروا فيها عن مشاعركم في اللحظة دي وحبكم لبعض وتبقى ذكرى أبدية بينكم.

وكمان تقدروا تاخدوا شهادة من منظمة تعزيز السياحة في اليابان تثبت وصولكم لقمة جبل فوجي.

واللي تم تسجيله رسمياً كواحد من معالم التراث العالمي لليونسكو ورمز ثقافي لليابان سنة 2013.

معبد ياكوشيجي من أهم الأماكن في اليابان:

يعتبر معبد ياكوشيجي أقدم المعابد البوذية في اليابان، وده لإن عمره أكبر من 1300 سنة.

وده خلاه يتسجل ضمن قوايم التراث العالمي لليونسكو.

ومكانه على ضفاف بحيرة كاتسوماتا في مدينة نارا اللي كانت عاصمة لليابان في القرن التامن الميلادي.

والمعبد مطلي باللون الدهبي، وفيه أقدم تلات تماثيل لبوذا في اليابان، واللي بتعتبرها ثروة وطنية ليها.

والمعبد اتبنى بأمر من الإمبراطور تيمنو لما زوجته مرضت؛ فأمر ببناء المعبد بهدف الصلاة لشفائها.

زهور الساكورا:

أما لو هتروحوا اليابان في موسم الربيع من أواخر شهر مارس ولحد نص مايو؛ فتقدروا تستمتعوا بمناظر زهور الساكورا اللي بتعتبر من أهم المعالم الطبيعية هناك، والزهور دي بتتميز بتدرج ألوانها بين الأبيض والزهري والوردي، وبتتفتح في موسم الربيع بس، ومن أهم الأماكن في اليابان اللي تقدروا تستمتعوا فيها بمناظر أشجار الساكورا المعمرة:

شجرة الساكورا الكبيرة إيشينجيو، ودي مكانها في ريف منطقة كيوشو، وعمرها 400 سنة.

ورغم إنها اتعرضت لكتير من الأعاصير والصوعق إلا إنها لسة صامدة في مكانها.

ده غير أشجار الساكورا اللي بتحيط قصر الإمبراطور، في وسط طوكيو العاصمة.

والأشجار دي متاح مشاهدتها للزوار لإن بيوازيها بركة مياه يقدروا يبحروا فيها بمراكب تجديف صغيرة ويستمتعوا بمناظر أزهار الساكورا وهم في المية.

وكمان فيه أشجار ميهاروتاكي ساكورا، اللي بتتسمى برضه بساكورا الشلالات.

وده لإن أزهارها المتفتحة بتتدلى منها على الأغصان في منظر بيشبه المية النازلة من الشلالات.

وعمر الشجر ده بيزيد عن ألف سنة، وجمالها كان ملهم لفنانين وشعراء يابانيين كتير في أعمالهم الفنية.

وفيه كمان أشجار الساكورا في جبل شيودئ على شواطئ بحر سيتو.

وبرضه ممكن تزوروا أشجار ساكورا فوجي المجودة حوالين معبد توجي في مدينة كيوتو، وده معناه إنكم تستمتعوا بزيارة المعبد برضه.

وكمان لو هتزوروا معبد شينبوكو في مدينة ميتاكا يبقى هتقدروا برضه تستمتعوا بأشجار الساكورا الموجودة في الطريق للمعبد.

وطبعاً كل المواقع دي بأزهارها وألوانها المبهجة هتضيف جو رائع ورومانسي مش هتنسوه أبداً على رحلة شهر عسلكم في أهم الأماكن في اليابان.

وفي نهاية المقال نتمنى نكون فدناكم وعرفناكم أهم الأماكن في اليابان اللي ممكن تزوروها وتستمتعوا بيها في شهر عسلكم، وتمنى لكم رحلة سعيدة ممتعة.