أشهر أنواع رخام مطابخ في السوق المصري

تعرف إن أهم حاجة بتفرق مع العروسة من بين كل تجهيزات المطبخ هو نوع الرخام، عشان كدا لازم تختار أفضل أنواع رخام مطابخ والأهم إنه يكون مناسب مع باقي تصميم المطبخ.

لإن نوع رخام المطبخ مش بس له تأثير على شكل المطبخ، كمان بيكون مريح أثناء الاستخدام وتحضير الأكل. خاصة وقت تنظيف وترتيب الخضار أو تحضير معجنات. ولأنه فعلًا من أهم العناصر اللي محتاج تركز عليها وإنت بتجهز شقتك، هنساعدك بكل التفاصيل الضرورية.

تفتكر أفضل أنواع رخام مطابخ الطبيعي ولا المُصَنّع؟

خلينا الأول نعرف الفرق بين الرخام الطبيعي والمُصَنّع، الأول يأتي من الطبيعة مباشرة، ومن مزاياه الشكل الطبيعي جدًا والتفاصيل الطبيعية. ومن أهم المزايا أنه أطول عمرًا من المُصَنّع وشكله مش بيتغير أو يفقد فخامته. لكن من مشاكله لو تواجد في أماكن رطبه هيظهر به عفن أو تغير في الرائحة لأن مسامه الواسعة تمتص الرطوبة.

أما المُصَنّع ودا الأكثر انتشارًا زي الجرانيت بألوانه المختلفة، وهو عبارة بودرة رخام بيتم إضافة مواد تصليب وتلميع. ومزايا المصنع على سبيل المثال إن سعره أقل من الطبيعي، ومتوفر بألوان كتير على حسب الاحتياج. ولكنه بيحتاج تلميع للحفاظ على شكله اللامع، وأكثر عُرضه للكسر من الرخام الطبيعي.

أشهر أنواع رخام مطابخ طبيعي

• رخام ستتواريو إيطالي: من أفخم أنواع الرخام الطبيعي، شكل مميز خاصة باللون الأبيض مع خطوط متعرجه غير مستوية. النوع دا متواجد في منطقة كرارا الإيطالية، وهو أشهر نوع استخدم قديمًا في نحت التماثيل.
• رخام مارفل التركي: نوع قيّم جدًا، يميل للون الرمادي أو الكريمي مع خطوط رمادية قاتمة.
• رخام كالاكتا الإيطالي: مميز جدًا للمطابخ لو بتحب الأسطح اللامعة، ولازم تنسيق الرخام مع باقي تصميم المطبخ من حيث توزيع الإضاءة ولون دواليب المطبخ. خاصة وإنه رخام لامع باللون الكريمي وخطوط بُنيه، عشان كدا محتاج تنسيق قوي مع بقية العناصر.
• رخام أماريلو الإسباني: النوع دا مشهور بأسامي كثيرة منها أماريلو الذهبي، أو الرخام الإسباني الذهبي، وهو مميز جدًا لكن بيحتاج مساحات واسعة عشان يظهر بشكل أنيق.

أشهر أنواع رخام مطابخ صناعي

• رخام كوارتز: من أشهر أنواع رخام مطابخ في مصر، متوفر في السوق بشكل كبير، لونه رمادي لامع، مقاوم للماء والبُقع لإنه غير مسامي.
• رخام كوريان: نوع فخم جدًا جدًا لونه كريمي في رمادي فاتح أو غامق، ولكن رغم فخامته إلا إن مسامه واضحة ويحتاج الرخام للحفاظ عليه تجفيفه بصورة مستمرة.
• رخام إمبرادور: من أشهر أنواع الرخام وأكثرها استخدامًا لسعرها المناسب، لونه بُني غامق لذلك بيكون مناسب جدًا مع التصميم الكلاسيكي.
• رخام جرانيت: النوع الأشهر على الإطلاق في مصر، سواء الجرانيت الأسود أو الجرانيت الهندي الأخضر. المميز في الجرانيت متوفر بأسعار متفاوتة مناسبة لكل الميزانيات.

إزاي تختار أنواع رخام مطابخ مناسبة لتصميم المطبخ؟

الاختيار هنا بيتم تحديده بناءً على التصميم العام للشقة والديكور المستخدم في المطبخ أو الأماكن المفتوحة عليه. يعني لو بدأنا نحدد نوع الرخام بناءً على التصميم ممكن نحدده على سبيل المثال بالطريقة دي:

• مطبخ مودرن: خاصة لو بألوان هادئة هيكون مناسب معاه رخام أبيض أو رمادي سادة لامع أو بدون لامعة.
• مطبخ كلاسيك: مع لون دواليب بُني أو بيج هيكون مناسب معاه الرخام البيج أو البُني الفاتح، بيكون اللون داخله خطوط أو نقاط غير مستوية.
• مطبخ مودرن مفتوح على الصالة: اللون الأفضل على الإطلاق هو الأسود، سواء الجرانيت الأسود أو أي نوع من الرخام الطبيعي الأسود.
• مطبخ كلاسيك مفتوح على الصالة: الخيارات مش مُحددة لكن الأهم إنه يكون لون ما بين درجات الأبيض والبُني لكن مع خطوط واضحة غير مستوية. وطبعًا تكون لامعته قوية عشان تدي مظهر فخم وأنيق للمطبخ أو يُستخدم الرخام الطبيعي بدون لامعة.

عند شراء الرخام لازم تركز في نقاط مهمة

• في الرخام الطبيعي مش محتاج تركز في أمور كتير، لكن ضروري تختار نوع مسامه ضيقة لإنه أقل في استقبال الرطوبة والاحتفاظ بها.
• الرخام الطبيعي يكون معالج بطبقة حماية من امتصاص المياه.
• الرخام الصناعي يكون معالج بطبقة حماية ضد الخدش وامتصاص المياه.
• تتأكد من عدم وجود لحامات كثيرة في الرخام الصناعي لإن كثرة اللحامات تعرض الرخام للكسر.

وبكدا تقدر تختار أي نوع من أنواع رخام مطابخ في السوق المصري من غير ما تتعرض لمشاكل ممكن تضايقك من الرخام.

اقرأ أيضًا: أماكن بيع الرخام بأسعار أقل من المعارض.

اقرأ أيضًا: استخدام الرخام في الديكور وتحويل البيت لتحفة فنية.