أعشاب طبيعية تساعدك على الاسترخاء

العريس عليه ضغوطات كتير من الشقة وتجهيزها والعفش، وطبيعي بيجي عليه وقت بيكون عايز يريح أعصابه شوية. في المقال ده حنقولك على عدد من الأعشاب الطبيعية ممكن تعتمد عليها للاسترخاء حتفرق معاك.

الكاموميل chamomile 

من أشهر الأعشاب الطبيعية اللي بتهدي الأعصاب، وبتساعدك على علاج بعض أنواع من الأرق (طبقا لأبحاث طبية في 2016)، وفيه منه أشكال كتير على سبيل المثال: الشاي والمستخلصات وكريمات وكبسولات.

تحذيرات من الكاموميل

• لو عندك حساسية منه لازم توقفه على طول.
• ممنوع لو بتاخد أدوية خاصة بالسيولة.

اللافندر lavender.. أعشاب طبيعية للعلاج بالروائح العطرية

نبات مشهور برائحته الجميلة، وتهدئة الأعصاب، وتم إثبات تأثيره على أجزاء معينة في المخ ويعمل على تهدئتها، ودايما يستخدم في جلسات المساچ كمان. 

موجود في أشكال كتير على سبيل المثال: الشاي وعلى شكل زيت ودة اللي معروف بين الناس أكتر وممكن تشتريه من عند العطار أو محلات خاصة بالزيوت الطبيعية.

الياسمين jasmine .. أعشاب طبيعية يمكن زراعتها في المنزل

ناس كتير تعرف الياسمين برائحته المميزة، بالإضافة أنه ممكن يتزرع في البيت كمان، له دور ساحر في تهدئة الأعصاب وتحسين المزاج. 

زهرة الآلام البرية passionflower

تساهم زهرة الآلام البرية في تقليل العصبية والتعب والأرق، وموجود على هيئة أقراص أو مشروب.

الينسون anise

مجرد ما بتشم ريحته بتحس بالراحة وأنك عايز تنام، ودة لأنه فعلا يستخدم بشكل رئيسي في تقليل الأرق، ويساعد على النوم بشكل كبير، وأشهر شكل له هو المشروب. 

الينسون النجمي star anise

شبه الينسون بالظبط في المفعول، ويستخدم مع الناس اللي عندها اضطرابات في النوم. 

النعناع… عشب طبيعي يمكن خلطه بزيوت عطرية أخرى

من أكثر الأعشاب المميزة ، وأشهر شكل له هو زيت النعناع، ويستخدم لعلاج الانتفاخات، ويساعد على تقليل التعب والإرهاق، وممكن يتم إضافته مع زيت اللافندر في نفس الوقت في العلاج بالزيوت العطرية. 

الشاي الأخضر Green tea

يحتوي على أحماض أمينية مهمة مثل مادة  ال- ثيانين L-theanine  تجعله يساعد على تقليل الضغط النفسي، وكمان يساعد على الاسترخاء وتقليل الأرق. 

الصبار Aloe Vera

الصبار له فوائد طبية وعلاجية كتيرة على سبيل المثال: علاج الجروح، وكمان يقلل من العصبية والضغط النفسي. 

أعشاب طبيعية يجب تناولها بعد استشارة الطبيب

الأشواجندا Ashwagandha

يستخدم في أنواع علاجات كثيرة على سبيل المثال: المساعدة على النوم وتقليل اضطرابات النوم، ويقوي الأعصاب، ولكن لازم استشارة الطبيب قبل تناولها لأن تناولها بعدم وعي ممكن تعمل آثار جانبية غير مستحبة. 

الكركم turmeric 

الكركم مش توابل بس بتضاف للأكل، ولكن له استخدامات طبية كتير وفقا لبعض الأبحاث، بالإضافة أنه يستخدم لتقليل الأرق والاكتئاب بسبب المواد الفعالة إللي فيه وأشهرها الكوركومين curcumin، وضروري أنه يتم تناوله تحت إشراف الطبيب المختص.

أعشاب طبيعية أخرى

يوجد أعشاب طبيعية كتيرة تستخدم لهذا الغرض، ولكن معظمها محدود وغير شائع في مصر، وبتكون في أماكن تانية في العالم بشكل كبير زي نخيل الخيزران، ونبات الثعبان. 

نصائح مهمة عن الأعشاب الطبيعية

• استشر طبيب مختص أو الصيدلي قبل الاستخدام يعني تاخده فترة أد ايه، لأن الأعشاب زي ما هي مفيدة وسعرها قليل ومش حتكلفك فلوس كتير، ممكن يكون لها أضرار مع كثرة استخدامها. 
• ولو عندك حساسية منهم وقف الاستخدام فورا لأن بيكون له آثار عكسية أكبر. 

اقرأ أيضا: صفات الزوج الصالح

اقرأ أيضا: أفضل فنادق شهر عسل في إسطنبول