تصاميم مطابخ مفتوحة على الصالة 

من التجهيزات الشائعة جدًا في شقق العرسان تصاميم مطابخ مفتوحة على الصالة سواء على الطراز العصري، أو الصناعي، أو الريفي أو الاسكندنافي. خاصة وإن تصميم المطبخ المفتوح بيتماشى مع أي طراز بشروط ومعايير مناسبة. وعشان التصميم النهائي يكون متناسب مع عناصر التصميم الداخلي للشقة، هنساعدكم ببعض المقترحات والنقاط الأساسية لاختيار تصاميم مفتوحة على الصالة تناسب نمط التصميم الداخلي.

المزايا العملية لـ تصاميم مطابخ مفتوحة على الصالة

في اختيارات كتير لتصاميم المطابخ، ولكن النتيجة النهائية دائمًا تعتمد على مقدار تنسيق المكان والقدرة على توظيفه عناصره.

دمج المساحات الداخلية

دي أهم ميزة عملية للتصاميم المفتوحة، لإنها بتساعد على اتساع المساحة ودمج المناطق المجاورة. يعني ممكن ندمج بين المطبخ والصالة أو غرفة استقبال أو ممر داخلي في الشقة. مع تنسيق العناصر المُدمجة بشكل مثالي هتكون النتيجة رائعة.

تحسين الإضاءة الطبيعية

من الطبيعي تواجد مصادر إضاءة طبيعية في الصالة، ودا هيساعد على وصول أشعة الشمس للمطبخ في حالة عدم وجود مصدر إضاءة طبيعي مباشر. الأجواء دي بتكون مريحة جدًا وجذابة جدًا، وبتقلل الشعور بضيق المساحة، كمان بتساعد على زيادة التهوية.

إزاي تختاروا تصاميم مطابخ مفتوحة على الصالة تناسب المساحة؟

بداية لو كان اختياركم للمطبخ المفتوح ودمجة مع الصالة، يبقى لازم تركزوا في مجموعة من العناصر اللي هتتحكم في النتيجة النهائية للتصميم، ومن أهم العناصر على سبيل المثال:

• التنسيق بين ديكور الصالة والمطبخ، يعني لو الصالة مودرن يبقى المطبخ كمان موردن. ولو الصالة كلاسيكية يبقى المطبخ نفس التصميم وهكذا، مع مراعاة تناسق الألوان بين المكانين.
• اختيار خامات سهلة التنظيف للدواليب، وكمان الرخام عشان يكون المطبخ طول الوقت لامع ونظيف. وباعتبار إنه مفتوح فضروري يكون التصميم عملي ووظيفي جدًا.
• دمج الأجهزة الكهربائية داخل الدواليب هيكون مناسب جدًا للتصميم. لإن داب يقلل من حجم المطبخ ويقلل من المظهر غير المرتب، وتكون النتيجة متماشية مع تواجده في الصالة.

تنسيق الديكور مع تصاميم مطابخ مفتوحة على الصالة

من أهم الأمور الأساسية للحصول على نتيجة مُرضية إنكم تنسقوا الديكور مع تصميم المطبخ، بحيث تكون النتيجة مريحة للعين ومتكاملة. دا هيتم بالتركيز على تنسيق ألوان الجدران، مع ألوان دواليب المطبخ، مع الأرضيات في المطبخ والصالة. ولو عايزين نبعد عن التشتت نقدر نختار ألوان محايدة أو ألوان أساسية ودي يساعدكم فيها المصمم الداخلي.

التركيز في تاني حاجة يكون على استخدام قطع أثاث عملية وليها استخدامات متعددة على سبيل المثال مطبخ الجزيرة. ودا يُستخدم سُفرة أساسية أو جانبية وترابيزة لتحضير الأكل في نفس الوقت.

كمان اختيار مصادر الإضاءة في المطبخ أساسية جدًا، سواء مصدر إضاءة أساسي أو مصدر جانبي ضوءه خافت. وشرايط الليد هتساعد إن تصميم المطبخ يظهر ويعكس إضاءة رومانسية على الصالة أو غرفة المعيشة اللي المطبخ مفتوح عليها.

الأخطاء الشائعة في تصاميم مطابخ مفتوحة على الصالة

كلنا بنقع في أخطاء كبيرة وقت تصميم الشقة، خاصة لو عايزين ننفذ حاجات معينة بدون ما ندرس إيجابيتها وسلبياتها. وزي ما تصاميم المطابخ المفتوحة شكله شيك إلا إن ليه مشاكل كبيرة، وممكن نتجنبها لو ركزنا على:

• التركيز على التهوية الجيدة، لازم يكون شفاط المطبخ قوي ومكانه فوق البوتجاز مباشرة لسحب الروائح قبل وصولها للصالة.
• معظم دواليب المطبخ تكون مقفولة لإن وجود أماكن كتير أو أرفف مفتوحة بيعمل تشتت وشعور بالفوضى.
• ولازم يكون كل جزء في المطبخ عملي وله وظيفة محددة، ولو هندخل ديكور في تصاميم المطبخ نحرص على إنها تكون ديكورات بسيطة.

بكدة يكون عندكم أساسيات واضحة تساعدكم في اختصار تصاميم مطابخ مفتوحة على الصالة تناسب احتياجكم. وفي النهاية المصمم الداخلي هيكون ليه رأي ووجهة نظر بناءً على مساحة الشقة وطريقة تصميمها.

اقرأ أيضًا: ديكورات مطبخ جديدة لتنظيمه وترتيبه.
اقرأ أيضًا: تصاميم مطابخ واسعة مقفولة بأشكال تناسب كل احتياجاتك.