ازاي تعملي سكراب منزلي للجسم بطرق سهلة واقتصادية؟

من أهم خطوات جمالك هي الاهتمام بجسمك وبشرتك، وبترطيبهم وأنهم يفضلوا في نعومة دائمة، والخطوات دي بتبدأ بتقشير الجسم  وعمل سكراب. هنقولك على الطريقة الصحيحة له وازاي تستخدمي المنتجات المناسبة لنوع بشرتك. 

ما هو السكراب؟

هو تقشير للجسم، ومعناه إزالة الجلد الميت من سطح البشرة، والنتيجة هي بشرة منورة وخالية من أي أتربة بشرط الالتزام بالخطوات اللي هنقولك عليها. 

فوائد عمل السكراب

• إزالة الجلد الميت: جسمنا بيتخلص تلقائيا من الجلد الميت بشكل يومي، ولكن التقشير بيساعد الجسم أكتر وبيديكي إحساس بالنعومة أحسن. 
• تقليل علامات السيلولايت cellulite وجلد الوزة أو جلد الفراولة من الجسم. 
• تقليل بهتان البشرة بسبب الالتزام بالترطيب بعد عمل السكراب مباشرة. 
• تفتيح المسام وإزالة الأتربة منها. 

أنواع المقشرات

المقشر الفيزيائي

يحتوي على مواد طبيعية غالبا على سبيل المثال:

1. حبيبات القهوة. 
2. الزيوت الطبيعية على سبيل المثال: زيت الزيتون، وزيت جوز الهند. 
3. حبيبات السكر. 
4. الشوفان.

المقشر الكيميائي

على سبيل المثال: حمض الساليسيليك (مناسب للبشرة الدهنية)، وحمض الجليكوليك (مناسب للبشرة الحساسة). 

وصفات لعمل اسكراب في البيت بطرق سهلة وبسيطة

• السكر وزيت الزيتون: كوب سكر، ونصف كوب من زيت الزيتون، واخلطيهم كويس قبل الاستخدام. 
• القهوة: نصف كوب قهوة، ونصف كوب زيت جوز الهند للتخفيف، وربع كوب سكر، والقهوة لها دور قوي في إزالة الجلد الميت بسبب حبيباتها الصغيرة. 
• الشوفان والعسل: كوب شوفان ونصف كوب عسل أبيض ونصف كوب زبادي، واخلطيهم كويس. 
• أملاح البحر والزيت: نصف كوب من أملاح البحر ونصف كوب من أي زيت عندك على سبيل المثال: زيت الزيتون. 

خللي بالك!

1. لو بشرتك حساسة حاولي تستخدمي منتجات مخصصة لنوع بشرتك، والأفضل تجربيها على منطقة صغيرة على ايديكي مثلا. 
2. قللي عدد مرات السكراب الأسبوعي خصوصا لو بشرتك حساسة. 
3. بلاش تستخدمي اسكراب الجسم للوجه والعكس؛ لأن حجم الحبيبات بيبفرق في النتيجة، فالجسم بيحتاج حبيبات أكبر سمكا من بشرة الوجه. 

طريقة استخدام السكراب بطريقة صحيحة

1. حطي السكراب على جسمك وهو مبلل بماء دافئ، واعملي حركات دائرية لمدة 30 ثانية، والحركات الدائرية تقلل من أثار السيلولايت. 
2. ركزي على المناطق اللي بيكون فيها الجلد سميك على سبيل المثال: الأكواع، والركب، وكعب الرجل. 
3. اغسلي الجسم بماء دافئ ثم ماء بارد، والماء البارد له دور مميز في تنشيط الدورة الدموية، وتقوية الجلد. 
4. جففي الجلد بمنشفة ناعمة بطريقة لطيفة، ورطبي جسمك بالمرطب المناسب لنوع بشرتك. 

كام مرة تقدري تكرري الخطوات دي في الأسبوع؟

على حسب نوع بشرتك تقدري تحددي عدد المرات يعني على سبيل المثال:

• البشرة العادية والدهنية والمختلطة: مرتين أسبوعيا. 
• البشرة الجافة والحساسة: مرة أسبوعيا فقط. 

ولو حاسة أن جلدك مش ناعم ودايما بهتان، فالأفضل الالتزام بالسكراب من مرتين ل 3 مرات أسبوعيا. 

الشيفينج.. قبل ولا بعد التقشير؟

يفضل عمل شيفينج للجسم بعد السكراب، لأن التقشير بيظهر الشعر تحت الجلد. 

نصائح مهمة لازم تخللي بالك منها

1. نوع الفرشاة المستخدم مهم وضروري، والأفضل تستخدمي جوانتي التقشير الناعم اسمه kessa gloves. 
2. استخدمي فرشاة جافة أو جوانتي جاف لتقشير الجسم لتنشيط الدورة الدموية، وتجديد الخلايا، وتحسين من مظهر الجلد أيضا. 

تعليمات قبل استخدام السكراب

• لما تشتري مقشر ابحثي عن نوع يحتوي على زيوت أقل، ويحتوي على كل من: السيراميد، وفيتامين ه، الهيالورونيك أسيد. 
• لو بشرتك معرضة للحبوب استخدمي منتج يحتوي على زيوت مرطبة على سبيل المثال: زيت الزيتون وزيت الأفوكادو. 

اقرأ أيضا: أهم أساسيات شهر العسل الناجح
اقرأ أيضا: تجميعة من البيوتي السبا حسب المحافظة اللي أنتي فيها