أفضل أماكن شهر العسل في أمريكا

خلاص فرحكم قرب وظبطم كل حاجة، وقررتوا انكم عايزين تقضوا شهر عسلكم في أمريكا، يبقى لازم تعرفوا أفضل أماكن شهر العسل فيها.

صحيح أن أمريكا بلد ساحر وحلم ناس كتير انهم يروحوا يزوروها.

بس كمان أمريكا دي مش مجرد بلد لا دي قارة كاملة لوحدها، وأكيد مش هتقدروا تزوروا كل تفصيلة فيها في مرة واحدة.

فلو مكنتوش مستعدين من الأول بقايمة بايه الأماكن اللي ناويين تروحوها وناوين تعملوا ايه بالظبط، هتضيعوا وقت كتير في الحيرة والتفكير.

وفي الآخر ممكن ترجعوا وانتم ملحقتوش تعملوا حاجة ولا شفتوا حاجة أكتر من الفندق اللي نزلتوا فيه والشوارع اللي حواليه.

واللي ممكن تكونوا كمان اخترتوه بشكل عشوائي، ومكنش موقعه أحسن حاجة في انكم يعيشكم الأجواء المميزة اللي ممكن تستمتعوا بيها لو رحتم وانتم جاهزين وعارفين عايزين تروحوا في بالظبط، وعشان كدة في المقال ده احنا هنحاول نوضح لكم أكتر الأماكن المميزة في أمريكا بالأجواء الرومانسية المناسبة اللي هتخليكوا تستمتعوا بتجربة تقضية شهر عسلكم فيها وتبقى ذكرى متتنسيش أبداً.

فتابعوا معانا المقال.

مدينة نابا الريفية في كاليفورنيا من أفضل أماكن شهر العسل في أمريكا:

مدينة نابا بتتميز بمنتجعاتها الرومانسية ده غير إنها بتطل على مناظر الريف المتدحرج اللي بيدي مظهر منعش في بداية كل يوم، وجوها الجميل النقي، وطبيعتها الريفية الهادية بتسمح بالاستمتاع بمناظرها عن طريق جولات طويلة بالدراجات من غير قلق وخوف من زحمة الشوارع والعربيات.

ده غير توافر المنتجعات الصحية فيها اللي تقدروا تستمتعوا فيها بالسونا والتدليك العلاجي وجلسات يوجا على ضوء الشموع.

وكل ده يساعدكم في إنكم تبدأوا حياتكم الجديدة وانتم متخلصين من كل التعب والمجهود والإرهاق اللي عشتوه قبل كدة.

وتبدأوا صفحة جديدة بروح جديدة.

ده غير إن مدينة نابا مكانها على بعد ساعة واحدة من سان فرانسيسكو بالعربية.

يعني تقدروا تزوروا المدنتين وتستمتعوا في أفضل أماكن شهر العسل في أمريكا بكل سهولة.

مدينة نيويورك:

طبعاً غني عن التعريف إن مدينة نيويورك هي أهم مدينة في أمريكا، هي مدينة المال والأعمال والمدينة اللي مبتنامش أبداً.

لكن حتى بالنسبة للرومانسية وأوقات الحب فبرضه هي تعتبر من أفضل أماكن شهر العسل في أمريكا.

وده لإن مفيش حاجة ناقصة فيها في كل الأنشطة والتجارب اللي يتمنى أي زوجين إنهم يلاقوها ويخوضوها في شهر عسلهم.

سواء وجبات المطاعم الرومانسية الفخمة على أضواء الشموع، أو عروض مسرح برودواي الراقية، والمعارض الفنية الجميلة لمحبي الفنون.

وكمان تقدروا تستمتعوا بتمشية رومانسية على جسر بروكلين.

وإذا كان الحبيبة بيتباهوا عادة بالقبلة الفرنسية عند برج ايفل في باريس؛ فانتم في نيويورك تقدروا تتباهوا بقبلتكم الرومانسية من فوق مبني إمباير ستيت.

ده غير استمتاعكم بأماكن الإقامة الفاخرة اللي بتمتعكم بأجواء رومانسية مخصوصة لكل عروسين جداد.

وده لتميزها بإطلالات أوضها على معالم المدينة ومناظرها الطبيعية الخلابة.

أفضل أماكن شهر العسل في أمريكا هي أقدمها:

واحنا هنا بنتكلم عن مدينة بوسطن في ولاية ماساتشوستس، واللي بتعتبر أقدم مدن الولايات المتحدة الأمريكية.

وده لإنها اتأسست سنة 1630م، وعلى الرغم من كدة إلا إنها بتتغير وتتطور دايماً.

خصوصاً كونها مدينة ساحلية بتطل على ميناء بوسطن الشهير.

وده بيديكم خيارات كتير في إنكم تستمتعوا بجولات بحرية في المراكب الشراعية في الميناء.

وتختاروا فندق من الفنادق الكبيرة اللي بتطل على الميناء وتديكم إطلالات بحرية طول اليوم.

وطبعاً متنسوش زيارة معالم المدينة التاريخية زي متحف الفنون الجميلة.

وكمان حديقة بوسطن العامة اللي تقدروا تاخدوا فيها جولات رومانسية وتستمتعوا بمناظر الطبيعة والنباتات جواها.

وإذا كنتم من محبي الرياضة؛ فمتنسوش تلقوا نظرة على ملعب فينواي بارك التاريخي.

وده الملعب اللي بيلعب فيه فريق ريد سوكس اللي يعتبر أهم فريق في أمريكا في رياضة البيسبول.

وفي نهاية المقال نتمنى انكم تقضوا رحلة ممتعة في أفضل أماكن شهر العسل في أمريكا، وتكون بداية سعيدة لحياتكم الجديدة.