أماكن لفرح على النيل الموقع والأسعار

مهما اتغيرت قاعات الزفاف وبقت أحدث وأشيك يظل للأفراح اللي على النيل متعة لا تقارن. لو بتحبو الأجواء المفتوحة أو بتدورو على أماكن لفرح على النيل هنساعدكم بتوضيح أفضل أماكن في عِدة أماكن متفرقة على النيل. منها وسط البلد والمعادي والزمالك.

إزاي تختارو أفضل أماكن لفرح على النيل يناسب احتياجكم؟

وإنتم بتختارو قاعة أو مكان على النيل لازم تاخدو بالكم من احتياجاتكم الأساسية. زي هل مساحة القاعة وديكورها مناسبك ليكم أو مش مناسب بشكل كافي. وأمور تانية تقدرو تحددوها من خلال عدة أمور منها على سبيل المثال لا الحصر:

الحد الأقصى للميزانية اللي تقدرو عليها

وهنا منقصدش بس ميزانية القاعة بل ميزانية تجهيزات الفرح ككل. من خلال تحديد الميزانية هتقدور تحددو تأجير القاعة يكون في حدود كام. خاصة وإن القاعة مش فقط مكان هيتحجز، كمان في تغييرات في كرسي العروسين ممكن تحتاجو تغيرها.

مساحة المكان وخدماته

طبيعي هتتأكدو مساحة المكان وسعته مناسبة لاستيعاب عدد المعازيم ولا لأ. معظم أشهر أماكن لفرح على النيل مساحتها محدودها أو مش بتقبل عدد كبير من المعازيم. وصعب جدًا إضافة عدد زيادة عن العدد اللي القاعة بتحدده سواء بسبب المساحة أو سياسة القاعة.

كمان شوفو الخدمات اللي هتحتاجوها زي التصوير، تقديم وجبات أو عصائر. وإذا متاح فيه كتب كتاب قبل الفرح، وأي تفاصيل تانية أو خدمات محتاجينها في يومكم السعيد.

الميزانية التقريبية للفرح

أهم حاجة قبل اختيار مكان الفرح هي المقارنة، مقارنة الأسعار بين القاعات وخدماتها. يعني بشكل عام في السعر التقريبي في أماكن لفرح على النيل بتبدأ من 40 ألف وبتتجاوز 150 ألف حسب الخدمات والسعة والضيوف. فلازم تشوفو احتياجاتكم وبناءً عليها تقارنو الأسعار وتختارو الأنسب.

أماكن لفرح على النيل في نطاق المعادي

 على طول كورنيش المعادي هتلاقو أماكن كتير سهل تسألو فيها وتعرفو الأسعار. ودلوقتي هنقولكم على أشهر وأهم الأماكن هناك، واللي غالبًا بتتبع فنادق أو مجموعة قاعات فخمة.

• Blue Nile Boat  المعادي: ودا طبعًا بيتميز بإطلالته المباشرة على النيل. وبيضم عدد قاعات كل قاعة ليها سعة مختلفة وسعر مختلف. لكن بشكل عام بتبدأ أسعاره من 60 ألف وحتى 80 ألف تقريبًا.
• J.W. Marriott المعادي: من القاعات المخصصة أصلًا للأفراح. عشان كدا بتوفر كل خدمات الأفراح بأعلى جودة وبمختلف الأسعار. ولكن تعتبر من فئة الأسعار المرتفعة لإن الخدمات فيها مستوى 5 نجوم. وفيها قاعات داخلية وخارجية بمساحات مختلف، الأسعار بتبدأ من 80 ألف وحتى 110 ألف.

 أماكن لفرح على النيل في نطاق وسط البلد

  عايزين فرح في منتهى الفخامة والرُقي، وفقراته وخدماته لا تُنسى يبقى أكيد الأفراح على النيل في وسط البلد. وخاصة فنادق وسط البلد لإن تخصصهها من عشرات السنين إقامة أفراح لجميع الطبقات.

• The Nile Ritz-Carlton: فخامة بعد كدا مش هتلاقو، إطلالة ولا أروع على النيل. وطبعًا قريب من كل المناطق الحيوية، لو عايزين خدمات إضافية أو مبيت تقدرو تتفقو عليه. وبالنسبة للسعر فبيكون في متوسط 110 ألف.
• Kempinski Nile Hotel: بيوفر الفندق عدد من قاعات الأفراح صغيرة ومتوسطة. يعني هيكون أنسب للأفراح المتوسطة العدد أو حفلات كتب الكتاب. تكلفة إقامة الفرح بتختلف حسب الخدمات وبتبدأ من 70 ألف وحتى 90 ألف جنيه.

أماكن لفرح على النيل في نطاق الزمالك

مفيش حد مرحش إتمشى في الزمالك وفي شوارعها بالليل. وقضى سهرته على النيل في كافيه أو حتى مشي مع صديق أو حبيب. دايمًا الزمالك ليها جو خاص فما بالكم بالأفراح في الزمالك.

• Cairo Marriott Hotel: من أشهر الفنادق على النيل في الزمالك. والمميز فيه إنه بيضم مساحات خضراء وحدائق واسعة على النيل. وبتقام فيها حفلات الفرح وتصوير السيشن، وطبعًا بيوفر تجهيز ومبيت في الغرفة. أما الأسعار فحسب الخدمات وبيبدأ من 90 ألف جنيه.
• Sofitel Cairo Nile El Gezirah: موجود في الجزيرة في منطقة نادي الجزيرة. وإطلالة ممتازة على النيل، وفيه قاعات مختلفة المساحة. هيناسب جدًا الأفراح سواء الصغيرة أو الكبيرة. والسعر بيبدأ من 80 ألف.

أخطاء نتجنبها عند اختيار المكان المناسب

فرح على النيل يعني نتأكد أولًا من كذا حاجة عشان منلاقيش نفسنا مش عارفين نكمل الفرح:

• لازم يناسب عدد المعازيم مينفعش نزود خاصة لو معاهم أطفال. ولو إن عدم وجود أطفال في الأفراح على النيل أمان أكتر.
• نتأكد من حالة الجو يومها وإن مفيش رياح أو مفيش مطر.
• لو في الشتاء يبقى بدون خلاف تحجزو قاعة داخلية وبلاش مجازفة.

عامة مفيش حد اختار يعمل فرحه في أماكن لفرح على النيل وندم. لكن ناخد بالنا إن مش كل مكان هيكون مناسب لاحتياجنا، فنركز الأول في احتياجتنا وبعدين نختار المكان.

اقرأ أيضًا: ديكورات كتب كتاب جديدة ومختلفة تناسب ذوقك.

اقرأ أيضًا: أماكن بيع بدلة الفرح في القاهرة والجيزة.