عشاء رومانسي سهل تفاجئ بيه عروستك

من أفضل الأفكار اللي تقدر تنفذها بسهولة في أول أيام زواجكم هي تحضير عشاء رومانسي بسيط وسهل. هيكون أجمل من أي هدية ممكن تهادي بيها زوجتك، وتحسسها بحبك.

هنقولك على وصفات سهلة عشان تقدر تنفذها بسهولة، مع تحضيرات جانبية لطيفة. ولمسات بسيطة هتخلي العشاء أحلى من أي عشاء في أجمل مكان في العالم.

وصفات عشاء رومانسي سهل تنفيذها

سهولة الوصفات مش بس في توافر مكوناتها، كمان تحضيرها سهل ومش بياخد وقت أو جهد.

مكرونة بالصوص الأبيض والدجاج

وصفة في منتهى السهولة، مكوناتها مكرونة مسلوقة وصدور دجاج مكعبات ومتبلة، وكريمة لباني. بعد تحمير قطع الدجاج في رشة زيت تضيف الكريمة اللباني وشوية جبنة بارميزان أو موتزريلا وضيف عليهم المكرونة المسلوقة، قدمهم في طبق شيك وقطفة بقدونس فوقها للزينة.

سلمون مشوي مع خضار سوتيه

طبق العشاء الفاخر في أشهر المطاعم العالمية، بكل بساطة مكوناته شرائح سلمون متبلة، تحطها في صينية في الفرن أو الآير فراير ومعها قطعة زبدة، وتحتها خضار فريش زي البروكلي والجزر والفاصوليا الخضرا. وترصها في الطبق بشكل لطيف، وأصبح معاك أجمل طبق عشاء.

ستيك لحم مع بطاطس مهروسة

طبق كلاسيكي فاخر ورومانسي جدًا، بيحتاج شرائح لحمة متوسطة السُمك ومتبلة، وتتحمر في قطة زبدة وتوابل خفيفة. والبطاطس مهروسة بالزبدة وشوية كريمة لباني أو قشطة. وكدا الوجبة جاهزة وناقص تتظبط على طبق مفرود أو أي قطعة مناسبة لكن لونها فاتح.

أطباق جانبية مع عشاء رومانسي سهل وبسيط

حقيقي مفيش أسهل من تحضير أطباق جانبية خفيفة، وخاصة إنها مش هتاخد وقت فممكن نعملها أو نطلبها جاهزة للتسوية. من أبسط الأفكار على سبيل المثال:

• طبق سمبوسة جبنة أو خضار هيكون خفيف جدًا وملائم جنب المكرونة أو ستيك اللحم.
• طبق بطاطس محمرة مع قطع مشروم مشوية.
• بطاطس مهروسة بالكريمة ودا هيكون مناسب مع السلمون والخضار.

أفكار ديكور لـ عشاء رومانسي سهل وأنيق

جهزنا العشا يبقى نجهز أجواءه، وبرضو بنفس السهولة والبساطة، مش محتاج تجهيزات ضخمة أو مكلفة. كل التفاصيل هتلاقيها متوفرة باعتبار إنكم لسه في أيام الفرح الأولى فالعروسة هتلاقيها مهتمة بالتفاصيل دي. كل اللي عليك تنظم التفاصيل وتجهز الأجواء الرومانسية:

• الشموع: هتلاقي عندك أنواع كتير من الشموع، اختار شمع بريحة عطرية مميزة زي اللافندر أو الفانيليا. وشموع رفيعة طويلة على شمعدان صغير أو كبير حسب المتوفر، وتنظمهم في وسط السفرة أو جانب الطبق الرئيسي.
• مفرش السفرة: استخدم مفرش السفرة المتاح، ولو في اختيارات يبقى استخدم لون هادي زي البيج أو الأبيض. ورتب أدوات السفرة بشكل لطيف زي الشوك والسكاكين ومناديل السفرة.
• إضاءة خافتة: اختار أفضل الأضواء في المكان اللي ممكن تعكس إضاءة لطيفة على الأجواء. ولو حظكم القمر طالع سيب نوره ينعكس على العشاء.

أفكار رومانسية لـ عشاء رومانسي لا ينسى

رومانسية العشاء هتحتاج إضافات بسيطة لكنها هتحول الوقت لأكثر وأفضل تفتكروه طول عمركم:

• موسيقى هادية: شغل موسيقى هادية بصوت خافت جدًا، بحيث الصوت بس يضيف أجواء رومانسية لكن ميكونش عالي عشان تعرفوا تتكلموا مع بعض.
• جهز رسالة: تفاصيل بسيطة لكن تأثيرها عظيم، جهز رسالة تكتب فيها كلام يوضح سعادتك بأيامكم الأولى.
• فيلم بعد العشاء: جهز فيلم بتحبوه أو نفسك تتفرج عليه معها، ويكون في فشار وفاكهة عشان تكمل الأجواء.

لو فكرت في التفاصيل دي كلها فتنفيذ عشاء رومانسي سهل مش هياخد أكثر من ساعة من وقتك. لكن زوجتك هتفضل فاكرة العشاء دا طول عمركم، حاول على أد ما تقدر تفاجئها عشان تزيد المودة والحب بينكم.

اقرأ أيضًا: أفكار هدايا رومانسية للعروسة بسيطة لكن مميزة.

اقرأ أيضًا: وضعيات صور للعريس وأصحابه أفكار مطرقعة وسهلة.