أفكار لكوفي كورنر مودرن في شقتك
مع توجه كتير من العرايس والعرسان مؤخراً للاستفادة من الأركان في عمل ديكور لطيف وعملي، أصبح عمل كوفي كورنر مودرن (ركن مخصص للقهوة) جزء من الديكورات العصرية في التصميمات الداخلية لعش الزوجية.
في المقال ده بنقدملك نصائح وأفكار لكوفي كورن مودرن، مع نصائح عملية تساعدك في تنفيذه بشكل أنيق ومتناسق.
يعني ايه كوفي كورنر؟!!
ببساطة هو مساحة مخصصة لتحضير القهوة وكمان المشروبات الساخنة في بيتك، تقدر تصممها في المطبخ أو الريسبشن أو أي ركن جانبي من الصالة. من أهم ميزاتها إنها بتسهل تنظيم وتحضير القهوة خلاف المظهر العصري الجميل.
أفكار لكوفي كورنر مودرن
على الرغم من إن فكرة ركن القهوة في حد ذاتها هي فكرية “مودرن”، لكن ده لا يمنع إن فيه أفكار متنوعة للتصميم العصري للكوفي كورنر في شقتك…
1. كوفي كورنر بسيط Minimalist
وده بيكون عبارة ع أرفف مستقيمة بسيطة جداً ذات ألوان حيادية (أبيض، بيج، أسود)، وعادة بتكون خشبية. التصميمات البسيطة بتناسب المساحات الصغيرة والتصميمات الداخلية الهادئة البسيطة، وبتدي اتساع وراحة للمكان دون مبالغة وتفاصيل كتير.
المكونات ممكن تكون ماكينة قهوة وأكواب وقطعة ديكورية بسيطة جانبية مع إضاءة خفيفة لو لزم الأمر.
2. كوفي كورنر على شكل وحدة تخزين Cabinet Style
ده بيكون في صورة وحدة تخزين أنيقة تمزج بين الأرفف والأدراج حسب الزوق والطلب. لو المكان أو الركن عندك يسمح تقدري تستخدميها وبتكون شيك وعملية جداً لتخزين كل الأدوات من الماكينة إلى السكر والملاعق وأطقم تقديم القهوة أو المشروب. بوتكون بمثابة بوفيه صغير وكوفي كورنر في نفس الوقت.
وممكن تكون الوحدة على شكل نيش مصغر مدمج فيه ركن القهوة.
3. كوفي كونر مع ترابيزة جلوس
ده بيكون خيار ذكي بيدمج خيارات الجلوس للاستمتاع بالقهوة مع ركن القهوة، تقدروا تختاروا بين تصميمات كتير وفقاً لمساحة المكان. تقدري لو المساحة تسمح تدمجي وحدات تخزين أو تكتفي بالأرفف البسيطة.
مكونات أساسية لركن القهوة
مستلزمات الكوفي كورنر بتشمل احتياجات أساسية مثل:
- ماكينة القهوة.
- برطمانات زجاجية أو من أي خامة أنيقة.
- أكواب تقديم بألوان متناسقة مع بعضها ومع بقية القطع.
- صنية تقديم أو قاعدة خشبية.
ممكن تضيفي للكوفي كورنر مكونات أخرى بناء على رغبتك، زي مثلا قطع الديكور والزينة، لكن ترتيب وتنسيق الكوفي كورنر وإنه يكون غير مزدحم وغير مريح أساسي للحفاظ على جماله.
طرق تزيين الكوفي كورنر..
تقدري تزيني الكوفي كورنر في شقتك بأكتر من طريقة مثل:
- الإضاءة الهادئة هتفضل وسيلة جمالية للديكور الدافئ بمختلف قطعه.
- الزينة النبايتة وسيلة لإضفاء بهجة للكورنر.
- اللوحات البسيطة بما لا يؤثر على مساحة وتناسق الكوفي كورنر.
- الكلمات المكتوبة والعبارات التحفيزية عن القهوة.
- تناسق الألوان بداية من لون الكوفي كورنر وصولاً لقطع التقديم ومكينة القهوة.
أخطاء تجنبيها عند تصميم الكوفي كورنر
عند اختيار وتصميم كوفي كورنر مودرن لازم تراعي الآتي:
- من المهم تحديد الهدف هل مجرد كوفي كورنر مودرن كقطعة ديكور أم استغلاله في التخزين.
- اختيار زاوية التصميم أو الكورنر يكون مناسب وعملي ولا يُعيق الحركة أو يؤثر على مساحة المكان بالسلب.
- مراعاة وجود كابلات لتوصيل الكهرباء للماكينة.
- مراعاة التناسق مع ديكور الشقة العام وألوانه.
- عدم المبالغة في الزينة أو القطع الموضوعة عليه.
- اختاري ماكينة قهوة مناسبة لاحتياجاتك دون مبالغة.
- ضيفي لمساتك البسيطة في الزينة أو الجُمل المكتوبة.
- لما تختاري وحدات تخزين اختاريها بذكاء لاستغلال المساحة بشكل مثالي.
- مش كل تصميم جميل يناسب أي ديكور أو أي مساحة.
عدم مراعاة النقاط السابقة بيخلي الكوفي كورنر قطعة غير عملية ومؤثرة على جمال بيتك.
منصة إيجي ويدينج ممكن تساعدك في التعرف على معارض أثاث وشركات تشطيب ومعارض ديكورات قريبين منك ولو فيه تقييمات لشغلهم لتصميم كوفي كورنر مودرن مثالي لشقتك.
في النهاية، فكرة كوفي كورنر مودرن من الأفكار الرائجة جداً في التصميمات الداخلية حالياً، لكن الاختيار الصحيح ليها أمر معتمد عل المساحة والغرض من الكوفي كورنر عشان تضمني تحقيق الغرض وجمالية الديكور.
اعرف أكثر:
ديكور تلفزيون مودرن | أفكار ونصائح
جهاز العروسة | نصائح لفخامة بأقل تكاليف.
هل محتوى المقال دة كان مفيد بالنسبة لك؟
نعم، مفيد!لا!
