جفاف المهبل … أسبابه وأعراضه و 3 طرق لعلاجه

جفاف المهبل Vaginal Dryness من المشاكل اللي بتقابل بنات وستات كتير و باختلاف أعمارهم.. حنقولك ازاي تحلي المشكلة دي. 

جفاف المهبل

هو قلة في الطبقة المخاطية اللي موجودة حوالين منطقة المهبل، ودي بتأثر على حياتك وعلى نشاطاتك اليومية. 

أعراض جفاف المهبل

• حدوث حرقان شديد في البول، ودخول الحمام بشكل متكرر (زي أعراض متلازمة شهر العسل شوية). 
• حكة وظهور قرح والتهابات في المنطقة دي. 
• ألم بعد العلاقة الزوجية ويستمر الألم دة فترة. 

اسباب جفاف المهبل

1. قلة الاستثارة قبل العلاقة الخاصة. 
2. بعض الأمراض المناعية اللي بتقلل من الطبقة المخاطية الموجودة في المنطقة.
3. قلة هرمون الأستروجين ودة بيحصل أكتر في السن الأكبر خصوصا في فترة انقطاع الطمث للسيدات. 
4. تناول أدوية بتقلل من هرمون الأستروجين في الجسم على سبيل المثال أقراص منع الحمل. 
5. تناول الأدوية المضادة للاكتئاب. 
6. العلاج الكيميائي في حالة الإصابة بالأمراض السرطانية. 
7. التدخين.
8. زيادة الضغط النفسي. 

أخطاء تسبب حدوث جفاف المهبل

• استخدام مواد عطرية على منطقة المهبل بتساعد على جفافه على سبيل المثال استخدام الصابون العطري أو غسولات نسائية أو مناديل فيها عطور، ودي بتسبب التهابات قوية كمان.
• الاستحمام بماء ساخن وتعرض منطقة المهبل بشكل مباشر للحرارة دي ممكن تسبب جفاف بكل سهولة. 

مواد لو لقتيها في منتج اوعي تستخدميها 

لو لقيتي في منتج نسائي مادة الجلسرين وماده اسمها petroleum بلاش تفكري تستخدميها في منطقة البكيني أو حواليها لأنها مواد تقيلة على البشرة الموجودة في المنطقة الخاصة. 

علاج جفاف المهبل

• بلاش تستخدمي أي منتجات عطرية لمنطقة المهبل. 
• استخدام المزلقات المائية قبل العلاقة الزوجية لتقليل أي ألم ومشاكل ممكن تحصل، ودي مش شرط تستخدميها باستشارة الطبيب بس تخللي بالك أنها تكون خالية من العطور أو المستخلصات النباتية أو أي ألوان صناعية. 
• استخدام مرطبات حتساعد على رطوبة المنطقة وحتحسي بفرق كبير بعدها، وفي الحالة دي مش شرط تروحي تكشفي عند الدكتور خصوصا لو حسيتي أن فيه تحسن. 

أمثلة لمرطبات يمكن استخدامها لعلاج جفاف المهبل

1- استخدمي لوشن ماكروبانثينول Macro Panthenol لأنه من المرطبات اللي بيناسب المناطق الحساسة وخفيف جدا على البشرة. 

2- استخدمي Melatex Lightening Intimate Foam ودة منتج مخصص للمنطقة الحساسة خصوصا لو حبيتي تستخدمي منتج للتفتيح قبل فرحك. 

3- چيل أڤيتركس Avetrex، ودة حتلاقيه في كل الصيدليات ومش شرط الدكتور يقولك عليه لأن ملهوش أثار جانبية، ومناسب لمنطقة المهبل، وحتحسي بالفرق بعد استخدامه، وينفع استخدامه كمزلق أيضا . 

كام مرة ممكن تستخدمي المرطب والمزلقات؟

المرطب ممكن تستخدميه من مرتين لتلات مرات في الأسبوع، والمزلقات ملهاش عدد من المرات محدد. المهم يتم استخدامها قبل العلاقة الخاصة ويستخدمها الزوج والزوجة. 

الواقي الذكري وجفاف المهبل

بعض الأبحاث بتقول أن فيه أنواع من الواقي الذكري بتحتوي على مواد بتسبب جفاف المهبل بكل سهولة، علشان كدة لازم تستخدم نوع آمن وكويس. 

امتى لازم تزوري الدكتور المختص؟

• لو دة مأثر على حياتك اليومية وعلى أنشطتك العادية. 
• لو حسيتي أن الأعراض موجودة لفترة طويلة ومش بتتعالج مع تناول أدوية أو استخدام بعض المرطبات. 
• حدوث نزيف سواء أثناء الدورة الشهرية أو بعد العلاقة الخاصة. 

ازاي الدكتور ممكن يتأكد من وجود المشكلة؟

• عن طريق الفحص بالأجهزة التلفزيونية أو جهاز السونار. 
• وممكن يتم الكشف عن طريق أخذ عينة من منطقة المهبل، ودة بيوضح إذا كان في عدوى بكتيرية ممكن تكون السبب أو لأ. 
• بالإضافة لوجود بعض التحاليل اللي بتوضح نسب هرمونات الأنوثة في الجسم، وهل النسب دي طبيعية ولا قليلة. 

اقرأ أيضا: الصحة الجنسية والأسماك.. 8 حقائق طبية حتدهشك!

اقرأ أيضا: تحضير شنطة يوم الفرح للعريس.