أحدث أشكال أركوبال في السوق مزايا وسعر وأماكن شراء

من الطبيعي اهتمام العروسة بأطقم السفرة، وتحس بالحيرة مع اختلاف الموديلات والخامات. فلو محتاجة تعرفي أحدث أشكال أركوبال تناسب ذوقك وتكمل ديكور مطبخك وسفرتك هنساعدك تعرفي أفضل الخامات وأحدث التصاميم ومميزاتها وأسعارها.

تقدري تعتبريه دليل شامل يساعدك في اختيار أحدث أشكال أركوبال من حيث الخامة والسعر وأماكن البيع، بحيث تقدري تشتري اللي يناسبك بكل سهولة.

إزاي تختاري أحدث أشكال أركوبال تناسبك ذوقك واحتياجك؟

قبل الشراء هتكوني محتاجة تحددي أولوياتك حسب واستخداماتك اليومية واستعدادك للعزومات. وممكن تحددي احتياجك من خلال المواصفات الأساسية، منها على سبيل المثال:

• عدد القطع: في كل نوع من أنواع الأركوبال هتلاقي أعدد قطع مختلفة سواء من عدد الأطباق أو القطع الإضافية. تقدري تختاري عدد يناسبك 28 قطعة أو 20 قطعة أو 58 قطعة. كمان في أطقم أقل عددها يوصل لـ 20 أو 18 قطعة ولكن موديلات قديمة وبسيطة للاستخدام اليومي.
• التصميم: هتختاري من التصاميم اللي يتناسبك مع الديكور العام للمطبخ أو التصاميم اللي قررتي توفريها في مطبخك. سواء تصاميم سادة مربعة أو مدورة، أو تصاميم منقوشة.
• الخامة: مشكلة الأركوبال عامة أنه قابل للكسر، فعلى الأقل هتختاري خامة قوية تتحمل الاستخدام اليومي.
• السعر: عند الشراء لازم تاخدي بالك من الأسعار، لإن في أماكن كتير بتعرض المنتج بسعر مختلف، تقدري تصوري المنتج قبل الشرا وتعملي سيرش سريع على جوجل تعرفي من خلاله السعر الفعلي للمنتج.

أحدث أشكال أركوبال

في السوق المصري هتلاقوا أنواع كتير من الأركوبال وخامات كتير وبأسعار مختلفة. لكن لو هنحدد أفضل الأشكال الحديثة فنقدر نحصرها في أركوبال لومينارك سواء الإماراتي أو الفرنسي والأركوبال التايلاندي. لأنهم فعليًا من أفضل المصادر اللي بتحدث الموديلات بصورة مستمرة بحيث تقدم للعروسة موديلات جديدة كل سنة تقريبًا. لذلك هنلاقي في كل المواقع والمعارض المتخصصة في بيع تجهيزات العروسة أحدث أشكال أركوبال تايلاندي ولومينارك.

أحدث أشكال أركوبال لومينارك في السوق المصري

طبعًا لا خلاف على إن ماركة لومينارك من أقوى ماركات منتجة للأركوبال والأركوبيركس والزجاج بشكل عامة، وبتمتاز بخامات جيدة وأشكال جديدة وسعر مناسب.

هنشوف دلوقتي أحدث أشكال أركوبال لومينارك ومميزتها وسعرها التقريبي في السوق:

أركوبال لومينارك تيفاني

من الأشكال الجديدة ولكن في نفس الوقت تشبه الموديلات القديمة للأركوبال، ولكن المميز فيه حواف ناعمة ونقوش بارزة رقيقة، كمان الحواف غير مستوية، إلى حدٍ ما متعرجة. الطقم متوفر بعدد 26 قطعة، وسعره ما بين 9 إلى 10 آلاف جنيه. بيستخدم للمكروويف أو التسخين الحراري، وبيدخل غسالة الأطباق.

أركوبال لومينارك كوادرادو

من الأشكال الحديثة جدًا في أركوبال لومينارك، رغم إنه موديل صدر من فترة، إلا إن لومينارك جددت في شكله وخامته، فأصبح من أفضل أحدث أشكال أركوبال في السوق المصري. وسعره بيترواح ما بين 8 إلى 10 آلاف جنيه تقريبًا.

بيتكون من 44 قطعة منهم طاقم تقديم 6 فنجان قهوة، و6 كوب زجاجي بنفس نقوش الأطباق. ينفع يدخل غسالة الأطباق والميكروويف.

أركوبال لومينارك أزاليا

بساطة الأركوبال المعتادة ولكن بنقوش مميزة جدًا وجديدة، معاه 6 فنجان شاي، و 6 كوب زجاجي، وسكرية. يعني معاه طاقم شاي كامل ينفع لتقديمه مع أطباق الجاتوه الصغيرة كأنه طاقم شاي وجاتوه منفصل. رغم إنه 50 قطعة وخامته جيدة جدًا إلا إن سعره بسيط، متوفر تقريبًا بسعر 5 آلاف جنيه.

أحدث أشكال أركوبال تايلاندي في السوق المصري

لازال الأركوبال التايلاندي الأفضل والأحدث من حيث التصاميم والخامات، وبشكل مستمر بتنزل منه موديلات جديدة سواء في المواقع أو المعارض. ومن أحدث الأشكال المتوفرة حاليًا في مصر على سبيل المثال:

أركوبال تايلاندي سادة حواف منقوشة

لو إنتي مش من محبين أطقم السفرة التقليدية “الصيني” تقدري تشتري الأركوبال التايلاندي السادة وإنتي متطمنة، لإنه شبه أطقم الصيني بالظبط. حواف منقوشة داخل إطار ذهبي رفيع، والوسط سادة تمامًا، ونفس الشكل ينطبق على الفناجين. ومع عدد قطع يصل إلى 58 قطعة فهتلاقي فيه كل القطع اللي محتاجها للتقديم على السفرة. وكمان سعره مناسب جدًا بيتراوح ما بين 5 إلى 6 آلاف جنيه في المواقع أو المعارض.

أركوبال تايلاندي سادة

نوع مختلف تمامًا من الأركوبال يشبه إلى حدٍ كبير الأركوبال الفرنسي القديم، ولكن سادة تمامًا. الحواف ناعمة سواء في الأطباق أو الفناجين، وبيتكون من 58 قطعة يعني ينفع يكون طقم تقديم منفرد تمامًا. سعره بيترواح من 8 إلى 10 آلاف وفي التخفيضات في السوق أو المواقع تقدري تشتريه بأقل سعر.

أركوبال تايلاندي ملون

الأركوبال مش هيخلي العروسة تحتاج حاجة معاه، لإن الموديل دا متوفر بعدد 74 قطعة، يعني طقم سفرة متكامل. ينفع لتقديم الأكل وكمان ينفع يكون طقم شاي وجاتوه. ولإنه طقم شامل بيوفر كمان طقم فناجين 6 قطع. أما سعره في السوق فبيترواح من 10 إلى 13 ألف جنيه، وطبعًا سعره مش غالي مقارنة بخامته الرائعة وعدد القطع الكبير.

دلوقتي تقدري تختاري الأنسب ليكي من بين أحدث أشكال أركوبال في مصر، سواء اختارتي العدد الصغير أو الكبير هتبقي أضافتي لمطبخك طقم مميز جدًا وعملي جدًا.

اقرأ أيضا: أجدد أنواع ميلامين في السوق دليل شامل للعروسة.

اقرأ أيضًا: مواقع بيع جهاز العروسة أون لاين بأفضل سعر وخامة.