من أجل تجهيزات الفرح.. 10 نصائح تجميلية وصحية للعريس

تجهيزات الفرح كتيرة ومش بتخلص، وخصوصا تجهيزات العريس لأنه بيكون شايل هم الشقة والتشطيب، ولحد قبل الفرح بيوم بيكون مشغول ومتوتر، وكتير جدا العريس بينسى نفسه وصحته.. في المقال دة حنقولك خطوات علشان تجهز نفسك قبل الفرح.

تجهيزات الفرح تشمل أمور تجميلية وأمور صحية يجب عليك الاهتمام بكل منهما.

تجهيزات الفرح التجميلية للعريس

1- إزالة الشعر الزائد من الجسم

مهم جدا أنك تهتم بنظافتك الشخصية، وخصوصا إزالة الشعر من المناطق الحساسة، ولازم تهتم بإزالة الشعر بشكل دوري علشان ميحصلش أي عدوى ليك أو لزوجتك.

تعليمات إزالة شعر الجسم

استخدام فوم الحلاقة مهم جدا لتقليل الالتهابات على الجلد، واستخدم الكحول في تنظيف ماكينة الحلاقة.

لو حتستخدم ماكينة حلاقة يدوية اهتم بتنضيفها قبل كل استخدام بالكحول.
استخدم فوم الحلاقة علشان ميحصلش التهابات.
لو عندك ماكينة حلاقة كهربائية حتكون أسهل في الاستخدام، واهتم بغسل القطع اللي بتيجي معاها قبل وبعد الاستخدام.
لو حصلك التهاب ممكن تستخدم كريمات مضادة للالتهاب زي كريم اليرجيكس allergex.

2- مراكز التجميل… أهم خطوة في تجهيزات الفرح للعريس أيضا!

مش بس العروسة اللي بتروح علشان تظبط نفسها. أنت كمان روح، وخصوصا أن بقى فيه باكدجات للعريس للبشرة والشعر في مراكز كتيرة، وممكن كمان تعمل تسريحة شعر جديدة، وحتلاحظ أن الموضوع دة فرق معاك لأنك حتفصل عن الضغوطات.

3- جلسات المساج

جلسات المساج مهمة في تجهيزات العريس النهائية لفرحه لأنها مصدر للاسترخاء والراحة من الضغوطات النفسية.

في مراكز تجميل دلوقتي بتعمل جلسات مساج واسترخاء عن طريق استخدام زيوت عطرية بتحسن من مزاجك ومن حالتك النفسية زي زيت اللافندر والورد، وبعد الجلسات دي حتحس بالانتعاش، وبأجواء مختلفة.

4- اهتم بشكل أسنانك.. من أولى خطوات تجهيزات الفرح

في عيادات أسنان كتير بتعمل عروض للعريس قبل الفرح، والعروض دي بتشمل تنظيف الجير، وتبييض الأسنان وشرط مهم أنك تهتم بأسنانك بعدها وتستخدم معجون أسنان مناسب ليك، وتنتظم على غسيل أسنانك.

5- رائحة جسم أفضل.. يعني ثقة أعلى

استخدام مزيل العرق مش رفاهية.. اهتم باختيار النوع المناسب لبشرتك واستخدمه يوميا لثقة أعلى.

استخدم مزيل عرق مناسب لنوع بشرتك، واهتم أنك تحطه كل يوم قبل الخروج زي مزيل عرق ستارفيل starville أو كولاجرا kolagra أو نيفيا nivea.

وحتلاحظ بعدها أن رائحة العرق عندك اتغيرت، وقلت بشكل كبير.

تجهيزات الفرح الصحية للعريس

1- لو وزنك زاد.. حاول تخس

زيادة الوزن مشكلة كبيرة أثناء تجهيزات الفرح، ولذا فيه طرق كتيرة لخسارة الوزن زي ممارسة الرياضة والاعتدال في الأكل.

السمنة من ضمن المشكلات اللي بتواجه الشباب، وكتير بيكون العريس مش بياكل أكل صحي وبياكل أكل كله سعرات حرارية عالية بتتخزن في الجسم، وخصوصا في منطقة البطن (الكرش).. وفيه طرق كتير للتخسيس زي المتابعة مع دكتور التغذية أو عمل تكميم المعدة.

2-فحوصات قبل الزواج.. خطوة إجبارية في تجهيزات الفرح

الفحوصات الطبية بتكشف عن أمراض كتيرة زي الأمراض الوراثية، وبالأخص لو فيه مشكلة زي العقم، فبالتالي حيكون فيه الوقت الكافي للعلاج، ووزارة الصحة المصرية بتوفر حاليا فحوصات ما قبل الزواج، واللي ساهمت في كشف عن أمراض كتيرة.

3- ممارسة الرياضة

ممارسة الرياضة حل لمشكلات صحية ونفسية كتيرة فحاول تتمشي أو تجري يوميا لمدة نصف ساعة على الأقل.

حاول تخللي الرياضة جزء في يومك حتى لو مش حتقدر تروح الجيم وتواظب عليه.. ممكن تتمشى كل يوم لمدة نص ساعة على الأقل أو تلعب ماتش كورة مع صحابك لأن دة حيخليك في صحة بدنية ونفسية أفضل.

4- المكملات الغذائية

اهتم بالتغذية وبالعناصر اللي جسمك محتاجها، وحاول أنك تحصل عليها من الأكل لأن ده أفضل صحيا كتير من المكملات الغذائية، ولكن أحيانا الجسم بيكون محتاج فيتامينات زيادة خصوصا لو فيه نقص شديد فيها.