حقائق علمية لازم تعرفيها عن التهابات شهر العسل

الموضوع اللي حنتكلم فيه مهم جدا لكل عروسة، وهو عن التهابات شهر العسل. في المقال دة حنقولك أسبابها وازاي تعالجيها وازاي تاخدي احتياطاتك عشان تتجنبي حدوث المشكلة دي.

التهابات شهر العسل

هي التهابات بتحصل في مجرى البول، وتعتبر نوع من التهابات المثانة واسمها بالإنجليزي honeymoon cystitis، وبتحسي بحرقان شديد عند دخول الحمام.

ليه بتحصل متلازمة شهر العسل؟

في حالة ممارسة العلاقة الزوجية لأول مرة، أو الانقطاع عنها لمدة طويلة، وبتزيد الحالة المرضية دي في مرحلة العشرينات، وفي أبحاث بتقول أن ممكن تحصل للسيدات مع كبر السن لو تمت العلاقة الخاصة بعد انقطاع مدة طويلة عنها.

ما السبب الرئيسي لالتهابات شهر العسل؟

البكتيريا هي السبب الرئيسي، وخصوصا بكتيريا اسمها E-coli، والبكتيريا دي بتعيش في الجهاز الهضمي بشكل طبيعي، ولو زاد مستواها وبقت في الجهاز البولي بتسبب مشكلة لازم تتعالج فورا.

ليه النساء أكثر عرضة لمتلازمة شهر العسل؟

ودة بسبب طبيعة جسم المرأة، لأن الحالب عندها قصير (وهو جزء من الجهاز البولي يصل البول من الكليتين إلى المثانة)، وممكن يتأثر بسهولة شديدة بأى بكتيريا أو أجسام غريبة.

هل الحالة المرضية دي منتشرة ولا نادرة الحدوث؟

الحالة دي مشهورة جدا عند أطباء النساء لأن ستات كتيرة بتشتكي منها بعد الزواج، ودكاترة كتير بيحاولوا ينشروا الوعي عنها في الفترات الأخيرة على سبيل المثال في وسائل التواصل الاجتماعي.

ايه المضاعفات اللي ممكن تحصل لو جالك عدوى شهر العسل ولم تهتمي بعلاجها فورا؟

في بعض الحالات بيحصل أعراض شديدة وقوية على سبيل المثال ظهور دم في البول، وألم شديد في منطقة الحوض.

خطوات العلاج

• الذهاب لدكتورة النساء: ودي أول خطوة لازم تعمليها علشان تطمني على نفسك وتعرفي الالتهابات وصلت لأي مرحلة.
• الدكتورة حتوصفلك بعض المضادات الحيوية اللي لازم تلتزمي بيها عدد أيام معينة حسب نوع الدواء، وفي حالات الدكتورة بتوصف المضادات الحيوية للزوج والزوجة معا.

فيه بعض الأبحاث بتقول أن ممكن يتم تناول جرعة مضاد حيوي واحدة علشان تفادي حدوث أي مشكلة، ولكن اللي بيحدد الدواء دة وجرعته بالظبط هو الطبيب المختص.

مواد طبيعية يمكن استخدامها لعلاج متلازمة شهر العسل

• التوت البري أو cranberry: يوجد منه مستحضرات علاجية على هيئة كبسولات في الصيدلية، ويستخدم لعلاج التهابات مجرى البول بكل أنواعها، وبيعمل على عدم وصول البكتيريا للمثانة، ولكن في حالة التهابات شهر العسل مش فعالة بشكل كبير، ولكن ممكن أن تقلل من الأعراض شوية.

كيفية الوقاية من التهابات شهر العسل؟

1. الاهتمام بالنظافة الشخصية ليكي ولزوجك خصوصا قبل وبعد العلاقة الخاصة.
2. ضرورة التبول بعد الانتهاء من العلاقة الزوجية، لأن البول بيعمل على خروج أي بكتيريا موجودة في مجرى البول، وتطهيره من أي ميكروبات تانية.
3. شرب الماء بشكل كافي على مدار اليوم (من 1.5-2 لتر).
4. لمحاولة تفادي حدوث المشكلة دي مرة تانية خصوصا لو عندك جفاف في المهبل استخدمي مزلق مناسب lubricant.

نصائح لازم تعمليها قبل الفرح لتجنب هذه المشكلة

زيارة دكتورة النساء مش رفاهية، وخطوة مهمة جداا عشان تفهمي أكتر عن طبيعة جسمك، وازاي تتعاملي مع مشكلة زي متلازمة شهر العسل، وازاى تتصرفي، وامتا ترجعي للدكتورة مرة تانية للاستشارة وأخذ العلاج المناسب.

مسميات أخرى لالتهابات شهر العسل

• مرض شهر العسل.
• متلازمة شهر العسل.
• عدوى شهر العسل.
• عدوى الجهاز البولي (urinary tract infection(UTI.

اقرأ أيضا: أحدث تصاميم بوكيه الفرح لإطلالة مميزة.

اقرأ أيضا: علاج مشكلة الصلع الوراثي قبل الفرح… إليك 5 خطوات.