أفضل عطور شتوية رجالية مناسبة للفرح أسعارها ومميزاتها

من أهم الأمور اللي العريس بيحتاج يركز فيها نوع العطر اللي هيستخدمه للفرح أو الخطوبة. ولو المناسبة في الشتاء هيحتاج يختار من بين أفضل عطور شتوية رجالية تناسب الفرح. ولإن العطر جزء من ذكريات المناسبات السعيدة هنساعدك تختار العطر المناسب للمناسبة ولشخصيتك في نفس الوقت.

أفضل عطور شتوية رجالية ثابتة جدًا

1. ديور سوفاج Dior Sauvage

لازال من أفضل عطور شتوية رجالية على الإطلاق حتى لو النوع دا مشهور أو قديم. لإنه بالفعل له تأثير خاص وقوة ثبات هايلة خاصة في مناسبات سعيدة وفيها تجمعات كبيرة.

العِطر مكوناته دافئة من نوتات الفلفل الأسود والعنبر عشان كدا مُفضل في المناسبات الشتوية. خاصة مع ثباته لفترات طويلة مع زحمة التجمع وطول الوقت ما بين فرح وتصوير. سعره في السوق المصري 5 آلاف جنيه تقريبًا وطبعًا متوفر في أي مولات تجارية أو مواقع أونلاين.

• بلو دي شانيل Bleu de Chanel

قمة الأناقة بتظهر مع استخدام عطر بلو دي شانيل، بريحته المميزة لمزيج الجريب فروت والأخشاب. مش هيكون بنفس قوة عطر ديور سوفاج أو انتشاره ولكنه بيحفاظ على ثباته وقوته طول الوقت.

من أهم مميزاته إنه عطر ثابت جدًا ولكنه مش ثقيل فهيكون مناسب لو بتحب الروائح الثابتة والخفيفة. ولإنه بيجمع بين الدفء والانتعاش فاستخدامه من بداية اليوم مش هيسبب خنقة أو مشكلة في التنفس. متوفر في السوق المصري بسعر 8 آلاف تقريبًا، وتقدر تشتريه أونلاين أو من أماكن البيع المباشر.

• كريد أفينتوس Creed Aventus

عظمة لا تقارن بأي نوع آخر، مصمم خصيصًا للمناسبات الأسطورية، ريحة مميزة من الأخشاب مع الأناناس بتدي شعور بالتميز يفوق الوصف.

العطر رائحته مميزة لدرجة إنها وحدها هتكون ذكرى لا تُنسى من ذكريات الفرح أو الخطوبة. ولكن تبقى مشكلته الوحيدة في سعره لإن سعره تقريبًا 21 ألف جنيه، ورغم كدا فهو هتلاقيه متوفر في أماكن بيع مباشر أو أونلاين.

أفضل عطور شتوية رجالية ثقيلة

1. أرماني كود Armani Code

عطر مميز بتركيبته الشرقية الشهيرة، بيجمع بين اليوسفي والتونكا عشان كدا مناسب جدًا للأجواء الشتوية. ريحته ثقيلة عن معظم أنواع العطور لذلك هيكون مناسب لو بتحب العطور الثقيلة أو القوية جدًا.

المميز في العطر إنه من أكثر العطور الثابتة في الليل، ومتوفر في جميع متاجر العطور أونلاين بسعر 5 آلاف جنيه.

• دي مارلي هيرود de Marly Herod

مثالي جدًا للأجواء الشتوية ولكنه مثالي أكثر للمدخنين أو محبي رائحة التبغ. لإنه مزيج من التبغ والفانيليا بيضفي ريحة دافئة ومميزة مناسبة للأجواء الشتوية الليلية. ريحته مش مناسبة لمحبي العطور الخفيفة أو الفروتي لإنه من الروائح الثقيلة.

مناسب للعرسان بشكل خاص لإنه من العطور اللي بتسيب انطباع فخامة وثقة لذلك مثالي للعرسان. مش متوفر في معظم المواقع الأون لاين ولذلك سعره متفاوت ما بين 10 إلى 14 ألف جنيه.

نصائح عند اختيار أفضل عطور شتوية رجالية

ما تيجي تختار عطور الفرح لازم تركز على أمور مهمة، بحيث العطر يتناسب مع شخصيتك ومناسبتك:

• ركز على روائح إنت بتحبها مش بس لإنها مشهورة أو غالية، الأهم تكون راضي عنها وحاببها.
• إختار ثبات وقوة تتناسب مع طول اليوم، يعني لو يومك هيبدأ بدري ركز يكون عطر بيدوم لفترة طويلة.
• لو الفرح الطابع بتاعه مودرن حاول تختار عطور فيها نوتات خشبية وفواكه.
• ولو الفرح الطابع بتاعه كلاسيك هيكون الأفضل اختيار عطور فيها نوتات عطرية ثقيلة زي التونكا والعنبر.

وافتكر إن يوم الفرح مميز بكل تفاصيله ولذلك اختيار أفضل عطور شتوية رجالية مناسبة للفرح هيكون لها تأثير وذكرى لا تُنسى. والعطر مهم زي بدلة الفرح لإنه هيكون ليه تأثير على كل المحيطين بيك في الفرح وهيسيب انطباع يتناسب مع قوته وثباته.

اقرأ أيضًا: وضعيات صور للعريس وأصحابه أفكار مطرقعة وسهلة.

اقرأ أيضًا: أفكار هدايا رومانسية للعروسة بسيطة لكن مميزة.