أسطورة الحبة الزرقاء..حقيقة ولا خيال؟

الحبة الزرقاء في مجتمعنا اتعمل عليها ضجة كبيرة أوي، وخصوصا يوم الفرح، لأن صحاب العريس ممكن يعملوا معاه واجب ويدوه الحبة دي لنتائج “مُبهرة” من وجهة نظرهم!

في المقال دة حنتكلم عن أضرار تناول الحبة الزرقاء للغرض الترفيهي واللي له مصطلح بالإنجليزي وهو recreational viagra.

ما هي الحبة الزرقاء؟

هو اسم دارج وسط الشباب عن دواء اسمه التجاري هو الفياجرا viagra، واللي له أغراض علاجية كتيرة حنتكلم عنها بالتفصيل في باقي المقال.

استخدامات الحبة الزرقاء (الفياجرا)

• علاج لضعف الانتصاب (الضعف الجنسي) للرجال.
• علاج ضغط الدم المرتفع (ودة الاستخدام الأصلي للدواء واللي كان متعارف عليه من زمان).
• زيادة النشاط البدني للرياضيين.

استخدامات أخرى لم يتم الموافقة عليها من منظمة الغذاء والدواء حتى الآن

• ممكن السيدات تستخدمه في حالة الضعف الجنسي أيضا، ولكنه استخدام مش منتشر.
• مرض رينود Raynaud’s disease وهو عبارة عن عدم وصول الدم بشكل جيد لأطراف الجسم سواء اليدين أو القدمين.

أفكار وهمية!

للأسف منتشر بين الشباب فكرة أن تحسين الأداء الجنسي لازم يكون بسبب أدوية، ولكن هم مش مدركين أن دي حاجة فطرية وطبيعية في الإنسان مش محتاجة أى أدوية إلا في حالة وجود مشكلة مرضية وتم تشخيصها من الأطباء المتخصصين بس.

ليه كتير من الشباب بيفضلوا استخدام الحبة الزرقاء؟

الدراسات بتقول أن 70% من الشباب ممكن ياخدوا الحبة الزرقاء بغرض الفضول بس، و30% بس بياخدوها لتحسين الأداء الجنسي، واللي جزء منها للأسف لإظهار مدى القوة أمام الطرف الآخر!

أسباب نفسية

في أبحاث اتكلمت بالتفصيل عن وجود أسباب نفسية لتناول النوع دة من الأدوية، ودة بسبب قلة الثقة بالنفس، وأن الشخص شاكك في قدراته، وخصوصا أمام شريكة حياته ودة غلط جدا للأسف، لأن الشخص بيوهم نفسه بحاجة ممكن تكون مش حقيقية أصلا!

الآثار الجانبية للفياجرا

مع الاستخدام المفرط للحبة الزرقاء، وخصوصا لو مكانش لها داعي طبي بيسبب مشكلات كبيرة على المدى البعيد، وفي بعض الأوقات بتكون مشكلات لحظية.

أنواع الآثار الجانبية للحبة الزرقاء

آثار جانبية بسيطة

1. إحمرار الوجه.
2. عسر الهضم.
3. صداع.
4. دوخة.
5. احتقان الأنف.
6. ألم في الظهر.
7. ألم في العضلات.
8. طفح جلدي.

آثار جانبية خطيرة

1. قسوح priapism ، وهو أكثر الآثار الجانبية قوة، وهو عبارة عن انتصاب مستمر للقضيب (العضو الذكري).
2. سكتة دماغية.
3. انخفاض مفاجئ في ضغط الدم.
4. أمراض القلب.
5. حساسية بسبب المواد الفعالة.
6. أعراض مشابهة للانفلونزا.
7. ضعف البصر، والذي يمكن أن يتطور لفقدان البصر أيضا.

أسباب حدوث بعض هذه الآثار الجانبية

من ضمن أسباب ظهور الآثار الجانبية السابقة هي تناول بعض الأدوية مع الفياجرا على سبيل المثال بعض أدوية القلب وأدوية الضغط.

الإعلانات الوهمية!

من ضمن المشكلات اللي بتحصل من الحبة الزرقاء هي الحصول عليها من مصادر مش موثوقة على سبيل المثال الإعلانات اللي في التلفزيون والإعلانات اللي في المواقع الإلكترونية الغريبة واللي مش معروفة واللي بيشتريها ناس كتيرة لأن أسعارها رخيصة عن الموجودة في الصيدليات.

ايه الحلول اللي ممكن نصلح بيها المشكلة دي؟

مينفعش تخللي حد يلعب في دماغك بحاجة ممكن تدمر صحتك ونفسيتك لفترات طويلة جدا عشان تحس أنك أحسن واحد في الدنيا.

ومتصدقش إعلانات وهمية على سبيل المثال الموجودة في التلفزيون أو على مواقع التواصل الاجتماعي زي الفيسبوك وإنستجرام وتيك توك أيضا.

نصائح لازم تفتكرها دايما!

لازم تكون عارف وعندك يقين أن ربنا خلقك في أحسن صورة، وبفطرتك الطبيعة اللي مينفعش تغير حاجة فيها.

 ولو حسيت بأي مشكلة فلازم تروح لطبيب متخصص، وفي الأمور دي مينفعش تسمع نصيحة صاحبك أو تستخدم حاجة من دماغك.

اقرأ أيضا: شهر العسل في سيشل.

اقرأ أيضا: عشاء رومانسي سهل تفاجئ بيه عروستك.