كوشة في البيت | أفكار وديكورات ونصائح.

لكل عروسة بتفكر تعمل حفلة خطوبة جميلة وبسيطة وسط أجواء عائلية دافئة في البيت، وبعيدة عن زحام وصخب قاعات الأفراح الكبيرة والمُكلفة، بنقدملك أفكار ونصائح تفيدك في تنظيم كوشة في البيت لحفلة أنيقة ومليانة خصوصية ومناسب لميزانيتك ومكانك.

ليه كوشة في البيت؟

كتير من العرايس بيختاروا إنهم يعملوا حفلة خطوبة أو كتب كتاب وساعات كمان فرح في البيت لأسباب كتيرة، سواء المرتبطة بالميزانية أو طبيعة العروسين أو الرغبة في التحكم الكامل في الديكورات والتصاميم دون قيود القاعات.

ونقدر نقول إن عمل كوشة في البيت لحفل الخطوبة أو الفرح شئ مناسب جداً في الحالات دي:

• لو العروسين بيدوروا على فكرة اقتصادية وغير مكلفة بشكل باهظ للحفلة.
• لو طبيعة العروسين تميل للخصوصية أو الإنطوائية والبعد عن التجمعات الكبيرة والإحتفال وسط الأهل والمقربين فقط.
• رغبة العروسين في التحكم بالديكورات والتصاميم بشكل أكثر مرونة.
• رغبة العروسين في الاحتفال بدون قيود على وقت الحفلة.

أفكار لتصميم كوشة في البيت أنيقة وعصرية

وسط كتير من الاقتراحات والخامات المستخدمة لخلق تصميمات رائعة لكوشة البيت تلائم مختلف الأزواق، بنرشح ليكي الأفكار دي:

استخدام الخلفيات الزهرية

سواء بالورود الطبيعية أو الصناعية، الخلفية الزهرية مازالت واحدة من التصميمات العصرية الأنيقة القابلة للتشكيل بأفكار متنوعة وبمرونة كافية.

تصميم كوشة في البيت ذات واجهة خلفية زهرية بيدي فخامة للحفل ورُقي. تقدري بالتعاون مع الويدينج بلانر أو مصمم كوشة الزفاف تختاري ألوان الورد بحيث تكون مُتسقة مع ديكور البيت بشكل كافي، مع المزج بلمسة إضاءة خفيفة تظهر جمال الورود.

الخلفية الزهرية هتكون مناسبة جداً لجلسات التصوير في البيت، وممكن تكون متوفرة كمان في محلات ديكورات الأفراح في شكل لوحات جاهزة.

مزج التصميم الزهري بالأقمشة البيضاء الشفافة

كتير مننا ممكن يكون متخيل إن تصميم كوشة في البيت من القماش أصبح “موضة قديمة”، لكن على عكس الاعتقاد مازال القماش الأبيض الناعم الشفاف في الكوشة دليل على الزوق الرفيع والرقي، خاصة لو مزجناه بالورود ذات الألوان الهادئة. لذلك تصميم وشة من القماش والزهور مازال شئ عصري وأنيق جداً لحفلات الخطوبة وكتب الكتاب.

كمان تقدري تدخلي تصاميم القماش والزهو كديكور جانبي رقيق للتصوير.

التركيز على أساليب الإضاءة

تلعب لمسات الإضاءة دور أساسي علشان يظهر جمال تصميم الكوشة في البيت. وسط مجموعة متنوعة و واسعة من أساليب الإضاءة اللي ممكن نضيفها، تقدري تختاري بين سلاسل الإضاءة البيضاء أو الذهبية، أو الستائر المضيئة، أو أعمدة أو شموع LED اللي بتدي لمسة غاية في الدفئ على ديكور الكوشة.

كمان ممكن تعتمدي على اسبوتات الإضاءة اللي بيتم تسليطها على الورود لإظهارها بشكل رائع. وطبعا علشان الصور بتحتاج إضاءة قوية، لازم تكون إضاءة الشقة الأساسية موجودة وقت التصوير.

نصائح لتنسيق وتنظيم كوشة البيت

لضمان ظهور الكوشة بشكل راقي وجذاب، بنقدملك النصائح الآتية:

• اختاري مكان مناسب للكوشة، بحيث يكون ركن واسع فيه جدار خالي، وممكن جنينة أو روف في البيت لو كنتي في الربيع أو الصيف.
• حافظي على تناسق ألوان الكوشة وديكورات وألوان بيتك. اللون الأبيض والذهبي من أكتر الألوان المناسبة لكل ديكور ومريحين جداً للعين.
• اختيار مقعد الكوشة (سواء كنبة أنيقة أو كرسيين) مهم يكون جميل ومريح ومتماشي مع بقية العناصر.
• الزهور بتضيف لمسة فخمة لأي كوشة.
• الإضاءة المستعملة هي لمسة هامة لإظهار أي ديكور.
• تقدري تعملي ركن للتصوير بديكور بسيط ولافتة مكتوب عليها عبارة بسيطة زي اسم العروسين.
• سماعات الفرح لازم يكونوا في مكان مناسب وغير مؤذي لا للعروسين ولا المعازيم.
• تقدري تضيفي قطع بسيطة في أي ركن زي مراية مزينة بالورد وعليها اسم العروسين بدلاً من اللافتة.

وأخيراً، فكرة كوشة البيت هي مش بس تجربة بسيطة وجميلة، لكنها كمان اقتصادية وبتدعم الخصوصية ومناسبة لنوع الاحتفال خاصة لو خطوبة أو كتب كتاب. لكن احرصي على إن يكون عدد المعازيم مناسب لمساحة بيتك. لو العدد أكبر تقدي تستبدلي الكوشة في البيت باحتفال بسيط في جنينة نادي أو كافيه.

تقدري تعرفي أكتر عن نصائح الزفاف:

مستحضرات وأدوات لا غنى عنها في شنطتك يوم الفرح.

جزمة العروسة | 7 نصائح عشان تختاري الأنسب ليكي.

الحمام المغربي للعرائس | 5 ميزات و 6 عيوب