وضعيات تصوير دبلة الفرح صور منتهى الرومانسية

من أهم التفاصيل اللي العروسين بيركزوا عليها في السيشن هي وضعيات تصوير دبلة الفرح باعتبارها الرابط بينهم ومصدر سعادتهم. ولأن الصور دي هتوثق أهم لحظات حياتكم هنوضح وضعيات لطيفة وطريقة تصوير الدبلة معاها.

وضعيات تصوير دبلة الفرح وسط تفاصيل الفرح

أكثر تفاصيل تقدروا تتصوروا فيها وسط تفاصيل الفرح، بين أصحابكم وأهلكم ومع ديكور الفرح. كل التفاصيل المميز دي هتخلي صور الدبلة مميزة جدًا خاصة لو الفوتوجرافر محترف.

تصوير الدبلة مع البوكيه

مع بوكيه الورد هتاخدوا صور لطيفة، ممكن تخلوا إيدكم الإتنين اللي فيها الدبلة على البوكيه أو ماسكين البوكيه. وتركيز العدسة يكون على الدبل أو على البوكيه والدبل.

تصوير الدبلة مع التورتة

نفس الوضعية السابقة، مع استبدال البوكيه بالتورتة، لكن هيكون التركيز على إصابعكم اللي فيها الدبل وانتم بتقطعوا التورتة.

تصوير الدبلة مع دعوة الفرح

هنا هتمسكوا دعوة الفرح بإيديكم مع بعض وعليها الدبل، وتقدموا الدعوة قدام وشكم. بحيث يلقط المصور الصورة ووشكم مش باين واللي باين فقط الدبل ودعوة الفرح.

وضعيات تصوير دبلة الفرح مع الإضاءة

من أكثر العوامل اللي بتأثر في الصور وتخليها رومانسية وشكلها ملفت وجذاب هي الإضاءة. فلو الفرح بالليل هيكون مناسب جدًا ناخد صور ليلية مع الدبل، ومن التفاصيل اللي ممكن نركز عليها على سبيل المثال:

• تصوير الدِبل في كف اليد وفي الخلفية إضاءة الفرح.
• تصوير الدِبل على ترابيزة عليها شموع، ممكن نركز إن يد العروسة اللي فيها الدِبلة تمسك بيها شمعة، ويد العريس تلف عليها.
• ممكن قبل غروب الشمس ناخد لقطة مميزة مع الدبل في الأصابع ووراها غروب الشمس.
• نشوف أكثر مصدر ضوء مشع في المكان ونتصور معاه صورة بتركيز الصورة على الدِبل وإخفاء معالم الوجوه.

وضعيات تصوير دبلة الفرح مع العيلة والأصدقاء

مشاركة لحظاتكم المميزة من الأهل والأصدقاء هي أهم لحظات هتفتكروها العمر كله.

وعشان تقدروا تاخدوا وضعيات تصوير دبلة الفرح معاهم هتحتاجو تركزوا في التفاصيل دي:

• تجميع كل المعازيم في الخلف، وتتقدموا قدامهم زي ما تكون العروسة هترمي بوكيه الورد، لكن هترفعوا إيديكم بالدِبل لفوق وكل المعازيم رافعين أيديهم زيكم.
• صورة تانية للمعازيم كلهم في ناحية، وبيشاوروا على الدِبلة في إيدكم وانتم وافقين في الناحية المقابلة ليهم.
• هتوقفوا الشباب من المعازيم على ناحيتين، ناحية فيها البنات، وناحية فيها الولاد. وإنتم في المنتصف بينهم ورافعين إيديكم في الناحيتين والدِبلة مواجهة للكاميرا.

في أفكار كتير ممكن تيجي بشكل تلقائي يوم الفرح، أو حد من الأصدقاء يقترحها، فعلى أد ما تقدروا خدوا وقتكم في الصور واستمتعوا بلمة الأحباب حواليكم.

وضعيات تصوير دبلة الفرح في السيشن

وقت السيشن طبعًا بيكون التركيز على الدِبل زي التركيز على تصوير العروسين. عشان كدا نحاول ناخد وضعيات كتير وفي النهاية نختار منهم الأفضل أو اللي تقدروا تنفذوه، ودي مقترحات سهلة:

• تصوير العريس وهو يضم يد العروسة اللي فيها الدبلة.
• تصوير العروسين وهما جنب بعض وإيديهم على بعض وجوا كف إيديهم الدِبل مع إخفاء الوجه أو إظهاره وتهميش الدِبل.
• بوضع إيد فوق إيد فوق بوكيه الورد والعروسين جنب بعض، أو الإيدين تمسك البوكيه وترفعه قدام الوجه.
• تصوير العريس وهو بيشاور بإيده اللي فيها الدِبلة ناحية العروسة، وبعده العروسة تتصور نفس الصورة.

المهم مع كل وضعيات تصوير دبلة الفرح لازم تكونوا حابين اللحظة نفسها وعايشيين فيها، مش ضروري التركيز يكون على الصور الحلوة بقدر ما يكون على انبساطكم باليوم دا وإنكم تفتكروا كل لحظة من بين اللحظات اللي عيشتوها.

اقرأ أيضًا: أماكن لفرح على النيل الموقع والأسعار.

اقرأ أيضًا: قائمة تجهيزات العروسة قبل الفرح.