أفكار لتنظيم المطبخ بشكل عملي وجذاب

بنقدم لك أفكار لتنظيم المطبخ بشكل مبتكر، وبطريقة تسهل حياتك اليومية وتجعلها أكتر راحة. لأن لما مطبخك يبقى مترتب ومنظم، وكل حاجة تبقى في مكانها، هتقدري تشتغلي أسرع ومن غير توتر.

ترتيب المطبخ بطريقة مبتكرة مش بس هيوفر لك وقت ومجهود، لكنه كمان هيخليكي تستمتعي بالطبخ ويحول مطبخك لمكان مريح ومرتب. الأفكار دي هتساعدك في استغلال كل مساحة بشكل ذكي وعملي، عشان تقدري تلاقي كل حاجة بسهولة وتخلي المطبخ مكان جميل ومتناسق.

استغلي المساحات المهملة

الرفوف العالية: دايمًا بيكون عندنا رفوف عالية مش بنستخدمها كتير، ممكن تستخدميها لتخزين الأدوات اللي مش بتحتاجيها كل يوم، زي الحلل الكبيرة أو الأجهزة الكهربائية اللي مش بتستخدميها يوميًا.

الباب الخلفي للدواليب: ممكن تستخدمي الباب الداخلي للدواليب لتعليق أدوات المطبخ الصغيرة، زي المغارف والمعالق الكبيرة، باستخدام شماعات صغيرة أو علاقات لاصقة.

اعملي وحدات تخزين عمودية

الرفوف الدوارة: من الأفكار الجميلة لترتيب المطبخ، لأنها هتساعدك توصلي لكل حاجة بسرعة، خصوصًا في الأركان الضيقة اللي مش بتوصلي لها بسهولة. تقدري تحطي التوابل أو العلب الصغيرة عليها وتلفيها لحد ما تجيبي الحاجة اللي عاوزاها.

وحدات التخزين فوق الثلاجة: ودا مكان مهم وبيدي مساحة، خاصة في تنظيم وترتيب المطبخ الصغير. لأن المساحة دي غالباً بتبقى مهملة، فممكن تستخدميها لتخزين الحاجات اللي مش بتحتاجيها كتير زي الكتب الخاصة بالطبخ أو أدوات المائدة.

تقسيم الأدراج بشكل عملي

منظمات الأدراج: استخدمي منظمات للأدراج عشان تقسم الأدوات حسب النوع، زي المعالق، الشوك، والسكاكين. ده هيخليكي تقدري توصلي لأي حاجة بسهولة وبدون ما تقعدي تدوري.

فواصل الأدراج: ممكن تقسمي الدرج لفواصل صغيرة تحطي فيها الأدوات اللي ليها نفس الاستخدام، زي القشّارات والملاعق القياس.

استغلي المساحات العمودية في المطبخ

علاقات الحائط: علقي الأدوات الكبيرة اللي بتستخدميها كتير زي الطاسة أو المصفاة، على شماعات حائطية، عشان تبقي في متناول إيدك طول الوقت. وكمان هتدي شكل جمالي للمطبخ.

خطافات المغناطيس: من أهم طرق وأفكار تنظيم المطبخ، وممكن تستخدميها لتعليق السكاكين على الحيطة بطريقة آمنة وسهلة.

استخدمي العلب الشفافة والملصقات

العلب الشفافة: فكرة ممتازة عشان تقدري تشوفي إيه اللي جوه العلبة بسرعة وتوفري وقت بدل ما تفضلي تدوري. وممكن تستخدمي العلب دي للحبوب، المكرونة، البقوليات، والدقيق.

الملصقات: استخدمي ملصقات تكتبي عليها اسم كل حاجة وتحطيها على العلب. ده هيسهل عليكي تلاقي الحاجة اللي بتدوري عليها بسرعة.

تنظيم الثلاجة بشكل ذكي

تقسيم الثلاجة: عشان تحافظي على نظام الثلاجة، ممكن تستخدمي علب بلاستيك أو أكياس شفافة تحطي فيها الأطعمة وتقسميها حسب النوع. زي مثلاً، خضار في علبة، لحوم في علبة، وجبن في علبة تانية.

استغلال باب الثلاجة: استخدمي باب الثلاجة عشان تحطي الحاجات الصغيرة اللي بتستخدميها كتير زي الزبدة، المربى، أو العصائر.

الأدراج السفلية الضيقة

لو عندك أدراج سفلية ضيقة، ممكن تستخدمي وحدات تخزين متحركة عشان تحطي فيها الحاجات اللي بتستخدميها نادراً زي الصواني الكبيرة أو أغطية الحلل.

رفوف مفتوحة للديكور والتنظيم

إضافة رفوف مفتوحة في المطبخ بيدي مساحة أكبر لتخزين الأطباق أو الأكواب وكمان بيضيف شكل جمالي. تقدري تحطي عليهم الحاجات اللي عايزاها تكون في متناول إيدك بشكل يومي. كمان ممكن ترتبي الحاجات على الرفوف المفتوحة بشكل شيك، زي وضع الأطباق بألوان متناسقة أو ترتيب البرطمانات الشفافة بتنسيق مريح للعين.

تنظيم الأدوات الكهربائية

إخفاء الأدوات الكهربائية: الأدوات الكبيرة زي الميكروويف، الكيتشن ماشين، أو الخلاط، ممكن تخليهم في دواليب مغلقة لو مش بتستخدميهم على طول. ده هيديكي مساحة أكبر على الرخام للاستخدام اليومي.

ترتيب الأسلاك: الأدوات الكهربائية ساعات بتبقى الأسلاك بتاعتها مكركبة. ممكن تستخدمي أربطة أو خطافات لتجميع الأسلاك بشكل منظم عشان تبقى شكلها أشيك وأسهل في الاستخدام. ودي تعتبر من أهم أفكار ترتيب وتنظيم المطبخ بشكل عام، والمطابخ الصغيرة بشكل خاص.

منطقة القمامة

دايماً خلي ليكي مكان مخصص للزبالة، سواء كانت سلة تحت الحوض أو في ركن المطبخ. وخليها تكون قريبة من منطقة التحضير عشان تتخلصي من الفضلات بسرعة.

اقرأ أيضًا: تجهيزات العروسة قبل الفرح