أفضل فنادق شهر عسل في إسطنبول

مفيش خلاف على إن اسطنبول من أفضل أماكن تقضي فيها شهر العسل. عشان كدا هنرشح أفضل فنادق شهر عسل في إسطنبول عشان تقدروا تستمتعوا برحلتكم وتقضوا وقت مميز وتفضل ذكرى لا تُنسى.

وطبعًا عشان كل معرفتنا بإسطنبول من خلال فيديوهات البلوجرز والتيكتوكرز فممكن تبقى المعلومات مش مؤكدة أوي لإنها في الغالب بتكون دعايا. عشان كدا جمعنا معلومات عن أفضل فنادق شهر عسل في إسطنبول وأفضل مطاعم وأماكن سياحية.

كيفية اختيار أفضل فنادق شهر عسل في إسطنبول

عشان تقدروا تختاروا المكان المناسب لكم لازم تحددوا احتياجاتكم. يعني من حيث الأماكن اللي عايزين تزوروها، أو الرحلات اللي عايزين تخرجوا فيها. وتقدروا تحددوا الاختيار الأفضل من خلال العوامل التالية:

أولًا: الموقع

الأفضل طبعًا تختاروا فندق في محيط مضيق البسفور أو في نطاق المنطقة التاريخية أو السوق القديم. لإن دي أكثر الأماكن المميزة واللي فيها أماكن سياحية كثيرة تقدروا تتجولوا فيها.

ثانيًا: الخدمات المقدمة

باعتبار إنكم عايزين أفضل فنادق شهر عسل في إسطنبول فالطبيعي تختاروا مكان بيوفر خدمات مخصصة للعرسان. زي تزيين الغرف بديكورات رومانسية. وتقديم خدمات خاصة زي التدليك وحمامات البخار وتعطير الجسم. وتنظيم عشاء رومانسي في أماكن مخصصة أو بلكونات الفندق.

ثالثًا: الميزانية

نيجي هنا للجزئية المهمة واللي هتتحكم في اختياركم للفندق وهي الميزانية. طبيعي إنكم تحددوا الميزانية قبل اختيار المكان. داه يساعدكم تضيقوا نطاق البحث، بدل ما تختاروا فنادق وتكون في الاخر مش مناسبة للميزانية. وطبعًا سعر الإقامة بيرتبط بموقع الفندق ومستوى الخدمات وعدد الخدمات المقدمة للعرسان.

رابعًا: التقييمات

عايزين تعرفوا المكان مناسب للعرسان في شهر العسل ولا لأ يبقى تشوفوا التقييمات. وهتلاقوا تقييمات بوفرة لكل فندق على بوكينج أو أي موقع من مواقع حجز الفنادق أون لاين. دا يوضح مستوى الفندق وإذا كان سعره مناسب لمستوى خدماته أو هتوضح عيوبه ومميزاته.

ترشيحات أفضل فنادق شهر عسل في إسطنبول

هنا هنشرحلكم بعض الأماكن الشهيرة في أماكن متفرقة في إسطنبول. هتختلف من حيث السعر والخدمات والمزايا، لكن تقدروا من خلالها تختاروا الأنسب لكم.

1. فندق رويال إسطنبول: من أماكن الإقامة المميزة في فئة 4 نجوم. موجود في منطقة اكسراي في حي الفاتح  وعلى مسافة قريبة من المسجد الأزرق ومسجد آيا صوفيا. إطلالته مميزة وبيقدم أجواء رومانسية مناسبة للعرسان أو الأزواج عمومًا.
2. فندق سكاليون إسطنبول: موجود في حي بايزيد في وسط إسطنبول وعلى مسافة 800 متر من البازار الكبير. هتلاقوا فيه مرافق مميزة للعرسان من غرف مزينة وسبا فاخر. وكمان إطلالته على الحي القديم ومضيق البسفور.
3. فندق سانت صوفيا هوتل: موجود في قلب المدينة القديمة وهو واحد من الفنادق فئة 3 نجوم اللي بتقدم مستوى خدمات كويس جدًا. وطبعًا من المزايا قربه من المسجد الأزرق وآيا صوفيا ودي منطقة حيوية جدًا. وبالنسبة لإقامة العرسان فالمكان بيقدم خدمات لطيفة يوم الوصول أو باختيار العروسين.

أماكن سياحية في إسطنبول لزيارتها في شهر العسل

مش معقول هتكون في المدينة التركية الأكثر شهرة ومش هتعملوا جولات ورحلات وخروجات كتير. وبما إنكم غالبًا هتحجزوا مكان الإقامة في وسط إسطنبول يبقى هنقولكم على أماكن سياحية مميزة:

• مسجد آيا صوفيا:  ودا بين من أشهر وأهم معالم سياحية في المدينة. وفي السابق كان كنيسة مبنية على الطراز البيزنطي. وبعدين تحولت لأهم مسجد من المساجد التركية وأضيف له لمسات من الطراز العثماني.
• قصر توبكابي: واحد من بين أعظم قصور السلاطين العثمانيين. وبيطل مباشرة على مضيق البسفور، وتقدروا تخرجوا في جولة نهرية في المضيق وهتوصلوا للقصر من خلال المضيق أو من الجهة البرية.
• جزر الأميرات: مفيش رحلة شهر عسل في إسطنبول من غير زيارة جزر الأميرات. لإنها من أشهر الوجهات الرومانسية في تركيا، وفيها أنشطة كتير. ممكن تركبوا دراجات، أو تتغدوا في أحد المطاعم المُطلة على المضيق.
• البازار الكبير: لزوم التسوق بقى، هتلاقوا فيه محلات أنتيكات، وسجاد، ومفروشات، وتوابل. وحاجات كتير اعتبروه منطقة الموسكي أو الحسين في القاهرة.

أفضل مطاعم لازم تجربوها في إسطنبول

طبعًا وإنتم بتدورو على أفضل فنادق شهر عسل في إسطنبول هتحتاجو تعرفو أفضل مطاعم. من حيث الطعم والسعر ونوع الأكل، عشان متجربوش حاجات ممكن تندموا إنكم جربتوها.

• مطعم  سليم أوسطا: ودا متخصص في كرات اللحم، أو الكفتة التركية الشهيرة. وهو موجود في المدينة القديمة، وبيقدم أكل مميز زي الفاصوليا وبودينج الرز. وكمان بيهادي العملاء بعملات معدنية قديمة للذكرى.
• باليكجي صباح الدين: ودا مطعم مشهور جدًا متخصص في المأكولات البحرية. لكنه مش بيهتم بالأصناف العالمية بقدر ما بيهتم بالأطعمة المحلية التقليدية. تقدرو تاكلوا عنده أطعم وأكمل مأكولات بحرية.
• مطعم كاراتاس كوناك: مطعم فخم جدًا بيقدم وجبات تقليدية تركية، ولكن في أجواء عثمانية تاريخية. وطبعًا مناسب جدًا للتصوير وجمع الذكريات.

وبكدا نكون وضحنا أفضل فنادق شهر عسل في إسطنبول ووضحنا معاها مطاعم وأماكن سياحية تستمتعوا بزيارتها. وفي النهاية نتمنى لكم شهر عسل سعيد.

اقرأ أيضًا: تجهيزات شهر العسل للعروسة.

اقرأ أيضًا: تجهيزات شهر العسل للعريس.