أسرار العناية بالشعر للعروسة قبل الجواز

كل بنت بتحلم بيوم فرحها من وهي صغيرة. وبتتخيّل نفسها لابسة الفستان الأبيض. وشعرها طويل ولامع وناعم. يبهر كل اللي حواليها. ومن أهم الحاجات اللي بتخلي شكل العروسة كامل ومتكامل هو شعرها؛ لإنه بيكمل طلتها وبيزود ثقتها بنفسها. عشان كده العناية بالشعر قبل الفرح مش رفاهية. دي خطوة أساسية علشان توصلي لأحسن شكل ليكي في اليوم الكبير. وفي المقال ده هنتكلم عن أسرار العناية بالشعر للعروسة قبل الجواز، أسرار بسيطة لو مشيتي عليها قبل الجواز هتلاقي شعرك بقى صحي ولامع وجاهز للتسريحات المختلفة في يوم الفرح. وكمان هتساعدك تحافظي عليه بعد الجواز.

أهم أسرار العناية بالشعر للعروسة قبل الجواز

العناية بالشعر للعروسة قبل الجواز مش بتبدأ قبل الفرح بأسبوع. دي رحلة لازم تبتدي قبلها بوقت كفاية، يعني على الأقل ٣ شهور. وده عشان تلحقي تعالجي أي مشاكل فيه. وكمان تدي ليه التغذية اللي محتاجها. لأن الشعر زيه زي البشرة، محتاج روتين يومي وأكل صحي وراحة نفسية، وده اللي هنتكلم عنه بالتفصيل في الفقرات الجاية.

ترطيب الشعر

١-التغذية أول الطريق لشعر صحي

أكتر حاجة بتأثر على صحة شعرك هي الأكل اللي بتاكليه. لأن الجسم لما بياخد الفيتامينات والمعادن اللي محتاجها. ده بينعكس فورًا على شعرك. عشان كدا لو عايزة شعرك يطول ويبقى قوي ولامع، لازم تركزي على أكل فيه بروتين (زي البيض، اللحمة، والعدس). وكمان فيتامين B وE (موجودين في المكسرات والخضار الورقي). وكمان الحديد والزنك. ويا عروسة ما تنسيش تشربي مياه كتير لإن الجفاف بيخلي الشعر هايش ومقصف.

٢-ابعدي عن الحرارة والمكواة

من أكتر الحاجات اللي بتدمر الشعر قبل الفرح هي استخدام السشوار والمكواة بشكل يومي. ودا لأن الحرارة العالية بتكسر الشعر وتخليه ضعيف وسهل يتقصف. عشان كدا حاولي تقللي استخدام الحرارة لأقصى درجة. ولو لازم تستخدميها استعملي سيروم حماية من الحرارة قبلها. وكمان بدل ما تعتمدي على السشوار سيبي شعرك ينشف طبيعي من وقت للتاني. وياريت تعملي تسريحات بسيطة مش بتشد الشعر جامد.

٣-حمامات الزيت والماسكات الطبيعية

من الحاجات اللي بتفرق جدًا في نعومة ولمعان الشعر. هي استخدام حمامات الزيت والماسكات. عشان كدا بننصحك تختاري زيوت طبيعية زي زيت جوز الهند، زيت الزيتون، زيت الأرغان أو زيت الخروع. وسخني الزيت شوية واعمليه مساج لفروة راسك مرتين في الأسبوع. كمان ممكن تعملي ماسكات من حاجات في البيت زي الزبادي والعسل. أو البيض مع زيت الزيتون. لأن الحاجات دي بتغذي الشعر وتخليه أقوى وأكتر لمعان.

روتين الشعر

٤-قص الأطراف وتنضيف الشعر بانتظام

في بنات كتير بيخافوا يقصوا شعرهم قبل الفرح. بس الحقيقة إن قص الأطراف حاجة مهمة جدًا. ودا ببساطة لأن الأطراف المقصفة بتخلي شكل الشعر مجهد ومش صحي. وبتمنع الشعر من النمو الطبيعي. عشان كدا حاولي كل شهر ونص تقصي نص سنتي بس علشان تحافظي على شكل الشعر وتحفيزيه إنه يطول. كمان لازم تختاري شامبو وبلسم مناسبين لنوع شعرك. وتغسليه مرتين أو تلاتة في الأسبوع بحد أقصى، عشان تحافظي على الزيوت الطبيعية. وتضمني كمال العناصر الغذائية فيه.

٥-الراحة النفسية والنوم الكفاية

ممكن تستغربي النصيحة دي. بس الراحة النفسية والنوم الكويس ليهم تأثير كبير على صحة شعرك. وهم من أهم أسرار العناية بالشعر للعروسة قبل الجواز. لأن الأبحاث أثبتت أن التوتر بيزود تساقط الشعر. والنوم القليل بيخلي الجسم مرهق. وده بيبان على شعرك. عشان كدا حاولي تنامي من ٧ لـ ٨ ساعات في اليوم، وكمان يا عروسة ياريت تاخدي وقت لنفسك وسط ضغط التجهيزات، سواء برياضة خفيفة أو جلسة تأمل أو حتى خروج مع صحابك. ده مش بس هيحسن حالتك النفسية، لكن كمان شعرك هيستفيد.

هيشان الشعر

٦-مشروبات بسيطة لكن مفيدة أوي

في مشروبات كتير ممكن تساعد على تغذية الشعر وتخليه ناعم وصحي. وأغلبها كمان موجود في كل بيت. أول حاجة وأهمها هي المية، لأن شرب كميات كفاية من المية يوميًا بيخلّي الشعر رطب وناعم وبيمنع التقصّف. كمان العصاير اللي فيها فيتامين C زي عصير البرتقان أو الليمون، دي بتساعد على تقوية الشعر من الجذور. كمان اللبن والسويا ميلك فيهم بروتين وكالسيوم. وده بيساعد على نمو الشعر ونعومته. وبلاش ننسى كمان مشروب السموذي اللي فيه سبانخ أو أفوكادو مع فواكه. ده مليان فيتامينات ومعادن بتغذي الشعر من جوه. يعني لو عايزة شعرك يلمع ويبقى ناعم. ابدأي من اللي بتشربيه.